你仔仔本來就係聰明仔, 只係懶, 所以VTC課程對佢嚟講一定唔係辛苦, 應該應付得好輕鬆。但問題係, 如果係咁識諗去做兼職, 就唔會搞到今時今日咁啦。
你現階段除咗擔心佢借錢碌卡外, 仲要擔心佢做萬年學生。我朋友阿哥就係咁, 3X歲人, 成績無你仔好, 佢考cert都唔合格, 年年考, 考到DSE, 自修試過, 夜校讀過, 之前都叫做過下麥當當兼職, 後來話要專心讀書, 兼職都唔做, 話佢就話你哋呢D俗人唔明白佢, 佢話自己無啃老, 佢消費好少, 但佢無諗過住屋企交租, 食飯, 燈油火臘全部都係阿媽6X歲人出土做清潔支付, 佢覺得自己無用人哋錢, 話佢, 佢就即刻反面關房門。聽到都心煩。

---

至於萬年學生我又不太擔心，明年下旬很大機會退休返國內，香港會租房給他住，好好讀埋這兩年書，但前提是我會付學費和房租，其他吃飯、交通等消費要求他兼職自付，這就是環境改變要他改變生活方法去適應。你所說的萬年學生就是因為親人在香港，照顧起居飲食，自己消費唔多自然hea落去，和我情况不同！

---

請問你兒子讀邊科？

---

做两份part time囉……我估大概佢都無心机讀｡

---

銀行及金融高級文憑

---

佢哋返學嘅時間，會隨著唔同 sem 而改變，幾日有時返上午有時又下午、全日又有都幾亂，sem 1應該輕鬆少少，相信功课不會太多，如果想做part time 都可以嘅，但我谂你仔仔應該唔會，不過近考試或要做project ，就要用較多時間，若有心想駁返上大學，sem2. sem 3就要更加努力，GPA 要取高啲先得，有人間中都會走堂，最重要佢自己要有心機讀。樓主兒子讀銀行金融，IVE 课程其實相當實用，你也不用擔心，IVE有樣非常好嘅安排就係到佢哋yr 2. 明年暑假或sem 3-5學期時，學校會安排佢哋做 intern .真正去返工，佢唔可以唔做因為會畢唔倒業，實習期表現良好畢業後該公司或會優先骋用，當然成績好也可以继續升學。
樓主兒子已經長大，宜多啲同佢溝通，你仔仔都係醒目仔，以佢現時嘅學歷要做銀行/金融業已可以，但想上位為將來就要更努力先得。

---

多謝資訊，問過佢都知道有實習，但詳細佢都唔知，但到實習尚有一年，如果佢咁得閒在家電玩，還是要push佢出去做吓兼職。

---

比多少少資讯你，叫佢比心機考好啲GPA. 機會永遠留比有準備嘅人，老師Ref 工作，大公司通常會推薦成績好嘅同學去，经常遲到/早退，GPA 差嘅，介紹比你既都會差哟，待遇都冇咁好。加油呀！

---

謝謝，已告知他，這要看未來一年，他在電玩和前途作出取捨。

---

講起懶, 自從阿仔返學回來已是下午6時多, 我現在給他不用上課免費打4小時, 上課則打2小時, 超時則每小時收10元, 可能他的儲備已用了七七八八, 又不去兼職, 所以電腦打機時間少了, 轉移狂用手機打機, 只是換湯不換藥。話說他放學回來打了一個多小時後, 我7時許就回來, 準備吃飯, 早前已通知他如果吃最後, 我先吃完和洗完碗筷, 他便要洗返自己的碗筷和倒垃圾, 本應要做的工序不多, 但有時他失預算, 在開始吃飯的時候他開了新的一鋪遊戲, 變成不可停下, 只能打完才可吃, 但他又怕洗碗和倒垃圾, 寧願不吃飯也不洗碗, 只能怪他貪玩又怕辛苦, 連飯也不吃也可以。

---