GC134 | 2008-03-15 21:08 |
請問有無漢華家長? 可否分享下你對學校的感覺? 多謝! |
孔澄 | 2008-03-25 13:16 |
我姪女讀小一 去年因為姪女派位不理想 而我家住小西灣 有同事叫我去試下見漢華 面試當日 去到間學校好新 由校長至門口既保安都好友善 好好笑容 姪女去面試之後 吳校長就同我地幾個家長傾偈 面試之後 好幸運就收左我姪女 我後來問姪女 究竟問d咩 佢話有個外籍老師問左佢d英文 佢有唔識 個老師就即刻教返佢讀 我就對老師既態度好欣賞 因為都未收佢 面試佢地都肯去教d小朋友 結果小一入學 小一只有2班 每班只有24個學生 係小班教學 第一天返學 第一個小時 仲比家長去旁聽 我姪女係a班 個班主任係外國人 叫Ms Wilcoxson 初時我都好擔心 個姪女跟唔上 因為佢幼稚園 果3年 係無壓力地渡過 後來以我所觀察 同補習老師所講 呢半年 小姪女既成績中上 間學校既功課唔多 而且下午佢地食完飯有homework time 呢個時間都差不多 可以做晒d功課 佢地平時上課 除了數學用廣東話 中文就用普通話 英文就全英文 間學校 校舍好新 同埋d廁所都好乾淨 (我見過一間兩年校舍有好臭既廁所既小學) d老師好和善 學校仲有因應環境 而安排去海上書展 花展等等 一星期有兩天有活動 可以揀 跳舞/體操/截拳道 音樂 可以揀 琵琶/柳琴/笛子/非洲鼓 每月學費1,300 全年雜費1,400 宜家學校只係有小一同小二 要一提的是小一無考試 只有一個化名叫評估的評核 d老師同校長都好肯去溝通 天天早上送返學 都會見到校長在學校門口的 星期一三五係english day 二四就普通話日 間學校 睇落去都好輕鬆 但係我又覺得個姪女真係學到野 佢又好開心 返學就係佢既樂事 值得再講既係 小學在暑假有暑期班的 主要是英文/普通話/書法 [ 本文章最後由 孔澄 於 08-3-25 13:23 編輯 ] |
issac | 2008-05-21 10:04 |
你好~ 其實我都有睇過呢間學校既資料 好多謝你報料~ 我都好大機會俾我小朋友讀呢間~! 但我老公就唔想~ 因為我地已經冇學卷~ 連9年免費教育都冇埋佢覺得好唔抵~ 但我就認為最緊要係個仔~ 揀錯就冇得返轉頭~ :toocold: |
hoichun | 2008-06-12 20:24 |
Quote:原文章由 孔澄 於 08-3-25 13:16 發表 我姪女讀小一 去年因為姪女派位不理想 而我家住小西灣 有同事叫我去試下見漢華 面試當日 去到間學校好新 由校長至門口既保安都好友善 好好笑容 姪女去面試之後 吳校長就同我地幾個家長傾偈 面試之後 好幸運就收 ... 嘩! 你好好野呀... 寫底哂d note ..... 同我見到既野都差唔多! |