[i=s] 本帖最後由 小時了了 於 20-4-1 14:06 編輯 [/i]
Quote:IloveJJ 發表於 20-4-1 11:02
我感覺你好多計畫，點解唔諗清楚一個，努力考好嗰個呢？
如果只係因為今年停課，與其準備另外一個考試範圍（唔係剩係考多幾次試，係唔同範圍要讀），點解咁好好讀自己想讀既科呢？一個高分既考試成績，唔會好過幾個普通既考試成績嗎？
或者我唔識野啦！不過我覺得除非一個考試已好有把握，否則何必再讀多啲？
阿女學校有 IAL 讀但只係提供 Phy, Chem, Bio, Math 呢幾科, 無商科. 之前我亦打算高中選學校嘅 IAL 課程但自修商科然後經學校報 IGCSE 及 IAL 考試. 而佢學校 IAL 課程學位前兩年都未滿, 相信今年高中選科時選呢個課程一定入到 (第一屆只提供30名額但只有1X個讀, 去年見學校曾提供資料 IAL 課程第二屆開始名額係 50個).
但係較早前學校高中選科家長晚會, 講座中老師千叮萬囑我哋家長唔好只係考慮課程但係課程內嘅科目仔女無興趣及唔鍾意, 咁仔女會讀得好辛苦及成績唔會好的, 佢話教咁多年見唔少高中學生選錯科而讀得辛苦又成績唔好.
阿女理科真係唔掂, 如果我梗硬選學校嘅 IAL 理科課程, 阿女高中嗰3年會讀得好痛苦. 我亦曾認真同阿女傾, 佢真係好唔想讀理科. 4月底前佢要覆學校高中選科了, 佢會選DSE 嘅 Econ, Business, Geog/旅遊與款待. 日文佢堅決唔肯讀
我亦曾同佢提過今年考王錦輝插班 S4 (因為呢間 IAL 有 Econ 及 Business 讀), 如果成功轉校咁佢就會留係香港完成高中畢業唔去海外讀高中, 但佢又極之抗拒唔肯轉校, 要留返係依家學校讀嘛.
既要顧及阿女學習興趣及能力, 又要尊重佢好想留原校非常抗拒轉校, 係咁情況下我同佢共識留原校讀DSE 佢就要承受同時要讀 IAL 課程, 暫時佢寧願決定係咁
P.S 1. 我同阿女講, 如果學校 S4 選修科7月時公佈佢讀唔到 Econ, Business, 咁佢就真係要轉校喇.
P.S. 2 我又同佢講, 明年佢自修考 IGCSE, 佢自己感受自己處唔處理到同時讀 2個課程, 如果佢明年考完 IGCSE 後最終覺得應付唔到 2 個課程, S5 時就會轉校去只有 IAL 課程學校(直資/私校/國際學校)讀喇
|
