而家d補習社愈來愈精英制

帖子列表  登錄   
Nat思 | 2021-12-08 13:15
[i=s] 本帖最後由 Nat思 於 22-1-20 00:57 編輯 [/i]
我想知大家比仔女去補習係咩心態？
係想佢谷到有咁勁得咁勁，定因為成績唔好先補？
唔知係唔係仲有幾個月就DSE，呢兩日去兩間唔同補習社接阿女放學，都見到差唔多嘅怪事（定係常態？）···

第一間專補數學嘅補習社，有個媽媽係前台同職員理論，內容大概係佢個仔測驗唔合格，所以職員類似話佢下月無得留低，個媽媽初初都幾慶，後來職員解釋一輪，又好似check到個同學仲有啲欠交功課嘅record，咁後來個媽媽態度又軟化晒係度求情，最後係點我就聽唔到走咗。

另一間專補化學嘅補習社，接阿女個時又係聽到咁上下對話，大概係個媽媽幫個女求緊情唔好踢走佢之類，話佢因為UT所以上一個測驗先咁差，好希望繼續留係度補習，個職員個樣好似見怪不怪，都幾決絕打發咗個媽媽，見到個媽媽走個時係好失望咁。

短時間係兩間唔同補習社見到咁，令我都反思，如果touch wood不能繼續補習嘅係我女女（托賴佢成績ok），我係咪都會好似呢兩個家長咁求情或者發爛呢？由小學到中學搵學校都經歷過唔少面試同篩選，以為身經百戰，但無諗過而家連去補習社都咁誇張咁高要求，個世界係咪唔同咗。
有感而發打到咁長，多謝各位睇晒:thinking:

PS 無諗到會收到咁多人PM問係邊兩間，其實有已經有唔少人估到個名，一間係超研一間係element，因為我唔係成日上EK，回覆好慢


Nat思 | 2021-12-08 13:15
有感而發打到咁長，多謝各位睇晒
Nat思 | 2021-12-08 13:16
:ahmeowdizzy::ahmeowdizzy:
ouiwa | 2021-12-08 13:21
補習呢個行頭，好少會專補差的同學
因為咁樣會令到自己站唔穩腳。
身為家長，你都唔會介紹一間專補第尾的補習社啦 :pity:

（我話好少, 唔係無）:handsome:
CocaJude | 2021-12-08 13:31
[i=s] 本帖最後由 CocaJude 於 21-12-31 17:24 編輯 [/i] 樓主講到呼之欲出:good::good: 補數學嗰間係超研，補化學係elements啦，呢兩間出哂名出嚟嘅學生成績靚，不過入得去都預咗要勤力掛？ 你諗下，英皇、現代同遵理幾乎執哂，取而代之係呢d專科補習社做哂龍頭，時代唔同咗，補習天皇個套唔work架喇
洋蔥頭媽咪 | 2021-12-08 17:09
Quote:Nat思 發表於 21-12-8 13:15
我想知大家比仔女去補習係咩心態？

係想佢谷到有咁勁得咁勁，定因為成績唔好先補？

個人睇法，我係好反感呢啲補習社，淨係為錢為名利，收啲能力強嘅學生幫佢地省靚個招牌，當然我都明有啲家長好追求呢啲，有求就有供，但我個人就好反感。

記得幾年前打電話查詢過某間所謂名補習社，個職員話要考過試先收，仲要當時係冇位，要我比咗錢先可以排waiting list，考佢地嘅試唔合格就冇得讀，好似根本唔憂冇學生，聽完之後真係好 hard feelings ，巴閉到呢，就算有位我哋都唔會讀。
CocaJude | 2021-12-08 17:24
但又咁諗，如果補習社只係為錢，何不見一個收一個呢？:money$$::money$$: 點解要多此一舉踢走學生？
kirstyau | 2021-12-08 19:29
Quote:Nat思 發表於 21-12-8 13:15 我想知大家比仔女去補習係咩心態？

係想佢谷到有咁勁得咁勁，定因為成績唔好先補？

[i=s] 本帖最後由 kirstyau 於 21-12-8 20:38 編輯 [/i] 阿女補數個間，功課欠2次唔比上堂，測驗唔合格補測，補測完都係唔達標就罰停一個月。雖然我唔理解佢差，罰停一個月咪仲跟唔到 :igiveup: 交功課呢個我覺得係合理，因為家姐上咗之後當操咗數。 平時要佢自己做一定唔會。 家姐細妹都補測過，甘家姐話補測份卷同之前份測驗卷差唔多，肯溫下基本實過關。 但最攪笑阿妹個班9：30太早轉睇片，仲貴過實體課百幾200一個月。不過頂唔順阿妹次次要吹先睇先交功課，洗錢仲要 三催四請先睇，所以下個月cut咗。反正中一唔急，佢數底唔差，睇下唔補攪唔攪得掂。 另外chem唔知係咪講佐敦嗰間，本來我都想排，但係佢要我地睇片先，時間又唔夾，而家搵咗個skype阿sir（DrSxxx,ek有人推薦過)小組班，阿sir好有heart , by topic補，有時4堂錢教唔哂，free堂教埋。堂堂都超時幾個字，間唔中whatsapp問功課都詳細解答，見學校測驗出黎唔差，暫時唔排佐敦了。
kirstyau | 2021-12-08 19:38
Quote:CocaJude 發表於 21-12-8 17:24 但又咁諗，如果補習社只係為錢，何不見一個收一個呢？ 點解要多此一舉踢走學生？
...

[i=s] 本帖最後由 kirstyau 於 21-12-8 19:40 編輯 [/i] 因為尖子攞星，做到入黎讀既都一定追到星，之後收band1生都收到手軟。
October. | 2021-12-08 20:21
Quote:kirstyau 發表於 21-12-8 19:29
本帖最後由 kirstyau 於 21-12-8 19:34 編輯

另外chem唔知係咪講佐敦嗰間，本來我都想排，但係佢要我地睇片先，時間又唔夾，而家搵咗個skype阿sir小組班，阿sir好有heart , by topic補，有時4堂錢教唔哂，free堂教埋。堂堂都超時幾個字，間唔中whatsapp問功課都詳細解答，見學校測驗出黎唔差，暫時唔排佐敦了
佐敦果間係成績最好既精英班，俾最靚既時間上堂，第2就進階班，最後先係普通班，次次測考都排名次，來自邊間中學都寫曬出來，唔合格就踢出去，非常精英制，抗壓能力低少少都頂唔順。
1/22
下頁 | 尾頁
.
Powered by Baby Kingdom
立即打開