其實聽住歌溫書好多人都會，包括我2個仔都有，只要佢地知道自己做緊咩，父母可以不用管太多，給予佢地空間自行處理吧！我樓上都有提過，中五升中六學校未必可以留班，而且中六時間緊迫，通常只返幾個月學，約一月已畢業全力備戰dse。樓主已預期兒子未能繼續升上去，何不與兒子協商搵門手藝學？行行出狀元，試試幫兒子認清目標，總會有嘢係佢有興趣或想做嘅，就鼓勵佢去學，好過佢漫無目的，又冇目標，想唔宅都唔得啦。

---

不單是聽歌，也有打手機game，一打開便無時間觀念！

---

無辦法，擺脱了on-line game的毒害，但擺脱不了手機game的毒害！

---

阿仔上週備考至今天開始考試，在家温習的時間，一直聽歌直至睡覺為止，週六、日一聽便十多小時，真是被歌曲洗腦，直至晚上十時要求他停手機，便停止温書很快睡覺，我聽1至2小時歌已覺得頭痛，所以他聽這麼長時間真不敢想像，都唔知佢温書如何入腦！

---

放鬆啲啦，兒子已經長大並非小孩，會有自己生活模式，他沒有太多興趣，在家便會看電視、上網、玩手機，聽歌，由他吧！若你樣樣都管，樣樣都規定時間，講真做人真的很沒自由。兒子若有心要溫習，聽著歌亦可以溫，若他冇心理會，就算拎著書本亦是發夢，路是他自己的，放開點吧！放下嚴父面孔，多向好方面去看，想想兒子優點，孩子總會有自己要行嘅路。其實你兒子只是一般平常年青人嘅行為，已非反叛很正常吧。

---

希望睇識冧，計劃將來啦！謝！

---

我老公同仔仔都係要聽住歌計數，我自己就要好靜好靜才計到數。 相比之下，佢哋有時係環境嘈少少嘅地方都做到文件工作，而我就嘈少少少少都出錯。所以聽住歌係可以温書的，放心！

---

但問題不只是溫習期間有聽歌,就算不溫習也聽歌,再加用手機睇youtube或其他媒體,及打手機game,一用就是不出街,在家用上十多小時,差不多一早起床至睡覺,已經有宅男的影子,本來這個暑假要求他做暑期工,睇情況到時又是諸多推搪,問他考試如果不合格有什麼安排,回應只是唔知,唔好再講,好煩等字眼,不願意面對現實計劃將來!

---

手機睇youtube或其他媒體,及打手機game係青少年中幾普遍，我仔小學唔俾佢打機，中學後都開始玩ipad game ，依家好難禁止中學生接觸到呢d電子產品。

你話你仔無計劃將來，咁佢仲未成年，父母幫得到都應該扶佢一把，唔好再糾結於有無大學讀了，放下呢個心結，如果仔女無心向學，VTC實在係一個唔錯既選擇。

---