我都識果啲已經驗證咗嘅頂級學生，似乎無一個無去補習班～～～ 不過，我唔否定真係會有嘅，亦相信存在～～～ 頂級學生，還須看驗證與否，驗證前或後，可以有不同說法嘛～～～

---

其實有啲有去補，只不過唔俾你知，唔俾你見？:quiet:識一醒目資優仔，而家人已大，佢話說當年，話鍾意被人覺得好勁既感覺，所以起人面前hea底唔聽書，上堂瞓教，但成績好理想，人人讚，不過佢話「我補習、溫書要同你哋講咩？」:omouth:

---

咁驗證後要幾多粒星?先算係頂級學生。:joyous:

---

問下狀元有冇補習，狀元夠頂級了啩:wahaha:

---

:happy:


冇補習冇狀元 左丁山

在IFC行商場，碰到以前代理日本藥嘅馬迷N，馬迷N常在馬場沙圈睇馬，最鍾意睇中一隻半冷馬（10至20倍），就用來做膽買QQP（獨贏及位置Q）全餐，每注一百，不時命中幾百元嘅冷Q，扣去本錢2300-2600元，還是有賺，最過癮有一次中咗一條兩千元大冷Q及過千元位置Q，收錢之時，四萬咁口。

賭馬只係嗜好啫，佢以前代理日本藥，不是在香港賣，而係運入內地，直情賺到笑，因為中國人民不愛中國藥，反而拼命搶購日本藥，佢地買藥時高喊前進前進，就是前進去日本買藥也。但呢次碰到面，馬迷N係問一個問題，世姪考IB得34分，入唔到心儀大學，有乜法？間大學曾經「有條件取錄」（Conditional offer），條件係IB有35分，偏偏世姪考到34分，只差一分幾慘情。大學有冇人情味講呀？唉，講呢樣就唔會有甚麼人情，康文署一位兼職（非正式政府僱員）教練，新年期間收咗學員利是，都被康文署告上廉記啦。差一分考唔到35分，大學收生人員咪一於公事公辦。

香港學生考IB，成績全球最好，今年全港IB考試平均分係35.96，及格率96.85%，2285名考生之中，取得40至45分學生有584人（25.6%），狀元（45分滿分）有38人（英基15人，男拔7人，聖保羅男女5人，三間學校已佔27人，71%），香港狀元佔亞太區102人之37%，可見香港學生考試成績特別標青，比較之下，全球有163511人考IB，平均分得29.78，狀元有186人，五成半在亞洲，三分一在香港，自從香港及亞洲學生加入IB試後，英法德西意等學生只好靠邊站！好多家長怕仔女讀本地學校讀死書，冇創意，有能力者皆在國際學校讀IB，誰知要考到高分，仍然係香港模式，靠補習！補習名校遵理嘅母公司精英匯（1775）在7月13日上市，由七科5**狀元梁冠康敲鑼，呢位現時港大牙醫學院學生就係在遵理補習嘅。今年考到9科5**嘅喇沙超級狀元及七位狀元都係遵理補習學生，做成不補習不會做狀元嘅現象。有人話，唓，DSE點同IB呢？唉，咪又一樣，昨日講C媽媽嘅仔嘅英文補習老師就係專門補習IB英文試嘅名師囉，有幾間著名國際學校嘅學生，絕大部份係富二代、富三代，人人有補習先生跟住㗎！佢地興一對一補習，只要有成績，補習費唔會同老師計較，香港學生考IB成績冠於全球，要多謝補習先生啦！

左丁山

---

這個可能真的沒有補習，但家長係老師 https://topick.hket.com/article/3011770/【DSE2021】保良局董玉娣中學首誕超級狀元趙爾納%E3%80%80父母：兒子從不補習

---

校方亦表示，該校今屆中六生92.5%達到升大學基本門檻，該校亦提供尖子及補底計劃，針對資優生提供額外支援，安排暑假外面資優課程。

---

學校嘅安排，資源嘅分配，真的能助功/幫助同學:good:

---

所以有無補習，係無統一嘅歸類。某些嘅認為，可能只係滿足自己嘅感覺良好，或欲達頂級生級別嘅稱譽～～～ 學校為目標生狂谷狂補，所謂嘅補習堂，算否補習呢？在家狂操卷，物資何來？真係去商務買三兩本練習就足夠？咁就算如此，若碰上疑題，支援何在？學校見到有頂級生嘅成長，相信唔少學校都會出力推行去為校增光吧。去得左邊，唔去或少去右邊係可以理解～～～ 我有位好友，都應該係1%內認證生，佢父母聲稱話從小無外補，但父母係行內人呢，小學已經晚晚功課輔導到8-9點，365天如是，佢哋嘅剩餘物資，已經係非常充裕。操卷，卷從何來？～～～:joyous:

---