佢阿仔無讀大學，工種一定唔會高，無話滿唔滿意，唔想做分分都話唔滿意，一過幾年工作經驗完全0，更無好工請你。

---

其實咁多年樓主2公婆一路比個仔食住，唔忍心，唔放心，唔抵得，我估10年後，結果都係一樣，可能更糟，因為有埋老婆仔女。。。。。。無限loop

---

有同事介紹朋友嚟見工，3X歲結咗婚有仔女，份工$12000...... 我問點夠用呀？ 原來因為敷衍阿爸阿媽，叫做有嘢做，繼續有屋住、有車揸、有錢養仔仔:igiveup:

---

咁你哋仲敢請⋯⋯:omg:

---

我老過你，當年。。。我讀書唔努力，當然同大學冇緣啦，回憶返，當年唔少大學畢業生，一畢業係去左歐遊先返來返工的，講緊既有啲係住緊公屋的。當然，我地年代，普通中5畢業，一畢業就搵工做，比比皆是，也好少聽到搵唔到野做，我都係一路做野一路晚上讀商科，學打字，學會計。。。
年代幾番新，冇得比呀。社會環境，家庭經濟，人既心態，都唔同曬，唔係話要就曬仔女，但係要多啲聹聽，了解佢地諗法，父母多啲理解鼓勵，同佢地溝通會容易啲。

---

樓主阿仔諗法咪係唔想搵工。其實如果佢仔仔努力搵工，就算搵唔到，我相信樓主唔會介意，係個心態問題。

---

我都好怕劇情會咁樣發展，所以大力支持樓主一定要佢仔搵工，自力更生。 佢仔畢業就只係報咗一份政府工，實在太唔積極 :igiveup:

---

最近，有個律師朋友，佢地LAW FIRM請人（唔係指請律師），中意請穩定少少既，一份工做2年以下既唔會請。我朋友個女，同我女同年畢業，好快搵到野做，做左幾個月就唔做。

依家年代，仔女讀大學或做緊野後，同中小學時期係唔同曬，會係一個非常大既轉變（唔敢講個個都係，我家就係），好多野唔到父母預期，父母好難夾硬來，平時親子關係好既，溝通會易啲，但唔等於肯聽父母講。

---

唔搵工做肯定唔可以，錢多錢少，都要做野，懶慣左變成習慣就弊家伙。
幾年前有個中大碩士，好似仲係讀神科，2年都搵唔到份長工。

---

Temp 位頂住先:wahaha:

---