圓號和長號的吹法

帖子列表  登錄   
mkwok | 2012-06-28 11:20
學校幫囝囝(9月升小二)選了學圓號, 請問圓號難吹嗎? 跟長號的吹法有冇分別. 我在網上聽到圓號和長號的聲, 好似長號號好聽d同有旋律d, 而圓號的聲好沈同埋好似伴奏多d.


tinyuichan | 2012-06-28 11:40
Quote:mkwok 發表於 12-6-28 11:20
學校幫囝囝(9月升小二)選了學圓號, 請問圓號難吹嗎? 跟長號的吹法有冇分別. 我在網上聽到圓號和長號的聲, ...

1. 圓號當然難吹!
a. 所有銅管樂原理都是用管放大"咀唇振動"的聲音, 不是每個人都可吹得響, 您兒子若吹得響已難得!
b. 圓號之所以"更"難吹是因為他的設計本身有缺陷! 音準難掌握, 縱是一流高手都免不了不時走音!
2. 圓號跟長號單指"吹法"是一樣的! 吹得響圓號一定吹得響長號, 但輔助音準方法當然不同: 圓號按掣, 長號拉柄. 要注意! "輔助音準"是輔助! 音準其實在您兒子的唇上! 或講得誇張點: 音準在您兒子的心中!!
3. 正好相反, 圓號看高音譜, 長號(多)看低音譜, 在樂團中, 旋律在圓號一定比在長號多很多!!!
小豆媽 | 2012-06-28 12:41
Quote:原帖由 mkwok 於 12-06-28 發表
學校幫囝囝(9月升小二)選了學圓號, 請問圓號難吹嗎? 跟長號的吹法有冇分別. 我在網上聽到圓號和長號的聲, ...
其實圓號長號for一個升P2的小朋友，都是難吹的。要多練習。同埋自己個pitch要好。 你話學校「安排」，學校有冇consider 小朋友想唔想學邊種樂器？
mkwok | 2012-06-28 13:06
Quote:tinyuichan 發表於 12-6-28 11:40
1. 圓號當然難吹!
a. 所有銅管樂原理都是用管放大"咀唇振動"的聲音, 不是每個人都可吹得響, 您兒子若 ...
Tinyuichan,

謝謝妳的資料. 原來在樂團中, 旋律在圓號一定比在長號多很多.

其實學校有木管和銅管學, 指揮首先問小朋友想學什麼, 佢見鄰座的女同學學緊圓號, 所以佢講左圓號, 指揮比佢試吹(圓號的咀), 之後話佢適合, 其實阿哥學緊長笛和雙簧管, 試過比細路吹但吹吾響, 雙簧管更難. 所以諗住選單簧管, 點知佢話吾想. 佢都冇諗過圓號好難吹.

marcuscyrus | 2012-06-28 13:55
Quote:mkwok 發表於 12-6-28 13:06
Tinyuichan,

謝謝妳的資料. 原來在樂團中, 旋律在圓號一定比在長號多很多.
如果佢自己已經試過，可以同佢分柝下，因為樂器本身難，所以要花的努力可能比別人多，如果孩子願意，我覺得值得一試!!不過..我細個4年班時試過，吹唔響xd

tinyuichan | 2012-06-28 14:46
回復 mkwok 的帖子 有時d嘢就好奇! 缺點和優點往往係同一點!
銅管樂難在起頭, 吹唔響冇得夾硬嚟, 難在發聲和音準
但若單睇呢兩點, 咁鋼琴就一定係最"易"嘅樂器, 因為彈落去保證有聲, 彈啱位置保證音準!
正正由於鋼琴易, 致令鋼琴譜可變得超難!
您兒子若學圓號, 起頭確難, 但圓號譜比鋼琴譜何只易10倍!!!
而且功利一點想, 在香港彈鋼琴或小提琴的"對手", 比起圓號........可能是100比1!!!!
所以吹到圓號梗係好到極啦!!!

當然唔鐘意就冇得逼!
mkwok | 2012-06-28 18:29
Quote:marcuscyrus 發表於 12-6-28 13:55
如果佢自己已經試過，可以同佢分柝下，因為樂器本身難，所以要花的努力可能比別人多，如果孩子願意，我覺得 ...
marcuscyrus & tinyuichan,

好彩學校有得租樂器, 只係比學費, 老公話難得佢願意學, 比佢試下, 睇下佢可否堅持. 多謝你們的意見.

金毛B媽 | 2012-06-29 09:53
我仔都係學圓號, 初初起步, 真的比人慢, 但經過努力後, 跟得上了

學圓號, 要不斷日日練習, 如果相隔幾日沒有練, 又真係吹到走晒音 ( 我仔入院幾日沒有練, 就.............:igiveup: )
mkwok | 2012-06-29 14:57
Quote:金毛B媽 發表於 12-6-29 09:53
我仔都係學圓號, 初初起步, 真的比人慢, 但經過努力後, 跟得上了

學圓號, 要不斷日日練習, 如果相隔幾日沒 ...

請問妳的囝囝幾多歲開始學呀, 係咪要用好多氣先吹得響呀.
小伊 | 2012-06-29 23:18
吹響隻喇叭唔系靠夠氣，要咀形對和小小技巧，一開始就吹響亦不等如有天份。經過簡單指導，每個小朋友都可做到。只是真正發聲的並不是喇叭而是自己的咀唇，故此音色上亦受咀唇的形狀和厚薄所限制。所以導師會跟據小朋友的咀形，而建議學何種管樂。
1/2
下頁 | 尾頁
.
Powered by Baby Kingdom
立即打開