有無愉城方方家長？

帖子列表  登錄   
lsw0316 | 2007-10-03 01:02
薳然媽媽,

等我都去買 "兒童維多 c" 至得, 其實之前都有聽同事話傷風初起, 食維他命 c 搞掂, 佢係加拿大返嚟嘅, 佢話喺嗰面啲醫生都唔會開藥俾你, 要你自已打低啲菌喎.

煲雪梨水要記得落蜜棗或無花果, 等佢有 d 甜味, 咁就唔駛落糖都得, 同埋要慢火煲一個半鐘, 不過到最後十五分鐘用中火, 否則, 有時, 火太慢, d 雪梨同蜜棗唔夠出味, 就會覺得淡同有少少酸. 我自己煲就會睇顏色嚟判斷夠唔夠火候, 但係, 我家工人都唔識, 惟有咁教佢, 都 ok o架. 雪梨可以唔批皮, 切厚片, 但一定要起芯, 否則會好酸, 希望薳然鍾意飲啦.

本來我已經收到妳的 pm, 但按錯掣, delete 咗, 麻煩妳再 send 一次給我 :adore: :adore:


Quote:原文章由 薳然媽媽 於 07-10-2 23:23 硐表
家晞媽咪，

d 維他命C唔係藥丸,　係”兒童維多ｃ”好似糖糖咁架，係萬ｏ或屈人寺都有得買”，薳然唔識吞藥丸，不過就好鐘意食，成日問我攞，我最多一日比兩粒佢，但我老公又話無病無痛食咁多ｄ唔好播，所以我有時偷偷地比阿囡食架．我都想自 ...
cacamummy | 2007-10-03 01:31
HELLO 薳然媽媽 & 家晞媽咪，

好耐無上黎勒! 見你地都出左好多post. 我個b今日先第一日返學. 不過, 佢係返下晝. 所以, 我地既小朋友應該見唔到. :cry:

今日返學既時候, 有好多小朋友狂喊. 連我個b佢平時係唔怕生保. 佢都係喊住放學..唔知你地個b第一日返學係咪都係咁呢?

仲有你地會唔會幫小朋友打學校有得打既流感針?

?-(
yansy | 2007-10-03 01:43
Quote:原文章由 meta 於 07-10-1 15:26 硐表
同一班，囝囝叫晰駿，曾經有打晴晴大腿紀錄！ :hammer:
哈！哈！我囡囡講既！:-)
但係佢話晰駿都係乖架小孩子黎架！


同一班，囝囝叫晰駿，曾經有打晴晴大腿紀錄 - sorry for this. i hope it's not really true as my son seldom does this to the others, he is not dare to do it.
lsw0316 | 2007-10-03 13:00
Cacarmummy,

小朋友第一日自己返學實喊o架, 唔駛擔心, 過兩三日就唔會喊o架啦, 不過, 我湊返學時見有 d 小朋友返咗一個星期之後都仲有喊, 所以, 個個小朋友都唔同o架, 如果妳囝囝係唔怕生保嘅話, 應該會好快適應到. 家晞咁怕生保都係喊一兩日, 第三日開始唔喊, 不過佢換校服時會扭計囉, 自從九月哥哥開咗學, 一齊換衫返學就完全無問題 lu.

流感針未開學已經打咗, 連肺炎鍊球菌都打埋, 所以, 如果未打就快 d 打啦, 返咗學會多 d 機會接觸其他病菌, 小朋友身體未有抗體實有反應, 會發燒, 傷風, 咳等等, 係醫生話o架, 不過, 打咗釘都唔會話完全無病, 不過, 我覺得就算病都會快 d 好, 同埋唔會話次次都要食消炎藥, 這是我留意家晞未打流感針前同打針後嘅情況就係咁, 所以, 無論學校有無得打, 自己搵私家打都得. 囝囡病咗, 大人擔心, 細路仔又辛苦, 都係快 d 打安心 d.

係呢, 妳囝囝下午班有幾多人一班呀?


Quote:原文章由 cacamummy 於 07-10-3 01:31 硐表
HELLO 薳然媽媽 & 家晞媽咪，

好耐無上黎勒! 見你地都出左好多post. 我個b今日先第一日返學. 不過, 佢係返下晝. 所以, 我地既小朋友應該見唔到. :cry:

今日返學既時候, 有好多小朋友狂喊. 連我個b佢平時係唔怕生保. ...
opheliay | 2007-10-03 13:35
大家好呀,

我個小朋友係方方讀k3啦, 流感針同水痘針一定要打啦. 我本人覺得有個doctor叫劉劍聲(已前係大河道), 都好得架...我個由細跟開佢:cheeze:

如果你地有咩想知, 我又幫到你地, 就post 出嚟問下我啦...

Ophelia
MarcusMiMi | 2007-10-03 13:58
聽說此校比較傳統, 功課多, 學術性比較重, 妳認為是不是?????如入讀國際班可否與直資或主流小學接軌, 因小兒將09年入讀k1, 現正搜尋學校資料,

唔該

Quote:原文章由 opheliay 於 07-10-3 13:35 硐表
大家好呀,

我個小朋友係方方讀k3啦, 流感針同水痘針一定要打啦. 我本人覺得有個doctor叫劉劍聲(已前係大河道), 都好得架...我個由細跟開佢:cheeze:

如果你地有咩想知, 我又幫到你地, 就post 出嚟問下我啦...

Op ...
子俊寶寶 | 2007-10-03 16:49
家晞媽咪,

原來你已經有3個小朋友, 你湊仔經驗一定好叻, 得閒多d請教你先:-) .

佢兩個哥哥之前係迦南&慧中讀過, 點解你唔比家晞讀既? 呢兩間學校是否唔好??? 邊間迦南呀?

DWE 既playgroup好唔好? 我join左2.5yrs都未參加過佢地攪既function.


Quote:原文章由 lsw0316 於 07-10-2 14:46 硐表
子俊媽咪,

開學初期, 家晞都即刻有反應 -- 傷風同咳, 但唔算多, 因為, 家晞開學前喺 Littleton 返咗三個月 playgroup, 有咗 d 抵抗力, 嗰時都病得幾頻密o架, 不過, 好彩都係普通傷風咳, 唔駛食消炎藥, 醫生都話無 m ...
子俊寶寶 | 2007-10-03 17:19
薳然媽咪,

多謝你d心得, 得我都買d維他命c守門口先. 另外我想問你買邊隻化痰粉架??

劉章鴻一般, d藥同我bb唔係好夾. 上網見好多人讚荃豐楊家祥, 都睇過一排, 佢每次睇子俊唔駛2分鐘就話ok食1次藥就會好番, 但每次都係比個幾隻藥同埋一定要覆診2-3次才好. 之後轉左去李志謙(即係劉章鴻行過幾間), 見佢都幾細心, 同埋開d藥又夾到子俊, 食完藥又唔會不停咁訓, 所以keep住睇佢. 佢收費貴過楊家祥, 每次$250 /$300, 但多數一次就好. 其實之前係d討論區見到好多媽咪對佢有唔好既評語, 話佢dum症. 我都考慮過好唔好試, 有次楊家祥無開, 咪試下, 又ok喎一路睇到而家. 你可以試下.

但係如果子俊有咩大病or打釘, 就會去睇幫佢出世檢查既兒科醫生-梁樹標, 因為佢睇症好準同埋佢有子俊出世到而家既資料. 如果平時一般傷風感冒就費時去咁遠.




Quote:原文章由 薳然媽媽 於 07-10-2 19:02 硐表
家晞媽咪 & 子俊媽咪,

今次去澳門都幾悶架, 因為我都成8個月多, 所以唔敢周圍走, 怕細b會係澳門出世, 只係係酒店 (威尼斯人)度行黎行去咋. 薳然同家晞一樣, 有鼻水同咳, 今日都請左病假呀, 雖然今日好左小小, 但 ...
薳然媽媽 | 2007-10-04 10:37
家晞媽咪,

我已經再pm左您啦.
thanks您既提點, 因為薳然尋日仲有d咳咳, 好多痰, 尋日無比佢返學呀, 比左d化痰粉佢飲, 今日好好多嘞, 今日會返學, 我會等佢清哂d病, 就會煲您教既雪梨水.

Quote:原文章由 lsw0316 於 07-10-3 01:02 硐表
薳然媽媽,

等我都去買 "兒童維多 c" 至得, 其實之前都有聽同事話傷風初起, 食維他命 c 搞掂, 佢係加拿大返嚟嘅, 佢話喺嗰面啲醫生都唔會開藥俾你, 要你自已打低啲菌喎.

煲雪梨水要記得落蜜棗或無花果, 等佢有 d ...
薳然媽媽 | 2007-10-04 10:50
子俊媽咪,

我買燈樹化痰粉, 呢隻化痰粉好耐歷史架啦, 我家姐d囝囝 (依家都就黎30歲)細個都係成日飲佢. 我問過醫生, 醫生都話飲得.

係呀, 薳然睇楊嘉祥都係唔斷尾, d藥可能好輕. 我睇黎劉章鴻d藥都唔似同阿囡太夾, 因為佢都唔能夠好快徹底清左d痰. 原來您地睇李志謙, 我唔敢睇佢呀, 因為好多媽咪都話佢唔好, 我個鄰居個囝囝囡囡都係睇佢, 不過次次都要睇兩次先至好返, 佢又成日叫鄰居幫小朋友打咩咩針. 不過人人都唔同, 最緊要係夾 & 睇得好.

薳然無返好多日學, 困住o係屋企比工人寵壞, 呢幾日成日係屋企扭計大哭, 比我閙左佢一輪, 佢cc地氣同我講, 子俊同家晞好乖無扭計無喊 (學左我講). 查實您地d小朋友o係屋企有無好扭計架 ? 我唔知係咪大緊肚, 阿囡呢大半年特別扭, 定係trouble 2 呢 ? 梁老師話可能我大肚, 佢話或者等我生完bb之後, 佢乖返, 因為之前有個小朋友都係咁樣, 希望真的如是.


Quote:原文章由 子俊寶寶 於 07-10-3 17:19 硐表
薳然媽咪,

多謝你d心得, 得我都買d維他命c守門口先. 另外我想問你買邊隻化痰粉架??

劉章鴻一般, d藥同我bb唔係好夾. 上網見好多人讚荃豐楊家祥, 都睇過一排, 佢每次睇子俊唔駛2分鐘就話ok食1次藥就會好番, 但每 ...
13/32
首頁|前頁|下頁|尾頁
.
Powered by Baby Kingdom
立即打開