Carol88Chan,
我都未知呀, 其實我會覺得如果揀漢華, 小朋友係入面讀書會乖D, 最主要係因為揀漢華的家長我覺得佢地係好有心機去教小朋友, 而參加大抽獎的老實講句就咩人都有啦

---

因為漢華的老師及校長比我感覺好有教學熱成，佢哋都好想將小朋友教好。另外仲有以下幾點；

1) 用普通話及英語為主要教學語言，可以使小朋友學好兩
文三語。
2) 小班教學可照顧好每個小朋友的需要。
3) 活動教學可段練小朋友思考及創作。
4) 少功課、默書、測驗及考試可令小朋友有更多時間閱讀
課外書及參加課外活動，而且親子時間亦足夠，可令大
家關係良好。
5) 學校資源足夠，學習環境良好。


而舊基灣我亦有去參觀，給我的感覺是；
1) 主要以廣東話教學，英文外籍老師1星期只有一堂，而
且只有P1-P4有提供，普通話1星期只有兩堂。
2) 每班大約30人，老師很難照顧到每位小朋友的需要。
3) 都是活動教學。
4) 多功課、默書、測驗及考試，每日小朋友放學就要趕住
做功課，溫書等，冇多餘時間可上課外活動，雖然學校
都提倡每位小朋友"一生一體藝"，但係佢哋老師話都要
睇吓小朋友的時間夠唔夠。學校亦鼓勵同學借圖書回家
看，但係如果小朋友做功課及溫習已用晒每日的時間，
咁就冇時間可以閱讀課外書了。最後連親子時間都要減
少。
5) 學校資源有限，學習環境一般。

雖然基灣派中學都唔錯，但我就根據以上的分柝，決定比囝囝讀漢華呢。

---

Carol88:
今日收到漢華封取錄信啦~~
但信上話要簽一份小一留位保證書, 咁係咪即係我連第1輪抽簽都要放棄呢?

---

我都收到取錄信啦，簽咗小一留位保證書，就應該是放棄第二輪抽簽掛，第一輪都交咗表啦，應該冇影響掛。如果係第一輪津校就取錄，咁你又決定讀津校，就最多冇咗漢華留位果$500啫，我諗係咁掛。唔知有冇其他媽咪知道係咪咁呢?

---

Carol88,
都可能係wor, 你個小朋友d普通話得唔得嫁? 我個女都唔願講普通話, 遲d要吹谷下佢先得:lover:

---

我個仔就幾鐘意講普通話，而家學校都有教少少普通話，佢返到屋企就會講返出嚟，有時仲會問我一D字的普通話點講添，但係佢就唔鐘意講英文囉。

---

咁你就好啦~~我就驚驚地,你有無報津校呀? 還是疊埋心水讀漢華?

---

我就疊埋心水比囝囝讀漢華，費事再諗咁多。都唔駛驚既，我囝夠唔鐘意聽講英文啦，我就諗住比佢讀漢華，迫佢聽多D，我相信經過一段時間佢就唔再抗拒啦。

---