[i=s] 本帖最後由 stanleypyk 於 19-3-1 14:06 編輯 [/i] 佢從來不肯細說成績情況，只是講過某些科成績差可在下一學年追返，所以不會留級不能升去第二年。只不過在返學及兼職之餘，回家便即刻開電腦打機，在家中時間不是電腦打機便是用手機，放學回家吃晚飯時仍不肯停，邊打邊食，所以只能下家規8點半前停打，每天有打機時間的限制，就算超時也在其他日子扣回，如果不限制，他真的每天可打上8至9小時或更多時間，而且打機期間不時辱罵上帝的舉動難以接受，前天晚上就是以睇夜波為名，深夜2時許打機兼睇波至6時，睡了3小時又返學，這樣的生活方式做家長真的看不過眼！

---

正常总成績有講GPA幾多，不過如果某科成績唔達標，第二年要重修否則畢唔倒業。
唉… 都覺得你仔似乎冇心向學，若 GPA低於3，基本上好難上倒大學。

---

剛問過阿仔GPA有3.02，對他說以他的資質，不用功讀也有3以上，可惜未盡全力，否則升上大學亦不是難事！

---

如果想入番8大，GPA至少要3.5或以上，由其頭1年 sem 1/sem2 ，個人相信佢似乎未盡力。

---

今天和阿仔講開佢狂玩的LOL，說有9成運氣才會勝出，可否問下你兒子是否真的，還是靠什麽主要因素勝出，謝！

---

除運氣外佈局都好重要。我仔冇玩好耐答唔到你啦.

---

咁即係和部機spec 冇關，要去還神 :hehehe:

---

你兒子當時玩LOL通常每天玩多少個小時，玩咗幾多年才停，停了後是少玩了電腦遊戲還是玩其他種類遊戲？

---

我唔知佢玩左幾耐，只知佢同d fd玩，S4果年有段時間佢都试過沉迷玩game. 果年成绩唔算差，但欠交功课问題嚴重最终學校唔發成绩表比佢，S5知衰已經開始抽身冇咁沉迷，不過佢唔止玩一隻game 而係好多野都玩，you tube 小说乜都睇，亦因爲咁令佢英语能力進步神速，考dse時 英文阅讀卷取到5星.
所以我都话如果你仔锺意上網，除了打機外其實都有好多野做，人大左應該唔會再沉迷响打機，肯花心機就算上網亦會有得著。

---

[i=s] 本帖最後由 stanleypyk 於 19-3-11 08:28 編輯 [/i] 你兒子是否在房內關門打機，所以察覺不出玩多久，因為我兒子在廳玩，所以如玩上8個小時便很明顯，在網上說每天玩多於4小時對腦部受損，就這點我和他爭拗著。還有放學回來本來叫他玩到7點半吃晚飯前停，但不聽一路食飯一路打，直至8點打埋個舖勸停，因為夜睡，到中午11點後起床，不用返學即刻開機，連午飯都不吃，直至晚上勸停為止，有時用晒配額，但出去網吧打！

---