THUMB UP. 不好意思，介意講下家庭環境嗎？ 因為細路會睇到家庭係咪真係負擔唔到大學，點解對佢咁殘忍。 是否家庭生活一直比較慳儉。

---

我原則是不可浪費，煮左唔好食都要同甘共苦，新餸一定要試，試左唔中意可以唔食，時間我basically 冇限制，不過就食得快好世界，食得慢要洗碗，間唔中會提下出來做事唔會有兩個中食飯

---

[i=s] 本帖最後由 TwinWong 於 18-8-2 12:28 編輯 [/i] 只係要佢學習悭儉:funny:

---

我細女仲悭过我 两個人食一個餐 叫多一道菜都話唔好哂 夠食就算

---

e加社會富裕，好多時都食太飽，導致痴肥，身邊親友逢生日三個蛋糕，中曆西曆正日加optinal weekend 家人聚餐，我就用來作反面教材，我們平時食反都盡量剛剛好，不過同時在特別日子或原因會豪下，唔好變成守財lo

---

我地差唔多做法。

孩子唔食飯，大人食完就無得食，之後無任何零食、水果等，牛奶果汁都唔飲得，衹可以飲清水。要等第二餐至有得食。大仔兩歲時，有一日發脾氣唔食飯，成晚無得食野，到第二日早上，餓到震，真系睇住佢成身震曬。自此唔敢唔食飯，仲食得好快。

我規定所有仔女七歲起要每天做家務，系真做，唔系玩玩下。考試日子都要做。唔做？得！唔會打，唔會鬧，衹系無飯食。同佢講，責任同權利系對等，有食飯權利就有做家務責任，系家庭一分子就要做家務。

至於供養同自由，我依中國古制定２０歲。我同仔女講，２０歲后他們有完全自由，做嘜都得，唔駛我同意，不過如果有重大問題想問我意見，我好樂意答。但系，２０歲后自己要想辦法養自己。

---

正！我就係鍾意復古，去返舊時。 話時話，咁即係供唔供讀大學？

---

老老實實，我覺得食飯係可以從小培養好多野，不過個場景亦牽涉太多，要旁邊既人合作。 呀KWUNPA 做到，相信佢係好似普京既咁，要有一錘定音既威望先得。

---

睇完Kwunpa同TwinWong, 我知我又做錯咗。

兩個阿寶一出世, 我即刻同佢哋買咗教育保險, 所以學貴一定無問題。不過, 我好老實咁同家姐講(無同阿妹講因為睇佢都無乜希望), 你要出國留學, 一定要有船, 阿媽我一定唔會俾錢你去外國留學的。我仲以為自己好狠, 今日真係甘拜下風。



你講得好啱, 食飯呢樣嘢, 要有好多旁邊既人合作。我雖有普京既氣勢, 但隔離果個上有政策, 下有對策, 所以先搞到阿大咁肥。前排去完見營養師, 其實佢既標準, 同我既係唔差得幾多, 只係身邊有鬼。

---

現今飲咩 食咩都易肥架 連飲水都易肥 所以小朋友 小時一定要作適定時 肥係 飲食習慣 消化系統 新陳代謝慢

---