| emmafish | 2016-06-03 11:31 |
| 真係好消息，兒子終於識諗啦
|
| yovin | 2016-06-03 19:04 |
| 守得雲開見月明了！恭喜……
|
| stanleypyk | 2016-06-03 22:51 |
| 怕只是三分鐘熱度，今天早上剛考完第一科，放學後温習一直聽歌，間斷用住whatsapp, 又用了個多小時youtube及facebook, 根本不專心温習，將會停明天和後天的電話數據，有温習才可用！
|
| stanleypyk | 2016-06-05 23:36 |
| 明天考英史，今天又稍為勤奮了一些，我對他說有些人會選先苦後甜，有些人會選先甜後苦，他是後者，在過去三年都不用做功課，欠交就算了，平日放學回家只顧著用手机，電腦和看電視，那有時間温習，以前初中還勉强可應付，但根基不好，升上高中一切都比前深了，不可存僥倖之心過關，跟着升學之路一定會比較艱辛，這是意料之內，現在發奮仍未算遲，今次可能留班他終於有點緊張，但奈何有手机和電腦，很多想法又會抛諸腦後了！
|
| IloveJJ | 2016-06-07 14:24 |
| 作者被禁止或刪除 內容自動屏蔽 |
| stanleypyk | 2016-07-04 20:15 |
| 今天老師終於通知要補考中國語文及中國文學，如果再不合格便要留班，按考試前個多月通知佢如果留班，在留班這一年將没有online game玩，電話數據或者也會暫停，已找私人中文補習幫他惡補中文，希望他能用心去應付埋今次的補考！
|
| dativebond | 2016-07-15 02:12 |
親子關係若夫妻關係，誰對誰錯根本唔重要。我就當所有野都係你啱，所有野都係你個仔錯晒又點？件事唔會因而好轉。
個仔反叛，其實大家細個都會，為乜？顯示獨立自立大個仔，唔鍾意做人隻棋。你應該當佢係大人，予以尊重，中四仲禁佢呢樣果樣？小學就得～換轉係你比人禁又得唔得？你可能會反駁咁佢而家情況咁差，唔禁點得？置諸死地而後生吧，放手吧。既然你過去咁多年的方法都唔work，其實微調極都唔會work。既然你都無野輸，你夠唔夠膽搵日兩仔爺兩個出去用朋友語氣同佢講：「我從今以後唔會再管你打機玩手機，原因唔係我放棄你，而係你已經大個，我相信你會自律，你會重視自己前途，希望你唔好令我失望。」「學習方面，你認為我可以有乜幫到你？你認為邊科要補？或者要唔要轉補習老師？你一需要乜，我即刻配合。因為我相信你一定最了解自己點樣可以打贏讀書呢隻game。」點到即止，然後，兩公婆所有人真係要忍住一兩個月比佢改變，唔好抨擊，見到佢做得好既讚。我呢個方法睇落好瘋狂，但你比一個月時間佢，放生佢亦放生你自己，如果你認為佢一個月後有改善，那怕一點點，都要選擇相信佢會改善，維持你的承諾。
 |
| dativebond | 2016-07-15 02:25 |
| 就算佢呢一個月無任改善都唔好抨擊，平時佢打機玩手機唔好黑面或串佢，因為你承諾過唔會管佢。一個月後，佢如果少少都無改善，無位比你讚，你就再單獨同佢講：「我理解要改變生活習慣好難，我願意比時間你去改變，我會遵守承諾，唔會管制你打機玩手機，我對你好有期望。加油！比心機！有無乜學習既安排要改變？我好樂意幫助你。」如果咁玩兩個月都無改善，你放棄佢讀DSE入大學呢個幻想，諗定有乜出路鋪定路好過。無辦法，唔係個個都鍾意讀書。你係時候搵定有乜出路，同佢傾計想做乜工作，未來收入大概幾多，比佢自己選擇。佢大個仔，人生係佢既，唔係你既。佢有責任為自己的選擇負責。你都要抱住「除了DSE，世界仲有好多出路。」呢個信念，而事實上呢句說話係真，並唔係風涼話。加油，爸爸！
|
| dativebond | 2016-07-15 03:04 |
| 點解我認為呢個方法有可能work？因為你個仔都仲識驚留班，咁即係仲有得救。
點解值得冒險嘗試？你試左你既方法成年或幾年，撫心自問work唔work，唔work就要轉，因為繼續用同一個方法去希望有唔同結果叫妄想。你都無野輸，試下啦。
我以前細個老豆成日又打又鬧，係初中時，我有次逃學，事後比老豆發現。我果時以為今次實打鑊金，勁驚。點知，果次我老豆一句都未鬧我亦無問我去左邊，佢只係關心我，又問我係咪唔開心唔舒服。呢一幕我廿年後都仲好印象深刻。
Timing：補考後。如果好唔好彩被通知要留級後講最好；就算唔駛留級都可以試，但相信效果未必咁強，睇佢有無少少怕辜負你地信任的心。
Speaker：我見你同佢成日為打機爭拗，關係唔太好。講者應該要同佢關係好、有權威點果個講。
|
| dativebond | 2016-07-15 03:12 |
| 和佢說話時要洗自己腦亦要洗佢腦，強調「我信任你」「我信任你會自律」「我信任你著緊自己的前途」「我唔係放棄你」「我對你好有期望」。記住，言行一致。改變生活習慣要時間，亦時好時差，唔好當自己係監示器，佢做得唔好時要同自己講正常的，因為要時間，佢打機唔好黑面唔好話佢，盡量搵機會讚佢的進步。放膽試，比兩個月時間大家磨合，呢個方法失敗最多係浪費兩個月，但好處係，（1）佢可能真係會改善；（2）就算失敗，你都認清事實，放棄幻想，早點諗定未來點行。
|
更多選校、升學及教育心得討論內容
