有關和小兒在學習和打機及電子媒體使用上的時間爭議

帖子列表  登錄   
andywmama | 2016-03-09 21:42
Quote:原帖由 andywmama 於 16-03-09 發表
請問點破解？我估仔破解咗
可以 pm 我嗎？
樓主，我仔和你仔情況好似，包括佢口中所謂的道理，唔同的只是細你仔一年級
samsam123321 | 2016-03-09 23:46
[i=s] 本帖最後由 samsam123321 於 16-3-9 23:51 編輯 [/i] Quote:ChiChiPaPa 發表於 16-3-8 20:59
讀書緊要,不過,童年的玩樂時光更重要。童年不會有第二次。改變看法,問題有可能自然解決。如果願意多和孩子 ...

童年就只有打online game, 我就覺得很可憐了。已經無關讀書重唔重要，而係哏據樓主的故事，樓主之子是逃避讀書。幾十年後回想，發現原來浪費了幾年的時間係一隻online game 上面，就真係on 居到無朋友了。
Soundervolt | 2016-03-10 01:06
若干年前有一家三口搬咗嚟隔離屋，鄰居囝仔剛剛大我仔一個月，當時覺得鄰居小朋友適合做阿仔嘅老友記，之後每當阿仔做完功課後都可以互相到對方屋企玩，但冇幾耐發現隣居小朋友課餘活動係打機，我地之後再冇俾阿仔到佢屋企玩，而佢又覺得我地冇機打太悶而再冇過嚟玩。近排撞到鄰居，據佢講正為佢阿仔掛住打機而煩惱。其實呢尐煩惱係唔係大人要先負責呢？
stockmike | 2016-03-10 02:38
Quote:原帖由 Soundervolt 於 16-03-10 發表
若干年前有一家三口搬咗嚟隔離屋，鄰居囝仔剛剛大我仔一個月，當時覺得鄰居小朋友適合做阿仔嘅老友記，之後 ...
我試過一次放仔去人屋企玩(而家小二)，我問佢全程有乜玩，佢答整個下午全程睇佢朋友打 Crash of Clash (唔識點串). 一舖都無得玩。從此佢成日借啲耳問我打機，我極之反感,亦不準他到該朋友家處。我亦正式向他表明全面禁機，我之前已網購的 minecraft 故事版同幾個 game 也正式決定唔俾佢玩 (之前特價買落，當時諗住俾佢學英文 ,也有猶豫中). 同埋我留意到佢學習使用智能電話 (我的陳年舊機 ，K3 已屬於他的 ) 奇快，其本上叻過媽媽。使我決定要延遲將我較新舊機給他的打算，我明白現在青少年要全面禁接觸智能電話是無可能，但我一定會用不同放法延遲他全面使用年齡，包括從網速同手機型號下手。但又老實說，我心軟過，佢而家都會打機，就是行商場時，佢見到衛訊電話舖會入去玩 demo 機。同埋佢用平板做網上功課後玩學校電腦堂教他玩的所謂網上益智game（都唔點解會有堂教玩所謂益智遊戲)，玩得耐我會用不同藉口收機。俾咗嘅自由我嘗試收番佢會好 depress ， 所以我而家唔會再心軟。
ChiChiPaPa | 2016-03-10 06:36
Quote:原帖由 samsam123321 於 16-03-09 發表
本帖最後由 samsam123321 於 16-3-9 23:51 編輯
只要你願花時間和孩子玩,而不是讀書,孩子又怎會從online game中去放鬆自己和找成功感。樓主可以回顧一下,他孩子有改善的時候,是不是就是他願花時間和孩子旅遊,郊遊和玩樂的時候?
stanleypyk | 2016-03-10 08:40
Quote:原帖由 stockmike 於 16-03-10 發表
我試過一次放仔去人屋企玩(而家小二)，我問佢全程有乜玩，佢答整個下午全程睇佢朋友打 Crash of Clash (唔 ...
當初比子女玩電玩，没想到他們的時間要求那麼高，由小學時父母分配的數十分鐘至到現在的三、四小時還不足夠，永遠都覺得不足，一回到家就說無嘢做，就快考試也不願意温書，只是想打機，和他協議用一個時段，但最後都超時，沒有時間觀念。就算提他過時，口中常說好快好快，打埋這鋪，不提他就一直打下去。另外一些手机game的設計不是一個時段玩晒，是每天每隔一個時間玩才可拿高分，所以令到子女机不離手，点可專心做其他事情。
Soundervolt | 2016-03-10 11:15
[i=s] 本帖最後由 Soundervolt 於 16-3-10 11:17 編輯 [/i] Quote:原帖由 stanleypyk 於 16-03-10 發表
當初比子女玩電玩，没想到他們的時間要求那麼高，由小學時父母分配的數十分鐘至到現在的三、四小時還不足夠 ...

呢個topic幾十版，我冇續一睇哂所有討論，但發覺樓主大部分回覆只聚焦同佢囝仔喺打機、娛樂上時間嘅討價還價...但恕我直言，呢尐討價還價係一尐都改善唔到問題。因為佢成個腦入面無時無刻都只係online-games、youtube，就算佢攞住本書都唔會讀得入腦，補習都係消磨時間，只係為咗呼遣樓主嘅要求，基本上佢除咗瞓覺（可能發夢都係）全日個腦都係環繞打機，當學業成績大落後更加有無力再追嘅感覺而完全放棄，而打機就更變成佢唯一喺comfort zone去逃避一切。正如樓上所講，要改變一定要從家長本身及生活環境入手，只有父母先至可以挽救迷失中嘅兒女！




eviepa | 2016-03-10 12:45
其實樓主所期望嘅係網友嘅認同，同埋學吓有乜招數可以令個不肖子不得不就範而改變行為去適應父親。最弊係有D鐘意說三道四嘅社工，同一D網友竟然建議佢改變自己去適應阿仔，當然唔可以接受啦。

千錯萬錯，自然係阿仔錯。自己管教無大問題，只係唔好彩生咗個先天有廢青基因嘅仔，縱是大羅神仙都挽救唔到。

migohappy | 2016-03-10 12:49
[i=s] 本帖最後由 migohappy 於 16-3-10 13:22 編輯 [/i] Quote:原帖由 stanleypyk 於 16-03-10 發表
當初比子女玩電玩，没想到他們的時間要求那麼高，由小學時父母分配的數十分鐘至到現在的三、四小時還不足夠 ...

曾幾何時，介紹樓主睇本國內出的書 '改變孩子先改變自己' 本書背景跟樓主一模一樣，初中在學校同人打架，沉迷電玩，學校成績極差，作者最初做法同樓主一樣：講數、駡、罰....後來作者醒覺一切冇令結果有些微進步，反而令父子關係愈來愈差...作者後來將改善父子關係為首要任務，投入孩子的玩樂中，這反而令孩子對父親令眼相開，重新認真看待父親的說話, 最後孩子脫胎換骨。過程係艱辛，問題係我們做家長是否肯改變。
樓主，相信自己作為父母，一定可以同孩子一起努力的
我睇書從來唔介意是否在大陸出，只要本書令我有叮一聲的感覺就係好書






eviepa | 2016-03-10 13:30
只要樓主一日唔相信經過嚴格訓練嘅社工，一日唔抛開學業成績為主要目標，一日唔肯將修補親子關係當作一等一目標，阿仔難望有回頭是岸嘅一日。
77/323
首頁|前頁|下頁|尾頁
.
Powered by Baby Kingdom
立即打開