我有一段時間都係，自問自己eq已經算高，但都差啲頂唔住，所以間中見下心理學家，有個第三者聆聽下，都算係釋放我嘅情緒， 比大家抖抖氣。而且好彩我仲有個细嘅，太疲累就會轉移心思落細嘅身上， 比心機栽培細嗰個， 對長子唔好有太多要求同期望，咁大家都會舒服啲。

---

佢哋係唔會用"正常"諗嘢方法，試下問多啲佢哋背後原因，佢哋會有解釋，耐心聽會聽到啲道理，再引導下去返『正常』諗嘢方法。。。不過呢啲情況起碼repeat 幾十次先會有成果:omouth:

---

帶仔去睇心理醫生，我都覺得其實有一半時間係睇家長，一半時間睇細路。 每次睇完心理醫生，嗰刻真係會釋懷，不過，日復日嘅挑戰，好易忘記所有 :thinking:

---

你兒子現在與人相處有無改善, 正因為我仔不想和人相處, 除父母外, 連出去拜年去婆婆也不願去, 出外吃飯又要外賣回家吃, 不習慣堂吃, 解釋道不習慣被陌生人睇到自己, 令自己好像有束縛不能無拘無束做任何行為, 例如撩鼻屎都唔方便, 連一些禮儀自我克制都覺得有問題要避開！

---

我仔又未至於咁樣， 從小已教佢點都好，一定要有朋友，佢中學都有同學玩開，HD都有，大學都有GP， 不過fd嘅應該得一兩個，係少啲朋友囉。佢亦好少出街， 間中會跟我出去食嘢或每年去旅行，佢只會跟我去日本或外國， 其他冇興趣佢唔會去，平時佢都响網上交流多， 網上一齊打機 ，有時夜晚會聽到佢地成班fd online傾計。

你仔又冇乜嗜好，又冇乜活動，佢又唔會喺網上同人傾計，所以咪形成佢完全唔想應酬人唔想交流囉。 當佢出去做嘢人與人交往就會唔同，到時自然會改變㗎啦， 所以如果佢HD畢業一定要迫佢做嘢， 唔可以比佢長期留在家中。

---

其實他上週考完試, 證書未有得攞住, 應該可照報履歷是HD, 證書後補吧！我6月準備通知他揾工, 7月份要找到工作, 如果到6月中不見他有實際行動揾工, 那可能要求他在便利店做全職, 不能游手好閒在家！

---

睇下佢 HD 考得好唔好， GPA 高唔高，如果高都可以叫佢考慮一邊返工一邊進修，如果唔高就出社會大學工作算了。

---

:good:很好的分享。ｔｈｘ．ｔｈｘ

---

請問你仔當時看心理評估, 他有沒有好似我個仔避開不回覆真正的答案, 令心理學家不能準確評估? 另外當時你仔聽到是邊緣亞氏有什麼反應, 是接受還是迴避? 如果是迴避怎令到他接受這事實? 他是否最終接受嘗試治療有所改進? 我個仔自從上次評估後, 就算父母指出他的行為偏離正常的做法, 但他用一些似是而非的理由辯駁, 最終都是我行我素, 我打算6月和他討論正視這問題, 他可能是邊緣亞氏或者不是, 如果他承認則要求他接受治療作出改善, 如果不承認, 便當作正常人繼續找工作在社會打滾。

---