補習我有mention 過，不過佢成績平平，未必有人搵佢:happy:
its more abt setting expectation, 如果唔得，或許要等到夠大去搵暑期工，又或者義工都可以

---

我自己嘅做法係一日啲仔仲讀緊書，我一日都會養佢，不過當然唔係比佢無限咁讀。其實從小我已經同啲仔講，成功係靠佢哋自己爭取，我都係好早出嚟工作赚錢，今日所有嘢都係自己努力得返嚟，冇父母比過我，同樣我啲仔都好清楚將來生活要靠自己，而且佢哋希望自己將來生活得更好更自由，就更加要積極裝備好自己，所以從來冇擔心過佢哋會啃老。

我仔一早知道讀大學都應該係自己比，所以佢入大學時都有叫我借錢比佢(查實當然我都會供佢)，就係因為佢哋知道要靠自己，將來想要過怎樣嘅生活今天就要付出，所以我大仔一早自己plan 好晒會半供讀供自己出國讀 master . 细仔去年中四已經有這個想法， 為自己定個目標追求自己想要嘅生活。人長大都要自己生活，逆境自強， 適者生存，唔會咁容易惶恐不安嘅。

我大仔有‍同學 HD 畢業後已經工作緊，其他有啲仲讀緊書，唔願工作嘅响佢班朋友中暫時只見到一個， 我仔話其他同學都有一齊勸佢，所以我都相信其實你近咩朋友都會有好大影響，而且做父母唔好幫佢哋樣樣安排好，否則佢哋遇逆境就好難生存。

---

講吓我外甥, 學業成績向來強差人意, 佢自幼就唔鍾意讀書, 三年前终於捱完副學士課程, 投身社會.
佢有一樣好, 就係肯返工, 三年來未停過工作, 之前一份工做咗一年, 在主題公園做場地員, 戶外工作, 維持秩序, 又要回答遊客問題, 佢仲好自豪咁話普通話進步神速, 又節假日儘量爭取加班, 貪加班工资高.
之後轉咗現在呢份較好較有前途的, 又做咗年半, 但遇上疫情兼經濟衰退, 現在面臨被裁員風險.
佢係家中獨子, 父母雙職, 有屋兼唔駛供樓, 萬一佢真係被裁, 暫時唔時係問題. 佢開工唔足, 留在家中時間多了, 佢都鍾意上網, 我見佢房中两台高端電腦, 一台睇片一台玩, 但平日會做gym兼跑步, 仲知道幫忙家務, 又一個禮拜有两晚煮好飯餸等父母放工返黎唔駛再做就有得食.

---

佢唔驚就來冇屋住冇飯開，只是抱怨父母，可能佢知香港（暫時）唔會餓死人，仲有綜援可咬。

一直以來，父母說話佢唔聽，父母對佢既教導毫無作用......唔知你地既退休計劃對佢既成長心路歷程有冇影響？

---

唔關事，其實你留意下唔少網友都有子女出國留學，畢業後都會留在當地工作和生活，都係靠自己，唔存在 hea 有保護傘，正如我仔都打算出國生活都要完全靠自己。如果其子女在外國生活唔掂真係要回來，父母唔通唔理你咩，正如樓主仔如果喺香港攪唔掂，佢返去國內找你唔通你唔理佢咩，情況其實一樣，所以問題根本就出在孩子自己身上， 佢究竟有冇心對自己負責。

---

我退休的計劃也不是為他而設, 只是他讀到今年6月, 再升不上主流學校, 再加上去年底已知會我退休的安排, 其實講退休, 2年前我也可退的, 只是待他學業有成才實行, 已有一年知會給他計劃, 不過他沒有裝備自己只顧娛樂怨天尤人, 只是疫情阻延了我的安排, 也不會因他的埋怨而轉變照顧他下去直至他開竅為止！

---

此言差矣！Hea与唔hea唔係用同唔同住黎分野｡呢个係種生活態度。年紀小小如小学生，雖然要父母供給，但亦可以活得積極進取，事事自理，生性唔洗父母憂心……當然人越大能掌握既野越多就更独立，直至有－日完完全全脫離父母供養。

---

N年前，我睇《經濟日報》，其中有個副刊好吸引，係一位“家庭治療師” 將每個CASE寫文刊出，佢嗰啲案例，唔少表面係細佬出事，但抽絲剝繭後，內裡往往有深層既家庭原因........建議你請教專家.......

---