一個咁宅的男仔, 都幾難有機會識到女朋友, 除非佢肯改過就另當別論！

---

一段男女關係，邊個害邊個，去到最後先知，你估宜家世代嘅女仔都簡單咩:happy:

---

老老實實，係你個女，你喊唔喊先 :happy:

---

如果個男仔肯為佢改變，腳踏實地，兩個又真心相愛，咁仲反唔反對先？:wahaha:

---

反對都無用，咁大个人唔会so你，不过学stanley兄自己話齋，自己改变左先算……唔改變根本唔会识到女仔(好女仔)｡呢个世界边有咁多如果吖~有既，－单半单个别例子，就係中Mark6了，(－个正正經經女仔会係咩場合识到－个食煙無工作－日宅係庢企怨天怨地怨父母既男人呢？大概两人走在平衡線上)但做人又点可以心存僥幸呢？

---

見樓主都講咗幾年個仔，家人都難以改變佢，咁咪提議下新穎D嘅建議，呢個世界真係會有男人為女人改變，或者根本個仔都唔鐘意原生家庭，反而對自己一手創立嘅關係好放在心？ 如其坐在家大家都無晒方法，氹、鬧、制裁又試過，試下d新辦法無壞，個仔都廿幾歲，識個女朋友都好正常，唔好一開始就抱住懷疑樓主個仔會害到人個女先，負負都會得正吧！ 朋友個仔三十歲前都無目標無方向，做工唔長久，識咗個女朋友想組織家庭，日咪開始腳踏實地...... 既然改變唔到佢個人，咁改變佢個環境，等佢自己改變去迎合個環境囉，所以working holiday 都可以考慮。

---

值唔值得真係唔到外人話事，愛情如人飲水，冷暖自知。有人覺得用一輩子改變一個男人此生無憾，亦都有人覺得最好搵個母胎開始已經係絕世好男人，要佢人生沒有負評出現過，又有人平平凡凡兩口子一人一份為愛出力，最緊要自己覺得舒服～:handsome: P.S. 我又無向我女洗過腦要搵個咩伴，佢自己曾經講過要搵個阿爸咁嘅囉，但最近掛係咀邊嘅都係話自己係不婚主義:meow:

---

working holiday 可考慮，不過如果冇心工工作都係冇用。

---

用一輩子改變一個男人？恐怖d wor。

---