但其實只學考試歌，除左悶，係無用既。鋼琴裡面太多技巧性既野要學。我同丫女加埋換左4次老師，宜家呢個先叫做好老師。我會分享呢篇文章，因為我都中伏左幾次。

---

我換第3個，我女換第2個。2人加埋4個老師。

---

我哋第一，第四都係琴行老師，冇咩揀，就算了。第二位屬於高大上，勁公主的的一位老師，資歷好高，要求高，不過唔識如何同小朋友相處，一味鬧。所以都係快D分手。第三位老師其實好好，識教，有耐心，不過本身唔係鋼琴major，教到一定程度就有些力不從心。依家老師好好，差唔多有齊嗮你寫的優點:happy:

唯一唔好就係遠，唯有小朋友辛苦D

---

[i=s] 本帖最後由 fibe0313 於 20-11-16 18:20 編輯 [/i] 我女比我先學，老師本來好好，但衰在成日掉上堂時間，咁我都算了。但8號風球佢問我要唔要帶女去上堂？我偷偷嬲左，於是分手。 我自己第1個老師好Green, 份1級譜有2部，我問佢點解個bar既拍子唔啱？佢反問番我會唔會係份譜印錯？即佢其實樂理好差，解釋唔到比我聽。於是我就換左第2個老師，第2個老師講解得好，但無系統，無foundation,我剛學就比左幾首2級考試歌我彈。上左2個月，我手舊患痛，因為程度太深，我每日要花好多時間去練。係彈到，但無執，亦無教我點樣彈得好聽，所有細緻位都無。就過歌。於是我又搵左第3位老師。呢位老師好。even bb歌，都有細執我點樣做得好，同埋灌輸好多音樂知識比我。所以我宜家同個女都係同1位老師。

---

我識2個小朋友，真系為左小六畢業前考到八級的目標，特登慕名搵這類老師，結果都係靠彈歌和scale五級僅僅合格，sight Reading，aural都fail，小朋友再學上去真係有D辛苦的。

其中一個回頭是岸，轉左去一個注重基本功的老師，雖然已考五級，但基本功由三級再學起。

另一個仍然向著八級目標，但疫情延誤考試進度，現在目標系一月考performance grade，仲話performance grade岩佢，唔洗考sight Reading，媽咪同意老師的安排，因為令小朋友可以盡快考到八級。

---

[i=s] 本帖最後由 fibe0313 於 20-11-17 11:04 編輯 [/i] 我覺得睇下主要係家長咩諗法。我讓女兒學琴純粹係佢鍾意，同埋益處多。例如訓練左腦，觀察力，專注力，耐性，培養音樂鑑賞力，以後也多一個嗜好能 宣洩情緒。但只為考級的家長，可能真的只為考級而學琴，有點本末倒置。也知道有許多小朋友8級以後卻不再願意彈琴，甚至聽過有些家長，小朋友8級以後就賣琴。。。我聽了以後覺得很可惜。

---

[i=s] 本帖最後由 yifeifei2 於 20-11-17 10:18 編輯 [/i] 本帖最後由 yifeifei2 於 20-11-17 10:18 編輯 如果諗住用鋼琴「成績」幫到手去揾中學嘅話，基本上可以打消念頭。 因為學校係校務處職員去處理課外活動嘅「計分」。例如8級有一個分，7級有另一個分，但由於宜家好多小朋友都有8級，所以基本上個個都一樣分。 比賽都係，一個係校際音樂節級組攞到第1名，同另一個係外國嘅國際比賽攞第3名，隨時係第1名嗰個評分會比第3名高，因為校務處職員唔會分比賽難度。 至於科主任，可能會識，又或者可能唔識。因為主任都未必係讀鋼琴出身，好多過別樂器嘅比賽，科主任都無可能識晒。 另外考scholarship嘅話，名額都會留比中、西樂團成員優先。你要說服到音樂科主任，點解揀你個小朋友，而唔揀學管、弦樂、中樂嘅小朋友，而你嘅小朋友可以點樣「幫」到學校？因為科主任都要同校長交代。如果話幫學校攞獎，校際音樂節個人項目，對於名校嚟講唔吸引，佢哋追嘅係樂團成績。當然如果你嘅小朋友已經有知名度，贏到一啲出名嘅國際大賽又唔同。 但呢啲又唔係一般諗住用鋼琴成績揾學校嘅家長。

---