可能佢對英文比較有自信，因為香港學生英文口語好既相對較少，所以佢就比較流利。

---

我仔一定唔係呢種人，因為佢係一個好固執嘅人，只要佢自己定左目標就會不停向前走，況且讀 master 係佢自己嘅 planning，係佢自己儲嘅積蓄供自己去讀。

---

同我仔一樣，都係頃向喜歡英文，而家所有閱讀同書寫佢都用晒英文，英強中弱， DSE 考試英文可以見星，但中文只能取2，真係嘔血 :sickmilk:

---

吓！激死呀！

---

睇到你呢個留言，令我好有感受。 我仔同你仔一樣，但唔係邊緣case, 固執程度嚴重到要藥物去控制。 佢有好多負面情緒，成績唔差但未係好似你仔咁勁。 你講得好啱，用正常思維去理解，真係爆血管，佢越大，就越難糾正，佢覺得我講緊嘅每一件事，都係話緊佢，我仍然學習緊點樣同佢溝通, 有時真係令我好火，但我同自己講，我已盡我所能去教導佢，將來條路係點，要睇佢自己。但好多時，我都覺得自己好無力，無奈。

---

同路人， 對於佢哋嘅固執同負面情緒， 無力與無助感不足為人道，外人係唔會明白。就算我仔現今已成年，有時佢嘅情緒都會影響到我，所以我係唔會同佢硬碰。
你要記住，其實你對佢至為重要， 尤其係主要照顧者，你嘅情緒亦會牽動到佢， 所以首先要控制好自己。 你可以話佢係蝦你，因為佢响你面前唔需要掩飾， 你就係最了解佢嘅人。
我曾經問過我仔，你對朋友其他人都可以好好， 對親人可以有禮貌 ，唯獨點解蝦我， 佢答我因為喺我面前完全唔需要掩飾， 因為我係最了解佢嘅人 :sickmilk: :hehehe:

---

固執可以食藥改善？我見有啲A仔要食藥，但通常係抗抑鬱or bipolar之類，又或者食adhd藥無胃口要另加開胃藥等，但都唔係主打改善固執行為。。
我有少少建議，唔好成日諗住要佢改變，得閒攬下佢（我仔話一日要hug起碼3次:wahaha:）關心下佢個人感受（other than 學業），改善大家關係，第日有乜事都掹得到

---

當初政府開Abilify（抗抑鬱) 比佢，係針對佢固執行為。 我明白要保持良好關係，但有時真係好火 :igiveup:

---

[i=s] 本帖最後由 S-Kwok 於 20-5-25 13:55 編輯 [/i] 你講得好啱，我真係覺得佢係蝦我 :pity: 。我可以睇到佢對我最好嘅一面，但同時亦有最差嘅一面。 我覺得我對佢係忍多於包容，所以時候一到，我就忍唔住爆。

---

我仔都鍾意我攬佢同摸佢嗰頭 :joyous:

---