Quote:原帖由 臣媽 於 08-9-7 21:53 發表 
可唔可以講多d 而家個校長點積極呀? 有乜野同以前唔同咗呢 ? 海官以前喺荃灣區係名校, 勁難入, 而家好似唔再係咁樣, 我個女以前喺呢度畢業, 佢d 同學都好乖, 一般發展都唔錯, 而家個仔都唔知比唔比佢入番好, 真頭痕. ...
好難講校長點積極咗,起碼感覺上令我地覺得佢對我地班家長尊重咗,以前個校長我地最多見到既就係佢既背脊,依家校長同副校每日都會係學校門口接學生,令我地有咩意見都可以直接同佢地講,佢地真係會好快處理.
今年我仔仔升4年級,英文終於轉用logman express,雖然都係淺啲那一本,但起碼比起用magic好好多.
但依家啲學生講真有問題既多咗,一來依家啲小朋友真係難教咗,另一方面多咗好多新移民(我絕冇歧視佢地呀),呢班小朋友比較多行為/學習上的問題,每每令到老師用好多時間處理課堂既秩序,好多時小朋友有問題出現需要搵家長,但老師都講佢地啲家長好難先搵到,多數都係老人家接送.
不過整個荃灣區都有呢個問題出現,但因我地以前既校長有12字格言「多做多錯 小錯小錯 唔做唔錯」,所以有幾年係咩都唔做,咩都唔理,降低小小程度去就呢班小朋友,令佢可以安全咁等到退休.
|
