若是這樣分又幾好, 因為會平均些, 不則差的夾埋一班, 自卑感會較大. 你地個年的升中派位情況如何?

---

其實學校都無公佈過派位成績，所以未能全面了解，不過大家係其他topics睇到都知道佢既派位係大埔區小學來說大約是中等到啦。

田千是活動型教學模式，唔會催谷小朋友，功課量唔多，佢地先至有愉快學習的環境，咁佢地既成績當然唔及d催谷型既小學，至於邊種模式好d，真係要睇家長既心水。

不過田千就真係好適合我，因為我每晚好遲先放工，無乜時間陪佢學習，所以自從佢讀3年級開始我都無幫佢check功課同溫書，只幫佢默書，其他學習既問題，佢可以自己攪掂，我先至輕鬆d。

:-) :-)

---

咁你可唔可以講吓，你個囡喺田千既成績好唔好? 而家讀緊邊間中學 ?

---

你個女一定好叻，她考第幾？可否提供？
你有沒有任何在田千讀書的心得？

---

其實佢唔係叻架，通常全級考十幾。

讀書的心得就唔敢講，因我都跟唔足佢讀書d野，不過我見佢放學回家通常食飯前就做完功課，跟住溫下當日教的書，如有不明白的地方我就教下佢，另外我知佢經常搵老師傾下計。有時間就做下自己買的補充練習，到考試時就溫書及作業。

至於課外活動，田千就真係好多，我就隨佢鍾意參加，不過係 p.6的時候，都要留d時間讀下書，有時太多老師叫佢參加活動/學校服務，我會幫佢推咁一d。

---