讀寫障礙

帖子列表  登錄   
KoalaBrothers | 2006-09-25 13:24
請問一個小朋友如果今天學會了寫幾個字, 明天便完全忘記;
今天學會了認幾個字, 明天又會認不出來;
眼望著一個字, 會讀出另一個字(不是寫法或串法相似);
或是要花很多時間才可以認出或分辨出寫法相近的字....等等

以上各點會是讀寫障礙的特徵 或 只是一般小孩會發生的學習
問題? 有沒有一些機構可以提供初步評估服務? 謝謝.
keykey77 | 2006-09-25 13:55
我個女都係咁，老師話小息教完佢既野，放學時再問佢就完全唔記得哂，成日都記唔到野！
佢學校幫佢做左個評估，話佢有讀寫障礙，依家每日都有幫佢輔導！但我聽人講有d中心可以幫到呢d小朋友的，但要有佢份評估報告=.=我仲等緊個老師幫我羅番份報告！
香港言語及吞嚥治療中心<--按這看看吧！希望可以幫到你
KoalaBrothers | 2006-09-25 22:48
謝謝你的資料. 咁, 肯請問係米預約左就可以帶個小朋友上去做accessment? 大約多少錢?


Quote:
keykey77 寫道:
我個女都係咁，老師話小息教完佢既野，放學時再問佢就完全唔記得哂，成日都記唔到野！
佢學校幫佢做左個評估，話佢有讀寫障礙，依家每日都有幫佢輔導！但我聽人講有d中心可以幫到呢d小朋友的，但要有佢份評估報告=.=我仲等緊個老師幫我羅番份報告！
香港言語及吞嚥治療中心<--按這看看吧！希望可以幫到你
klyie | 2006-09-26 11:17
如果懷疑小朋友有讀寫障礙,先去私家醫生說給醫生知懷疑小朋友有讀寫障礙,叫醫生寫張紙transfer小朋友去智能中心做評估.跟住排期,都要排一年,所以,最好在小一之前做評估,等學校有晒小朋友資料去輔導佢.如果唔系小朋友會好有挫敗感.不喜歡讀書了.
KoalaBrothers | 2006-09-26 11:31
是否普通私家醫生已經可以做評估?
智能評估中心要排一年......oh no....
有沒有私人機構會快d?
klyie | 2006-09-26 11:54
普通私家醫生已經可以寫紙.
私人機構會快好多但好貴.
jsmleetse | 2006-09-26 12:34
我女兒剛剛做完評估, 從學童保健到見醫生, 足1年, 醫生話專注冇問題, 但可能有讀障, 又要等再做評估, 政府要等1年, 我都想知那裡有平d, 可以去考慮.
＊昇媽＊ | 2006-09-28 00:26
我仔仔係一年級時,學校同佢做過評估話佢有學習障礙... 但係因為我好忙, 所以就無咩跟進... 不過剛剛係今個月頭, 無意中搵到一間私人的... 叫杜耳中心...可能有d家長已經聽過...我都有去見過個consultant... 如果做個initial accessment 就要$3,800... 不過唔使等... 大概一個星期就可以做得... 我都應該會係下個星期帶我個仔去做... 做完再report俾大家知啦...
小虎豬媽媽 | 2006-09-29 22:13
我小朋友今年p.2, 有 讀寫障礙和言語障礙,我可以提供小小資料給大家

鴉蘭街兒童體能智能測驗中心 2395 4298/2789 4120
尤德夫人 " " " (觀塘) 2727 8474/2727 8479
尤德夫人 " " " (沙田) 2747 7411/2646 6327
屯門 " " " 2468 5261/2462 4962
下葵 """""" 2370 1887/2744 8579
中九龍 """"" 2246 6633/2715 3447
粉嶺 """ 26394102 /26712797
以上是各區兒童體能智能測驗中心電話

**醫生介紹信,小朋友出世紙和手冊到 中心排期
小女是在尤德夫人 (觀塘)排期,
今年2月尾 排期,
4月第一次見姑娘只需要v家長,提拱小朋友資和做問卷(約個半小時
費用頭一次$100, 第二次和第三次是 $60
7月做言語評估(約兩個半小時)
8月做大小肌肉評估(約兩個半小時)
9月讀寫和讀寫評估(約兩個半小時)
其中兩時是評估, 半小時是向家長講解結果
*如果小朋友評估結果是有問題中心會出信到學校和教處, 再由學校向教處申請助學金, 學校收到助學金會請有關方面的治安師去學校替小朋友診治和做訓練, 如小朋友問題是嚴重的家長就需要到學校陪同小朋友一同診治和做訓練, 回家後都需要繼續性做訓練
一般訓練要一年or數年不等,要視符小朋友的嚴重性
小虎豬媽媽 | 2006-09-29 23:02
Quote:
＊昇媽＊ 寫道:
我仔仔係一年級時,學校同佢做過評估話佢有學習障礙... 但係因為我好忙, 所以就無咩跟進... 不過剛剛係今個月頭, 無意中搵到一間私人的... 叫杜耳中心...可能有d家長已經聽過...我都有去見過個consultant... 如果做個initial accessment 就要$3,800... 不過唔使等... 大概一個星期就可以做得... 我都應該會係下個星期帶我個仔去做... 做完再report俾大家知啦...


----------------------
昇媽

我曾經向讀寫障礙的社エ詢問有關杜耳中心的資料, 佢係 一個好資深的讀寫障礙的社エ自己所開設, 在這裡我不方便對各私家評估中心作出意見, 不過社エ告訴我知道出面有很多私家開設的評估中心, 但有部份的機構所出的報告是教處不認可的,所以小心選擇�，問清楚所出的報告是否政府認可外還有什麼支援,服務和所需費用, 一份不認可的報告除了不可申請教處的支助, 小朋友在所有公開試不可申請讀卷服務(是給在讀方面有嚴障礙的小朋友), 亦不可申請用電腦答卷服務(是給在寫方面有嚴障礙的小朋友),

治療和練習私家最平約 $600/hr
讀和寫是分開的, 有些小朋友只有讀 or 寫的問題 ,有些兩樣都有, 小女除讀& 寫外還有言語障礙,所以要分開三part治療,如果係私家每月在這方面的支出要幾仟元,但政府就不需要費用,又不需要周圍去,在學校就有齊所有治療, 重有定期家長講座去解決我們在教導小朋友時所出現的問題和壓力,
1/2
下頁 | 尾頁
.
Powered by Baby Kingdom
立即打開