91網田家炳

帖子列表  登錄   
siuchubb | 2014-06-20 09:59
Quote:喜樂果子 發表於 14-6-19 21:59
我想問田家炳o係91網既口碑如何, 我見佢地小班教學又有雙班主任, 真係好似好好咁, 不過真係又唔知有幾多人 ...
我唔知今年情況會否好些,
因有一個朋友既小朋友係度讀緊, 佢話校長同部份老師都麻麻地, 無乜HEART,唔係好理D學生, 佢嗰班勁多新移民, 我朋友去家長會時見到既大部份家長都係大陸人, 試過有次老師請攞緊綜緩既家長出去攞FORM 申請活動補貼時, 竟然有9成家長出去攞FORM.
我朋友話佢嗰小朋友都係度讀得唔係咁開心,同D人唔係咁夾到, 想轉校
bluerain_baby | 2014-06-20 12:31
Quote:原帖由 siuchubb 於 14-06-20 發表
我唔知今年情況會否好些,
因有一個朋友既小朋友係度讀緊, 佢話校長同部份老師都麻麻地, 無乜HEART,唔係好 ...
咁恐怖？ 要轉校？ 不過interview時，校長唔錯喎
喜樂果子 | 2014-06-20 13:34
我都覺得學校由樓下校工到校長比我既感覺都唔錯, 不過真係想多D用家比D意見. 同埋學校無同我講過有SECOND IN 既, 佢只係話最快下星期會有結果, 其實佢係唔係已收左一批, 如人地星期六唔SHOW UP買書果D先可CALL人呢 好緊張呀!
angrybusilver | 2014-06-20 13:41
回覆 喜樂果子 的帖子 我都有問幾時有結果，校長說26號後，大家一齊努力!
jemanfong | 2014-06-20 13:43
Quote:原帖由 喜樂果子 於 14-06-20 發表
我都覺得學校由樓下校工到校長比我既感覺都唔錯, 不過真係想多D用家比D意見. 同埋學校無同我講過有SECOND ...
我上年見係校長同小朋友一齊見，都問好多學術上既問題，都幾深。例如拎個月曆出黎問下你呢個月有幾多日黑色日子，幾多日紅色，黑色加紅色有幾多日，呢個月成個月減左紅色有幾多日，其實未必叫佢計，但要考佢識唔識轉彎諗到。又例如拎幾朵花，問你共有幾多朵花，有咩色，你鍾意咩色。又問小朋友自己知唔知自己幾時生日，同叫小朋友分享幼稚園生活。 但佢話左某一日子通知收唔收，然後又推遲左，明明七月頭話覆，結果八月尾先打黎問我讀唔讀。我最後無讀。
angrybusilver | 2014-06-20 13:46
回覆 jemanfong 的帖子 其實有得選擇我都唔想選這間，奈可我入了四寶，爬出一級已叫好!
喜樂果子 | 2014-06-20 15:20
回覆 angrybusilver 的帖子 我未又係4寶, 我都想跳出4寶就心滿意足, 因為其餘的好像各有各特色, 普遍都OK, 當然唔可以同呂,同培基果D比, 91的小學總不會太差或差太遠. 不過我4寶中我都有叩信義, 目的係想小朋友O係基督教學校讀, 而4間比我最有信心都應該係信義.
喜樂果子 | 2014-06-20 15:24
回覆 jemanfong 的帖子 我諗你上年係因為有D人唔讀先再次CALL 人.
bluerain_baby | 2014-06-20 18:56
Quote:原帖由 angrybusilver 於 14-06-20 發表
回覆 jemanfong 的帖子 其實有得選擇我都唔想選這間，奈可我入了四寶，爬出一級已叫好!
反而我唔贊成，我都係入四寶，都係叩田小，但田小如收我，我要考慮，因為最大concern 係我要我小朋友讀得開心，間學校級數係重要，但如果高一級，你小朋友開心指數跌一級，就唔太好啦，當然大家冇讀過又未開始，唔會知讀後係點，大家加油 以上只係我個人觀點，不喜勿插
喜樂果子 | 2014-06-20 20:19
Quote:bluerain_baby 發表於 14-6-20 18:56
反而我唔贊成，我都係入四寶，都係叩田小，但田小如收我，我要考慮，因為最大concern 係我要我小朋友讀得開 ...
講真大家都未讀過真係唔知實情係點, 當然開心係好重要, 但有時可能唔開心既事係個別事件, 不過我自己由交表至面試, 對學校的表面觀感唔錯. 不過無論如果係點都好, 我都想走出4寶先.
2/9
首頁|前頁|下頁|尾頁
.
Powered by Baby Kingdom
立即打開