其實小朋友讀唔讀書, 有無書緣唔係最重要, 係個責任心最重要。我朋友阿哥, 三張幾嘢了, 一直不停咁話要讀書, 要進修, 進修係讀DSE課程喎, 只做麥當當part time搵自己使費, 屋企兩老越嚟越老, 又唔係有錢, 係基層人士, 阿爸又剛退休, 真係唔知佢想點, 剩係話你哋D人膚淺, 唔會明白佢想點。我個朋友煩到爆, 自己就嚟三張, 人工又唔係話好高, 同男友加埋得三萬幾蚊, 想結婚, 但又要供樓, 阿哥唔生性, 要佢一個人負擔埋外家真係無可能, 佢男友果面都要俾家用。其實三十幾歲宅男, 未做過長工, 我係老闆正常都唔請, 佢係咪真係想個阿媽七十歲仲要去做清潔養佢? 佢把口話唔駛人養, 自己有搵part time做, 但佢有無諗過, 就算佢唔養阿爸阿媽, 呢個世界上唔係得自己使費, 仲要有屋租、水電煤、飯餸錢、睇病錢。佢到底知唔知佢係父母補貼緊佢既生活開支。

---

讀書唔叻唔緊要，但現今社會連中六程度都沒有，出來社會謀生相對輸蝕很多，就算將來升學或就業，連入場卷都沒有便有阻礙，所以我也和他分析過後果他要知的！

---

依家正常想讀一定有中六程度, 以後唔想再讀, 可以讀IVE, 好實用, 學好一技之長。最擔心係細路變咗啃老族, 根本無諗過出社會謀生, 咁佢又點會介意讀唔讀中六, 謀生蝕唔蝕底。

---

是一個週五打完機後將電腦和手機内的game清除，後來問他沒有正面回應，可能大家都厭倦了在打機上的爭拗吧！

---

同意責任心以及識諗最重要, 個人有無責任心又不限於學歷高低, 聽過唔少高學歷都無乜責任心.

朋友妹中大畢業, 讀埋碩士, 僅僅做過幾年中學老師後, 就無做過長工, 後尾唔知識咩人,生個BB出來,就去阿媽家痴飲痴食, 阿媽退休人士,有層舊樓, 靠儲蓄同三房換兩房余錢及老人金生活, 個妹就賴死唔走,唔返工唔俾生活費, 生活過得都幾潦倒, 佢寧愿咁,都唔去搵份長工做, 話做野壓力大.

另外一個又係三大會計系畢業, 聽姑奶講,宅係屋企, 長期唔搵工做.

所以, 有時覺得做人父母好慘.

---

責任感絕對要從小培養，父母過份保護及照顧，最終亦害了孩子。現今世代許多家長都不會要求孩子要比家用，但我就同仔仔講將來唔讀書就一定要找工作，一定要比家用，不是錢多少問題，係責任感問題，若唔比家用，就請佢搬出去，唔好比孩子覺得可以靠父母。

---

係呀，雖然覺得現今年輕人搵食艱難過我們呢一代，老咗無打算靠佢地養，但家用還是應該收的，有時都會諗佢地最好自動自覺俾家用啦，要我去追討我就做唔出，如果佢地真係唔俾家用，唔通趕佢地出門口？父母無奈之處就係對仔女狠不下心腸。

---

我從小洗佢地腦，又刻意身教吓佢地，親子關係良好，每個月我出糧就會主動比零用錢2個仔，亦笑說將來你地一出糧好主動比家用我啦:wahaha: ，我教佢地將來結婚都一樣要養家，要有承擔，我相信家庭教育好重要，應該將來唔駛我追佢地掛 :happy:

---