聖母幼稚園同學會 Part II

帖子列表  登錄   
pyma | 2009-08-24 15:32
Quote:原帖由 lola2008 於 09-8-24 14:49 發表
講到開學，我真係有D擔心，咁梗係指擔心大囡啦，小一喎！真係考驗嚟架嘛！又驚功課深，又驚佢性格沉靜，唔容易識新朋友，食飯如廁樣樣要靠自己，仲有小學返8:00，要6點幾起身，唉！真係驚佢攪唔掂，唔好話咁細嘅豆釘，我都覺辛苦。

:sigh:

...


係呀，頭先lunch 我d同事先話而家既細路好辛苦，辛苦果佢地果時 (我ｄ同事廿歲頭), 所以真係好想亞囡可以開心埋呢兩年
pyma | 2009-08-24 15:42
Quote:原帖由 lola2008 於 09-8-24 15:01 發表
畀佢學喇，如果屋企有位，個琴一D都唔難打理，揾塊抹琴布抹吓就得，但柏斯好衰，係要keep住一年tune三次 or 四次，tune 兩次都唔得，否則琴胆唔會終身保用，但教琴都o.k，一於買部琴畀阿囡學喇，但買之前記得同佢約發三章，將來幾辛苦都要 ...


我只係打算比佢上鋼琴班，如有興趣先再搵個別既老師，所以暫時都唔會買琴，你大囡係咪一開始就已買琴呢，我屋企無地方，要諗諗放唔放度，不過都唔係而家既事，我梗係想佢一學學到尾啦，學琴真係好講毅力同耐性架，我自己都好想學返，但沒時間。
pyma | 2009-08-24 15:47
Quote:原帖由 lola2008 於 09-8-24 15:14 發表
唔使愁喎！我大囡E+寫得都快咗架喇，當初雖然寫得多，但其實係隔行寫又隔格寫，如果你囡囡唔係又擦又寫，又寫又擦，都應該好快寫完。




我諗我會一路擦，佢一路喊住寫
lola2008 | 2009-08-24 16:19
冇錯，一開始就買咗部琴，其實係上咗一堂後就決定買，仲係阿囡嘅教琴老師幫手揀，但早在屋企裝修時，已經plan 咗位要擺琴，當初老公都反對，話睇吓阿囡係咪真係有興趣先決定，但我埾持「工欲善其事，必先利其器」嘛，在呢個環節上，我可謂一意孤行，今日阿囡仍然持續地練，我都擔心開學校可能冇咁多時間，所以更加要買，否則頻頻撲撲，就會容易半途而廢，如果屋企真係冇位，不如買部數碼鋼琴，但數碼琴只有買冇得租，相反鋼琴可以租，如果想試吓囡囡可否堅持，不如租琴。


Quote:原帖由 pyma 於 09-8-24 15:42 發表


我只係打算比佢上鋼琴班，如有興趣先再搵個別既老師，所以暫時都唔會買琴，你大囡係咪一開始就已買琴呢，我屋企無地方，要諗諗放唔放度，不過都唔係而家既事，我梗係想佢一學學到尾啦，學琴真係好講毅力同耐性架，我自己都好想學返，但 ...
kcpak | 2009-08-24 17:03
Quote:原帖由 pyma 於 09-8-24 13:53 發表
仲凈番一個星期咋, 你地準備好開學未呀, 我尋晚開始要亞囡早訓, 佢9點就訓左, 今朝佢8點左右自己起身, 不過佢同我講佢仲好眼訓, 呢個星期要keep 住佢早訓先得喇。

你地有無擔心亞囡開學會喊呀, 雖然我囡成日問幾時 ...
我唔擔心我囡會喊,佢一向都無喊,,我擔心哥哥多d....
sara11 | 2009-08-24 17:13
我自已一向好少擦呀仔既功課，因為換轉係自已，都會覺得好氣餒，我通常等佢自已做晒之後先睇，如果無錯，只係寫得唔靚我都唔會擦！因為之前老師講過話擦得太多佢地會放棄、無心機！不過都會因人而異！

Quote:原帖由 pyma 於 09-8-24 15:47 發表


我諗我會一路擦，佢一路喊住寫
pyma | 2009-08-24 17:14
Quote:原帖由 lola2008 於 09-8-24 16:19 發表
冇錯，一開始就買咗部琴，其實係上咗一堂後就決定買，仲係阿囡嘅教琴老師幫手揀，但早在屋企裝修時，已經plan 咗位要擺琴，當初老公都反對，話睇吓阿囡係咪真係有興趣先決定，但我埾持「工欲善其事，必先利其器」嘛，在呢個環節上，我可謂 ...


開頭真係唔會買,你真係好勇, 不過如果佢真係有興趣, 我同我先生都會搵個位擺個琴既, 而家佢想學,我都要佢恨一排先應承佢 (我而家仲未應承), 因為太易得到佢唔會珍惜，之後如果有ｄ成績，我都係會要佢再恨一排先考慮買唔買囉，佢呢個長假比佢爸爸縱壞哂，所以我唯有做一個 '恨'心既媽媽，希望可以糾正番佢某些行為先得．．．
pyma | 2009-08-24 17:34
Quote:原帖由 sara11 於 09-8-24 17:13 發表
我自已一向好少擦呀仔既功課，因為換轉係自已，都會覺得好氣餒，我通常等佢自已做晒之後先睇，如果無錯，只係寫得唔靚我都唔會擦！因為之前老師講過話擦得太多佢地會放棄、無心機！不過都會因人而異！

...


係架，我好明白，我囡做公文時，初期我會因佢做得唔靚而擦，佢既小心靈真係受到傷害，但當時我無感受到佢寫每一筆都係好用心同埋吃力，我話擦就擦，佢又再寫，結果仍然不變。

後來我索性唔理，放手比我老公理，亞囡就好快攪掂，到前陣子我清理亞囡ｄ舊公文紙時，我先發現我老公跟既係亞囡做完未，啱唔啱就算，而唔起好似我咁左挑剔，右挑剔，不過，佢係不斷進步中，佢而家有時做完會比我睇，我都唔理靚唔靚，有時我會同佢講邊個邊個字寫得唔靚ｂｏｒ，今次我唔擦你，你下次寫靚ｄ　lar, 佢反而會叫我不如擦左再寫過，唔知呢種做法啱唔啱，因為我唔想佢得過且過地做每件事
lola2008 | 2009-08-24 18:09
講開學琴，我可以講講我兒時一樁印象深刻的事，我細個時屋企好窮，我哋一家係新移民，我讀牛頭角下邨一間天主教小學，由那時起我信奉天主教，我嘅同學都好窮，極其量只係小康，有個和我很要好的女同學，她住在觀塘翠屏邨徙置區，你知唔知咩係徙置區，即係屋企四四方方，冇厠所、冇厨房，沖涼如厠要行去走廊尾，厨房係間屋出面嘅走廊，其實唔可以算厨房，因為只係擺了爐具和鑊，冇其他。

好了，記得那時是小學五年班，有次我去這位同學仔屋企，我最記得，她的家很小很小，只能容下一張碌架床，一個狹窄嘅碗櫃，一個用拉錬拉關的膠或布做的衣櫃，一個摺抬，幾張摺櫈，其餘雜物放在床下底，但卻住着我同學、她的父母和弟弟一家四口，令我印象深刻的除了這刻苦的環境，更令我匪夷所思的是，斗室中近窗旁，竟然放了座鋼琴，當時我同學說她只學了約一年多，卻彈到貝多芬名曲 for Elise，還彈得很好，這件事令我一生難忘，我想她一定下了很多功夫。


Quote:原帖由 pyma 於 09-8-24 17:14 發表


開頭真係唔會買,你真係好勇, 不過如果佢真係有興趣, 我同我先生都會搵個位擺個琴既, 而家佢想學,我都要佢恨一排先應承佢 (我而家仲未應承), 因為太易得到佢唔會珍惜，之後如果有ｄ成績，我都係會要佢再恨一排先考慮買唔 ...
pyma | 2009-08-24 18:24
Quote:原帖由 lola2008 於 09-8-24 18:09 發表
講開學琴，我可以講講我兒時一樁印象深刻的事，我細個時屋企好窮，我哋一家係新移民，我讀牛頭角下邨一間天主教小學，由那時起我信奉天主教，我嘅同學都好窮，極其量只係小康，有個和我很要好的女同學，她住在觀塘翠屏邨徙置區，你知唔知 ...


咁你係咪即係叫我快ｄ買個琴呀，唔係唔想，不過亞囡好多野已經係太易得到，我好想佢恨下先，我要佢先做到某ｄ野先可以得到佢想要既野，加上真係好怕佢只得三分鐘熱度
66/201
首頁|前頁|下頁|尾頁
.
Powered by Baby Kingdom
立即打開