其實我有少少懷疑你兒子可能有輕微亞氏，所以才容易過份沉迷同固執，又缺乏自信容易逃避責任。除非等佢揾到樣有興趣嘅嘢或有了目標，才有機會改善。

---

在他升高中時也找過一些評估中心, 評測結果只是交際能力較弱, 但未至於是自閉症, 再加埋去年有出外兼職, 所以應該不是深度的自閉症, 所以要睇埋之後的一至兩個月找工情況再決定是否要求他去矯正。

---

記得你仔做兼職（好像地產），個老板幾喜歡他，能夠和街外人connect，尤其係唔同年齡群組，以及權威figure，你仔的社交能力應該唔係自閉小孩。 有d口吃係會打擊自信，我有個舅舅，佢係情急的時候會口吃。但佢係好聰穎果種人，口吃的時候，佢會同人講，自己個腦實在太快，個口都講唔切。

---

邊緣 Case 唔係咁容易識别，由其佢哋越大個越會懂得掩飾自己。 唔好介意因為我覺得你囝囝有我大仔部份嘅影子，我大仔就係正宗邊緣case。
Anyway，現在最重要睇下可唔可以幫佢揾到樣興趣，揾到個目標，佢才會有動力去改變。

---

不介意的, 反正以前也懷疑過, 但要幫也要受幫才有效, 前幾個月我太太要求阿仔讀報, 次次等佢打完機到晚上11點才開始肯讀, 但我們做父母年紀大太夜比較疲勞, 所以我勸太太問清楚佢是否想改善, 結果他放棄了不讀, 剩下半年時間佢肯受幫就幫, 唔肯幫都無用！

---

也想知你大仔是邊緣case, 不知介不介意可說一下佢現在情況？

---

我仔係好邊緣 Case. 當年我冇經驗老師又唔發覺，小學成绩又沒大問題，佢數學能力更比同齡小朋友高，唯獨中文能力超差，佢同其他人相處表面問題不大，但其實社交十分弱，欠同理心，思想負面，非黑即白，佢谂野方法常人好難理解，高小時我顶唔順主動帶佢找心理學家，會面數次後才確定佢屬於邊緣亞氏。當年心理學家比過少許訓練佢，教佢一啲與人共處要留意地方，教佢同理心，減低佢負面情緒，亦教了我一啲同佢相處方法。

升中後我一路响背後 Mon 住佢，同班主任响背後幫佢，同佢多溝通及引導佢，陪養佢自己負責，佢沉迷嘅嘢你好難改佢， 只可以引導佢分析，教佢思考後果， 仲記得我仔中四個年都试過沉迷打機， 當年欠交功課嚴重學校連成績表都唔比佢，我跟班主任响背後不斷鼓勵佢/引導佢，佢其實知道問題，中五知衰自己改變。 佢鍾意嘅嘢可以好沉迷，佢喜歡電腦可以對住電腦超過十個鐘，幸好喜愛亦變成佢嘅目標，而家响大學主修電腦，亦打算作為職業。
佢大個咗跟平常人相處你唔會覺得佢有咩問題，之前做暑期工仲比人讚佢添，但對住家人因太了解佢，佢嘅行為有時令你好反感，呢種人如果你用正常嘅思維去理解佢，你一定會比佢激到爆血管。所以作為家長我都睇得好開，我已經盡了教育佢嘅責任，路係佢自己將來想點行就靠佢自己啦！

查實係咪亞氏已非重點，因為只是一個標籤，最重要係幫佢搵到自己嘅弱點從而改善問題。
你兒子直至現在都未找到興趣同目標， 而且佢缺乏安全感同自信，想佢改變暫時應該會係非常困難。

---

你仔仔如果有興趣金融，或者完成 HD 後叫佢试下 in 銀行，鼓勵下佢唔好怕失敗，當佢揾到目標同方向，自信自然就會返黎。

---