咁睇嚟你仔啲symptoms好mild，你哋又總算及時控制到，好彩過樓主

---

原來你仔的經歷和我仔相似, 但較為輕微, 其實他交際差、無自信及負面我也有在他面前指出過, 但他的態度是愛理不理, 想知你囝囝知道自己的問題後態度如何, 是迴避還是試圖面對, 我囝囝是迴避那種！

---

對於呢個仔其實都心力交瘁，放咗好多心機同時間响佢身上，為了解讀佢嘅行為同舒緩我嘅情緒，我 keep 住帶佢見心理學家，持續大约 2-3年，須然從小我同佢親子關係尚算良好，但佢嘅歪理同思維有時亦令我透不過氣，所以對佢亦唔會有太大期望，咁大家都會舒服啲。

從小我會經常同佢分享，待人處事行為態度咩我都會講，我唔會話一定係佢錯引起佢抗拒，但我會同佢分析佢嘅行為背後引申嘅問題，讓佢自己思考問題出在哪裡，须然有時佢未必有反應或者會迴避，但心理學家講過其實佢响度慢慢吸收緊/解讀緊，你未必會明白佢所想同樣佢亦未必會明白你，但溝通係非常非常重要嘅技巧，亦是同佢打好關係嘅橋樑。

一路睇你帖子亦發現有我仔嘅影子，所以點解之前我都提過你必須跟兒子打好關係先，無關痛癢嘅事就當睇唔到。你兒子迴避問題有可能係佢根本唔知點去改變，佢覺得冇人明白佢，心灰冇目標更加冇動力去改變，你同佢關係至為重要，因為佢肯接受你 你才會有可能改變到佢。

---

謝謝意見！但我冧不知好不好將你仔的經歷和我仔分享, 可以當為借鏡, 從而知道類同處境的人也有光明的將來！

---

我唔介意，不過同佢哋溝通真的並非三言兩语就能見效。

你兒子已經長大，會有佢自己嘅諗法，唔容易接受他人意見，不過有時思想走進胡同，或許第三者意見會對佢有另一番啟發。

---

好的, 那你兒子至今有無口齒不清及不想交際的情況？現時他在讀大學還是出社會工作？

---

佢從來都冇口齒不清嘅問題，只係會詞不達意， 當年都有幫佢諗過有咩工係唔使點同人接觸。
我仔現今响大學修電腦，暫時方向主力係寫 program. 不過佢都計劃好日後會去外國讀 Master.

---

口吃有時係自信問題。以前我有個同事，佢講廣東話有口吃，但佢留學台灣，所以國語講得好。當時係無乜人識講普通話既年代，所以佢普通話水平就好突出，佢講普通話時，我未聽過佢有口吃的。

---

所以我兒子做present時喜歡用英文多過中文！

---

你仔肯深造讀下去也好, 但也聽過有些子女只肯讀書, 不肯出去社會工作, 所以讀完一個degree又一個master, 接連不斷讀到40歲過外, 這也令人頗頭痛吧！

---