sara11,

多謝你既分析，其實我地真正考慮既係經濟上既問題，因為而家我得一個，我先生可以係屋企做野，省回左請人照顧既費用，自己照顧又安心好多，有咩唔啱都可以立即糾正番。但如果生多個，就一定要請人照顧，又要考慮埋住既問題，如果又請著個以前果隻（印印），又有排擔心同埋激心，我都好想親自照顧細ｂ（如果有），因為亞囡我當年都揍到佢四個幾五個月先再搵工，不過我唔可以唔做野，因為我既收入較穩定，仲有好多野我都要考慮。
至於小朋友既性格，其實我覺得用心同埋細細個培養好就可以，不過，真係唔係我一方堅持就得，此終都係一家人，如果我老公唔想既，我都唔會免強，因為我明白真係有難處，雖然我同亞囡都好想。

---

經濟真係一個好大負擔,,不過我個人就咁諗~~我唔做野自己湊佢地,我老公又搵得唔多,我地好窮好窮,但佢兩個好開心好天真.....
呢排我仔多左去我爸爸屋企住,得返囡囡一個,我望住佢自己畫畫既背影.....我覺得佢好寂寞,平時哥哥係到成日屋企都會好嘈,但我知道佢地都好開心好開心....
我同老公諗將來我地老啦,時不時唔舒服,如果得一個....無人可以同佢分擔.....又或者我地死左,到時真係得佢一個架啦~再講我3個姑姐每人都只生一個,佢地3個仔女性格都好孤僻...(唔係想嚇你,的確佢3個都係咁)

---

孤辟，我認同架，我囡去公園，啲唔識既小朋友話同佢一齊玩，佢會走開或痴住我，有時仲話返屋企唔玩，個公園成日去都係咁，死唔死。

不如唔好講呢啲，我地幾時約去玩呀。等小朋友開心下呀，我就來又要上堂可能無時間了

---

真係係時候約出黎玩下啦.....我囡呢幾日成日問我幾時返學,好掛住d同學,,加上7月中開始哥哥要返預備班日日都要返架..

---