都係！見步行步！你的建議好好，都有比d 零食鼓勵佢，只是有時心情唔好呻下！

---

共勉之，我都係一模一樣！我比左好多錢佢去補功輔，
但一啲用都無。
佢自己仍然吾會識睇字，自己做功課。
我個仔中英數常都唔掂。
如果遲啲要作文，其實我都唔知點算！
諗起我好想喊。鬧又鬧過，罰又罰過，獎又獎過。
但成效不大。
低不成，高不就(去特殊學校又未夠資格，但主流學校吃力到爆燈。)
啲程度又越來越深，但佢基本都未識，我真係好無助。
第二三四次都已吾讀題考，功課又多，
頂多考試抽離考，其實我都唔知學校有無真正幫緊佢。

黎繄2023年頭或中要搬屋了，果時應面臨升小四，我都唔知點幫佢搵學校。
諗起又驚又無助。
真係想喊。

---

雖然有失望，但你們有嘗試過，無後悔。
如果大部份科目都十分吃力，大人細路都辛苦。不如搵老師傾下，是否仍留在注流讀。另外，如果細路平日說話應對和同齡小朋友相近，但又認字困難，是否有讀寫障礙？學校有無定期同你開IEP會? 教育心理學家有無建議?

---

基本班主任吾會理，講多兩句，係無回覆，已讀不回！都係同助教傾嫁咋！但都其實吾會太大幫到啲乜，仍然字都係吾識，
功課上，考試上，冇調適。
考試頂多上抽離考，無其他野減少...

---

真係徬徨，有時教學方法可能無幫助，但最惨係無方向，老師無建議又唔轉介其他相關人士，靠家長自救。其實有無去CAC做過評估？是那類SEN? 讀寫障礙？

---

屯院之前做左係有限智能+ADHD,教育局知，學校都知，但用疫症來藉口，話搞吾到啲乜訓練。。。
言語治療都係好hea教,因為上zoom,
我見個言語治療師叫我仔望住張圖講下裡面人物做緊啲乜，
我仔吾出聲，佢就一直等我仔出聲，跟住一夠鐘就話落堂。。
佢個zoom room我搞左好耐都入吾到去，遲晒又冇補鐘比我仔。。。
有=冇。。。
功課無調適，考試只抽離當調適，都係一樣吾讀題。
感覺好似hea完佢完成個小學就好行夾吾送上中學。
完全無heart。
同個訓導主任講話洗吾洗留班，佢叫我仔試上去。。。
但我仔乜都吾識其實繼續上係無意思。

---

我個仔一樣，疫情訓練基本停晒，剩下Zoom 言語治療，功效原本都少，zoom 就更打拆扣。聽落情況都唔簡單，但學校無為你仔開IEP? 理應有教育心理學家，定期约家長討論。
個人覺得小三係分水嶺，如果小朋友太跟唔上，之後都好難追，因為學科內容越來越多同深。但無任何建議現在轉校，真考人耐性，難道hea 到尾等升職業導向中學？

---