正苦都成日講：吸煙危害健康。
咁大個人點會仲聽你講，e加d煙咁貴，佢afford 到？

間屋係你的，你話唔可以在家食咪得，要食就出街，理由好簡單，二手煙仲有害過一手

---

仲有三手煙既問題。

---

呢个帖越睇越心嗡……depressed.

---

有咩? #1503好似只係話樓主買部機個spec比基本要求高而已。佢買機時個仔已改咗張graphic card, 但應該係唔夠, 打機張graphic card chur得好勁, 要張靚卡。佢部機得8G RAM, 加RAM同換SDD好似係其他JM建議的。

不過, 樓主就咪鬼啋佢, 咁大個成年了, 既然食煙、飲酒我唔管得你, 咁唔該自己要部勁腦打機就自己諗辦法, 咁叻丫拿。:hehehe:

---

[i=s] 本帖最後由 stanleypyk 於 19-1-30 08:27 編輯 [/i] 其實各位建議升級換顯示卡和SSD，是硬件配套一定有幫助，我早前買電腦給他用是供讀書用途，現在他用途改變，只是埋怨父母買的電腦廢，滿足不到他的用途，現在18歲了，有兼職可賺到一些外快，建議他自費升級，反而被他責罵是父母供應不足，所以我再建議什麽也沒用，繼續邊用邊罵，輸了就埋怨父母對他不好和上天整他令他輸，思想不變說什麼也沒用！

---

昨天和阿仔講開罵天父的問題，透露了一些個人工作經歷，他以前在麥當奴和現在於便利店工作，在麥當奴做雪糕筒，攪到成手都係雪糕，他說跟其他同事做法相同，但同事沒有問題，而便利店有客付款要掃瞄條碼，其他同事很快掃到，但他要掃好多次才成功，又是埋怨天父整他，但無冧過是否學藝未精的問題，所以不懂去找出真正問題的人，只是怨天尤人，問題永遠解决不了，最終攪到事事不順，更加多怨氣令意志消沉！

---

我仔话最大问題係张咭，張咭唔得放咩機都冇用，如果識揀買張好啲嘅卡根本唔係好貴，不過佢連研究嘅態度都冇咁就理得佢啦。
做父母嘅都係畀最基本嘅嘢佢哋，如果要追求物質享受同升級，就應該自己努力研究下自己儲錢去買。記得我仔當年中三第一次砌機，都係自己研究，同我商量完用佢嘅零用錢我陪佢去買，之後搵同學幫手，自己一手一腳整自己搞掂，如果研究都懶唔願意付出咁就冇资格去怨。
其實你已經盡咗做父母嘅責任，其他嘢就由佢自行承擔，將來出來社會碰碰壁人自然會成長。至於樓上提到兒子食煙，我相信成年人唔會唔知吸煙有害健康，所以都唔理得咁多只能提點下，但就要規定佢不能在家食。

---

現今年青人的確好喜歡怨，喜歡鬧人廢架，我仔間中都會。不過同佢哋呢代相處要沉著氣，唔驶勞氣。
樓主仔閙部機廢，如果你敢講白啲你可以答佢，係架，你講得啱部機係廢架，你揀张咭都一樣廢啦，有本事咪自己研究下點升级，自已储钱買部唔廢嘅囉，你又唔去研究只識鬧咪同部機一様廢。

---