王錦輝用家交流區

帖子列表  登錄   
southplay | 2014-06-19 19:46
2012/10/25日由中午12:45-13:45
今日係我第一日去用眼睛同皮膚去感受一下WKF !
一去到, 我企左係ROUND ABOUT果個位到, 更亭前面, 從玻璃窗中見到有一班大約小二小三的小朋友坐晒係地下上音樂堂….當先生背向同學時, 最後排的幾個男仔有傾下計, 但前面的女同學好注動用手勢叫佢地靜D , 男孩子亦有即時停止. 整體上課秩序良好.
之後我行左去小學部球場外, 睇下D小朋友上PE…大部份都是用英語溝通, 秩序亦良好.
我最想看並不是小學部…其實我是想看一看中學部, 看一看他們中午外出時的表現, 大家都知中午食飯是最能表現佢地最真的一面, 學校校風如何, 從他們中午出去食飯都可以知道8,9成…..
叮噹, 叮噹 !
好多學生好有秩序咁從樓梯落去足球場及籃球場, 無人爭打波, 無人爭球場….
之前已覺其怪, 點解中學部門口有一張大枱,點解有家長放低不同公仔人名的保溫袋係枱面, 當時心諗係唔係小學部先放係到呢….過左一陣, 見到好多中學部男男女女去枱面認領, 見佢地行返去CANTEEN 先知原來中學生都可以叫屋企人送飯, 我想現今沒有幾多中學可以咁樣做,亦不多學生接受咁隸做, 呢個不單止係一盒飯咁簡單, 比我睇到D同學有幾樸實….
等左一陣, 仍然見唔到D學生出去食飯, 忍唔住問下門口個更亭姊姊幾點放食飯…一問之下, 原來整個中學部都無得中午出去食飯……..佢仲話, 呢間學校真係好嚴…真係唔敢相信…竟然香港有中學生六年中學生涯都唔可以出去食飯…..
但我好喜歡, 亦肯定一點, WKF D學生真係好好…
在我來講, 中學生涯中午食飯可以學到好多野，食煙，操口，遲到，洗錢及認識其他學校的朋友仔的最好時機…小左呢個機會，我比佢讀呢間小學更加有信心。。
之後同左個小二家長傾左陣，我表明來意，佢亦好有誠意咁同我講，中交程度真係比較淺，但英文和數學真係幾深，佢無QUOTE任何資料比我,只係咁講，佢小朋友係來自學之園。
明天我會來睇下佢地中學部放學，畢竟十二年生涯，好想知道佢中學部Ｄ學生係點先放心比佢入去讀，但我今日所見令我好開心。。。好有信心。
可能我見到的你們不同意，但不用引起爭議，我只係想大家感受一下一個準備13-14入小一的家長，親身見到呢到Ｄ學生的感覺。
小女有2間OFFER及1間2ND IN, 但我最喜歡都是WKF , 要說服自己TURN DOWN另外兩間有一定難度,畢竟WKF雖然有6-7年,但仍然覺得很新, 但校舍真係好吸引,所以希望睇多D, 睇真D去証明自己的選擇是正確的.
好明天來看看他們放學先….


大家好! 我囝囝九月將會入讀WKF G1, 但早前睇到有個post ,今年簡介會後好多負面訊息睇完後都心大心細，好怕做錯決定.不過當我再睇多Ｄ以前慨post 睇到呢個之後放心好多.希望同大家分享下

http://www.edu-kingdom.com/forum.php?mod=viewthread&tid=2479552&extra=page%3D4


[table=98%]
sze0203 | 2014-06-20 10:16
我喺呢個GROUP 查左好多資料而最終決定係讀WKF^^ 不過反然想問你聽到什麼負面訊息? 就係小一選校果邊果個POST? 果邊樓主只係聽完一次簡介會再用個人睇法去了解學校, 但並不是用家! 佢只係投不信任票ONLY^^ 每個人都有自己選擇的方向, 所以無需太擔心^^
southplay | 2014-06-20 10:59
Quote:原帖由 sze0203 於 14-06-20 發表
我喺呢個GROUP 查左好多資料而最終決定係讀WKF^^ 不過反然想問你聽到什麼負面訊息? 就係小一選校果邊果個PO ...
其實舊年簡介會後同interview後我都好鐘意wkf 。就係唔明點解今年好多家長聽完簡介會有噤多負面。 想問下各位用家今年換左校長有冇大變化？ tks
sze0203 | 2014-06-20 11:04
Quote:southplay 發表於 14-6-20 10:59
其實舊年簡介會後同interview後我都好鐘意wkf 。就係唔明點解今年好多家長聽完簡介會有噤多負面。
想問下各 ...
留意返果邊的MESSAGE, 只係一個人去完簡介會後評論校長的說話, 以後一堆不知就裡的人以股票作EXAMPLE 搭訕揀WKF 係一種投機風險^^ 都未至於係負面^^

不過我有朋友聽完都話唔係好明校長點解會話揀得A-SCHOOL 就唔好諗住轉返去傳統:P

southplay | 2014-06-20 11:31
Quote:原帖由 sze0203 於 14-06-20 發表
留意返果邊的MESSAGE, 只係一個人去完簡介會後評論校長的說話, 以後一堆不知就裡的人以股票作EXAMPLE 搭訕 ...
因為課程同埋教學模式唔同？定係點解，校長有冇講？
sze0203 | 2014-06-20 11:42
校長無講, 所以大家都唔明^^ 其實每年都有插班生或退學的學生
bbolaf | 2014-06-20 12:44
因為教學模式與傳统唔同，例如英文科，主要是鼓勵小朋友愛寫作，不會偏重於改他們的 Grammer 及串字，出來結果是小朋友愛寫作，小一已可寫出近300字文章(考試)。此外教導小朋友用 Project 去學習，傳统學校分上下學期，在A-school 現在剛完了下學期評估便是第三個 semester Project learning 的開始。
Pertra | 2014-06-20 13:57
作者被禁止或刪除 內容自動屏蔽
sze0203 | 2014-06-20 15:06
明白教學模式有分別, 但唔明校長講到這是不能轉軚的選擇吧~~^^:wahaha:可能真係有學生或家長配合唔到, 比較適合傳統教學而轉校都唔定
crystalma | 2014-06-20 17:22
[i=s] 本帖最後由 crystalma 於 14-6-20 17:29 編輯 [/i] 我系一個撤撤實實的用家﹐我有一對仔女﹐仔仔讀緊中學﹐囡囡讀緊小學。我可以話系浸會學校的支持者﹐只因完完全全為了佢地的一套全人教學理念。 我個人較重視小朋友的德育成長﹐學業方面反而是其次。 仔仔和囡囡都系從浸幼讀上去 ﹐浸小再上浸中。 以仔仔而論﹐我地與學校共同渡過了12年時間﹐見証了學校的改變。 其實每個家庭每個家長都不一樣﹐對學校既寄望亦不一致。 家校合作又有幾多人能做得到呢? 當遇到一些問題或者與個人理念不同時就會產生矛盾﹐磨擦﹐其至抱怨。 其實教育小朋友家庭角色不下於學校﹐我個人認為學校做就了一個環境﹐家庭配合去教育﹐學校亦只是個小社會﹐老師亦只是其中一個成員﹐當然會存在流動的情況﹐校長和老師的變動又有什麼問題呢? 這只是任何一間學校都會面對的情況吧了﹐校長老師經年不變也不代表學校就能穩步前行發展﹐亦不代表小朋友就一定享有最好的學習環境﹐ 我個人重視的反而是教育工作者的質素﹐抱負與愛心。 一群質素高的教育工作者才會有作育英才的理想和愛心。
在這十多年的共同日子裏﹐當然體會了很多﹐我曾再三的問過小朋友﹐你喜歡這間學校嗎? 如果可以選擇的話你們會轉校嗎? 他們的回答都是在這裏讀書很開心﹐很快樂!
可能他們的成績總體上比不上其他名校學生﹐但他們的知識層面卻一點也不簿弱﹐作為家長看著小朋友愉快地學習成長已很滿足了﹐所以選擇學校首要的是要問問自己﹐究竟要些什麼?
1/6
下頁 | 尾頁
.
Powered by Baby Kingdom
立即打開