| CYWYBB | 2020-11-23 12:31 |
| 我仔小學時有個要好嘅同學仔，一齊參加學校冰球校隊，一齊補習，到現在都係一齊，今年升中都同一學校，但六年級下學期開始，我覺得個同學仔好唔聽話，成日蝦我個仔，每次出去訓練，我都叫亞仔讓佢，唔好同佢爭，個同學仔成日要爭第一，唔輸得果種，打冰球亞sir話唔可以自己一個打晒，要交波比隊員，教練琴日安排我仔同佢一隊，咁我仔就出聲，亞Sir話要交波，跟住個同學仔一野衝埋我仔度整到佢隻手，我仔好嬲，唔開心，仲話點解次次都要讓佢，好委屈，仲話以後唔想見到佢，佢去訓練個日我唔去，但我同佢嫲嫲係好友，又唔可以話佢個孫，同埋佢個孫好多辯駁，死都講返生，明明自己錯又唔認，話我仔唔啱在先，咁點搞好？ |
| Jane1983 | 2020-11-23 12:45 |
| 咁除咗練波，你仔日常係咪同佢一齊玩？ 你最錯係一直叫你仔讓佢。有d人，你讓佢佢會心懷感激。但呢d人少，多數係得寸進尺。 |
| MrBeast | 2020-11-23 12:56 |
| Quote:Jane1983 發表於 20-11-23 12:45 咁除咗練波，你仔日常係咪同佢一齊玩？ 你最錯係一直叫你仔讓佢。有d人，你讓佢佢會心懷感激。但呢d人少， ... 同意。 私底下同教練講罰同學仔停賽一次，or 做龍門 |
| CYWYBB | 2020-11-23 12:57 |
| Quote:Jane1983 發表於 20-11-23 12:45
咁除咗練波，你仔日常係咪同佢一齊玩？ 你最錯係一直叫你仔讓佢。有d人，你讓佢佢會心懷感激。但呢d人少， ... 除咗練波，平日會一齊去補習社補習。 我叫佢讓係唔想大家受傷，但有咩辦法可以做？我估佢因為佢父母唔理佢而導致佢有依啲情況出現，我仔嬲到話要delete佢個whatapps |
| bobbob | 2020-11-23 13:03 |
| Quote:CYWYBB 發表於 20-11-23 12:57 除咗練波，平日會一齊去補習社補習。 我叫佢讓係唔想大家受傷，但有咩辦法可以做？我估佢因為佢父母唔理 ... 中學生自己拆掂佢，叫教練唔好編埋一組練習，去補習亦唔駛坐埋一齊 |
| zitaeric | 2020-11-23 13:14 |
男仔係咁，小學六年級起校車到都仲爭位爭落車，反而女仔就吾會。細過彼此越玩得熟就越多爭拗。
可以先同教練傾，等教練處理，去表達家長擔心，教練應該識做。
好多男仔，要等到中三先冇咁多幼稚行為。 |
| dingyan | 2020-11-23 15:05 |
| Quote:CYWYBB 發表於 20-11-23 12:31
我仔小學時有個要好嘅同學仔，一齊參加學校冰球校隊，一齊補習，到現在都係一齊，今年升中都同一學校，但六 ... 我覺得仔仔prority高過好友，同埋向個小朋友家長投訴可能都幫緊佢哋，畢竟小朋友需要知道一定唔可以憑自己情緒故意傷害別人。  |
| CYWYBB | 2020-11-23 15:26 |
| 其實之前都試過一次，教練一人一個球訓練，佢同學仔跑過去亞仔度，將佢個球打走，搞到我仔好嬲，我叫亞仔大方啲，唔好計較，佢都聽我講，但個同學仔變本加厲，我諗真係要同教練傾下，個同學仔家長都知，叫佢同我仔道歉，但個同學仔話佢無錯，仲諸多藉口 |
| mcl203 | 2020-11-23 15:30 |
| Quote:CYWYBB 發表於 20-11-23 15:26
其實之前都試過一次，教練一人一個球訓練，佢同學仔跑過去亞仔度，將佢個球打走，搞到我仔好嬲，我叫亞仔大 ... 好簡單，岩傾就継續，唔岩傾就byebye，大個仔了，自己決定~~~ |
| Jane1983 | 2020-11-23 15:35 |
| 回覆 CYWYBB 的帖子
如果只係隊友同埋放學一齊去補習，而唔係日日一齊玩，一齊小息、吃飯的friend。容易做好多，同教練講唔好一組，放學亦唔使一齊去補習。甚至可以改日子，佢逢一、三，你仔二、四。 會動手推朋友，自己一定無錯，歪理多多的，根本係少年丁蟹，避開算啦。 |
更多選校、升學及教育心得討論內容
