其實一些習慣是後期才有，因為離開高中讀大專的時間更多，一些家中習慣可能自少没特別要求他做，當年長後要求便多了，但不願做便要催促下才做，不認同的情況是很難自動波的！

---

真係好明白你既無奈……討厭既程度已去到唔想理佢，但係自己个仔又唔想放棄……改變唔到佢，唯有改变自己，唔係叫你接受佢，而係為唔好激親自己，當佢透明吧~供佢食、住已盡父母責任，其他唔好对佢有期望。準備新年亦唔好期望佢会參予，食唔食飯都唔洗理佢，佢大呼小叫鬧上帝，你當时运高听唔到，當同个精神有问題既住紧……

---

本來我想唔理，不過他經常詆毁我買給他的電腦差，令他不順，我才好奇想知道背後的真相，起碼我買這部機是LOL高於最低要求，他買的顯示卡無得選擇又埋怨我買部細機比佢，當然佢肯升級便可解决，但看他口氣希望幫他攪掂一切，仍想我供養他不需自費！

---

係禁㗎嘞~我女都係禁囗头蟬，－开囗就“你个”：你个垃圾桶好臭、你个厨房好污糟、你个wifi好廢……乜都入我数｡初初听落係好礙耳，好似乜都係我錯，不过我之後識自己調節，唔再理一切唔啱我听既說話，真係啋佢都傻。

---

家家有本難念的經，背後有他的故事和原因，i guess.
上過一講座，社工提出父母責任：除衣食住行外，心靈上父母關懷也重要，不過不是樓主咁。之後我都同自己小朋友講，上到中學我中文是有限公司，唔會再幫到佢，要自己執生，當然唔係話放就放，小學階段放好多心思在自理能力上

---

另一樣野，我小朋友有選擇障礙，所以有機會我都會分析purchase decision 和買比佢的比個short list 佢自己擇。仲有分配d家務比佢⋯

---

我錯在自小無点佢两个負責家務(自理虽然－流，但蝦阿媽，有个媽在，公主上身)，而家大左唔会叫得动，更唔好期望自动自觉｡所以楼主－样，小时無要求阿仔做既野，大左先叫係無可能｡

---

現今這代沒有了同理心，孝順心，反而多了憤世嫉俗的心！

---

所以要自保，睇开d. 激死自己佢地都無感覺，又何必呢？

---

我都同太太講要放得低，退休後有自己的生活，仔大仔世界，再擔心也没用！

---