今週开始訓練一下阿仔的時間分配能力，將每天4小時電腦打机和2小時手机的限制一次過比他分配，條件是用完就 ...
樓主
我一直有追你的內文，小兒13 yrs, 今年剛上band 1 中，開學初期還好，但可能集中一班成績好的同學，成績較遜，開始逃避，以前好聽我的教導，但漸漸發現佢情緒有問題，真係會大叫，跟同學比較人人可以帶手機，可以上網，可以打機。
最終，約Nov 2014 開始慢慢給予他用手機，沒有data plan , 上網要wifi. 家中wifi keep 好，直至佢做好功課和溫習才可玩。
初初仍可，但發現，越玩越心引，跟本不想停（每天玩around 2 hrs). 要比佢玩一陣才做，做好要再玩咁。成績開始一落千丈。
佢性格聰明，但懶散。好認真想過，根本他不適合在香港band 1 的學習環境讀書，長遠只會令佢對學習失去興趣。
若果我唔比手機佢玩，佢就嘜都唔做去訓覺。最終也𣎴忍心，惟有再玩下做下。特別在考試期間，佢最懂得用此方法。
最終，決心唔溫就唔好溫，我堅持不比手機，只要做可本份先可以。期末試，再跌成績，最終列入要考慮留班名單。
我原本好傷心，佢能力是得，為何沉迷玩機。這年看了很多青少年書籍，漸漸接受，每個人總有不同個性，做父母是幫助佢成長，不能強行他跟著我方法下成長。但原則性不可以改變，玩機只可娛樂，不可太長時間。
暑假是最好堅持父母的原則讓他養成良好習慣的時候，不可以温習再威脅我可以玩多點。
結果，今個暑假暫見有顯著改善，或者佢知道，以溫習來威脅，最終代價是自己，因為媽媽不會因為怕他成績差而心軟。
一起堅持吧！孩子仍可教，我對佢說做父母有責任照顧和供書教學給你，只要你一天肯讀，我仍肯供。如你不想讀書，可以，但我巳沒有責任供養你，你早點出社會工作去體驗吧！必須自給自足。
加油！
