[i=s] 本帖最後由 S-Kwok 於 20-6-20 12:06 編輯 [/i] 我都會經常同仔講“世界無免費午餐”呢句説話。其實孩子越大，就越要讓佢哋明白、清楚世界嘅運作、遊戲規則。 我仔都有打機、課金問題，亦係鬧個翻天覆地，亦曾喺度向大家求救。 加上我仔有偏執問題，我面對這些問題，真心覺得攰，但，我希望盡全力教導他，我亦同仔講，呢刻，你好憎我，覺得我管你，但你係我仔，所以那怕你這刻憎我，我都要盡我能力教佢向正確方向行走，我讓你這刻盡情玩樂，其實好容易，但此舉只係害咗佢。 樓主依家其實係害了自己的孩子。 將來百年歸老，孩子無能力養活自己點算。

---

哈，我仔未有你仔咁生性。佢識答我㗎，亦經常好有計劃咁幫自己讀書，可惜係經常坐埋枱做功課、温習就... :nothing:

---

我仲要更進一步嚇大佢地話：花無百曰紅｡今曰阿媽仲有充足時間、精神、金錢去俾你学野，有乜学就好学，好似限時放题－样，食左落肚係你地既，学左入腦係你地既，他朝－个touchwood我無哂錢，你都有知識技能去養自己｡呢一日真係話唔埋幾時，世事既野，所以係趁我仲有能力时好快快裝備自己，乜鬼都係越細学越快上手，老左有尐事半功倍｡我成日同佢地講，只要你开声話要学乜野，我都会支持。

---

啱㗎， 我都係咁教仔，话畀佢知唔好怕蝕底，學咗嘅嘢冇人會攞得佢走，所以唔好怕辛苦，今日你願意付出他日必定有回報。而且從小已經話佢知我唔會供佢去外國讀大學，有本事就要喺香港入大學，冇本事就出去做嘢捱下， 所以我大仔當年炒中文入唔到U， 佢好畀心機要入返八大。人係要有少少壓力才會有動力， 家長太保護孩子條路太容易行就經唔起挫敗。

---

唔知係唔係邊緣亞氏令思想有問題, 點極都唔明, 次次建議條正常路, 次次回應如果不這樣投機揾快錢, 打份乞兒工, 那有其他出路, 佢媽咪仲話佢雖已成年, 心智仍細都不太捨得離開, 我就話她慈母多敗兒！

---

我仔好想去外國讀大學，我叫佢自己憑實力攞獎學金讀，我冇錢供佢去外國讀書 :wahaha:

---

我細仔讀書好叻，佢都有考慮過獎學金呢條路， 佢問我如果有 獎學金淨係比生活費比唔比佢去， 我答佢考慮下啦 :wahaha:

---

亞氏係有好強烈嘅偏執，所以他們的父母要比一般的父母更有耐性，對於正確嘅教育，一定要堅持。 我自己會以不同角度去解釋，尤其是當仔有一刻想同你傾時，更要把握時機。同一問題，唔係好似一般孩子一樣，傾下講下佢會明，真係以月、年計。我會將仔嘅問題同其他朋友、社工傾，佢哋又會有另一角度同我仔傾，雖然唔會即時收效，但儲埋儲埋，佢聽多其他人講，會有反思。 你問下你仔有冇諗過，即使我依家肯照顧你，終有一天你哋會走天路，到時佢點養自己。 想以股票作為收入來源，更加要有呢方面嘅知識，唔好咁天真，以為真係可以炒股養自己，我地眼見講股炒股賺大錢嘅，其實背後做咗幾多功課。 恕我直言，教育孩子雙方都有責，如果孩子情況不理想，去睇精神科醫生，睇下佢嘅case是否需要藥物幫助。 希望你仔早日明白，世界一定不是他所希望的，不會為他如願，早啲腳踏實地。 近日我經常提孩子，做人要腳踏實地，忠言一定逆耳，但我係佢媽，見到佢犯錯、想歪一定會指正，否則，只係害了佢，作為父母唔會點條黑路佢行。

---

我都係咁答佢 :wahaha: ，不過，我仔唔夠叻，我只想激勵下去，自己好好去想。

---

亞氏嘅人思維係比較固執， 唔容易改變佢嘅諗法，不過亦唔代表佢哋唔識為自己著想。好似我仔有目標，佢自己就會朝住個方向進發。你兒子心態成日打算搵快錢，用藉口話乞衣工唔肯腳踏實地，唔願工作，呢個绝對係佢個人能力同心態嘅問題，人哋肯比萬幾蚊請你都要你值先得㗎，年青人如果冇目標/冇上進心其實已經輸咗一大半 :thinking:

---