鑽石山靈糧堂幼稚園家長分享

帖子列表  登錄   
夏安 | 2007-12-29 14:27
Hi fostermak

我的小朋友來年幸入讀靈糧
請問返下午班的小朋友仍可參加學校安排的課外活動嗎?


另外 請問有無住將軍澳的小朋友
如果坐校車大約需時幾耐?

坊間說靈糧好淺
你們的睇法又如何?

sorry 一次過好多野問添:adore:
wingtsang | 2007-12-29 22:24
芷芊 :wave:

你返來啦? 巧耐無響呢樹見到你囉! ;P 哈哈! 得閒多d上來傾下計呀!:lol

夏安,
歡迎你加下靈糧大家庭呀! :-D 讀下午班梗係可以參加課外活動啦! 因為多數都係下午班放學後嘅時間或者星期六架! 同埋K1唔係太多選擇架咋!

我都係住將軍澳架喎, 不過我搭港鐵, 半個鐘唔洗就到lu!:lalala:

淺唔淺呀:-? 我又唔係好覺住, 不過小朋友真係讀得好開心, 見到校長老師們都好有心, 雖然佢地未開始學寫字, 但係就都認得好多字, 同埋我最鍾意佢地個"請聽我讀"閱讀計劃囉!:mrgreen:
夏安 | 2007-12-30 15:27
HI wingtsang:wave:

多謝你的回應:-P
你小朋友讀上午班?
朝早坐港鐵咪好迫人:-o
不過係自己接送係上學返家途中
就可同小朋友分享返學趣事係好開心的
希望我到時都可以做到;-)

我都好欣賞佢地的閱讀計劃
我覺得這方式可令小朋友的表達能力及語文水凖有所提高
另外 她們的Orff Music 我都好欣賞

我朋友之前係靈糧教過課餘畫畫(雖然是香港正校)
佢話校長老師好好 另外小朋友都好乖巧
佢極力推薦這校

不過 我的另一位小學家長朋友就勸介我
話這校課程淺
對上/考小學可能有問題 (可能無真係讀過的都有這想法...而且她知道上小學後功課壓力都幾大先擔心我;-))

anyway... 我知道靈糧收我小朋友時
我真的得開心:mrgreen:
因為interview後 她話想入讀
fostermak | 2007-12-31 13:46
芷芊:
好耐冇見你上黎,原來你都有去...
其實食方面,除左長隆個晚,其餘都好好,可能我個台係
7個小朋友+6個大人,基本上大家顧住照顧小朋友,結果係剩番好多,食唔晒

我就覺得2歲以下小朋友,亦不佔床位船位,應該免費,唔應該要俾團費...

夏安:
我個囡讀下午班,如果你想星期六或日有family day,可以選擇同佢報平日放學後讀興趣班,只要囡囡唔眼訓就得,我囡囡平日食得慢,又習慣放學要訓覺幾個鐘,所以唔會揀平日朝早上興趣班或私人上門教授...

至於程度係咪淺,同根德園比,當然係淺,因為我知道根德園k1每星期教五個中文字,唔係山小呢d字咁淺,同埋k2開始有mental,即unseen dictation...
,但學術上o既野,我覺得做家長都可以平日幫下,例如報下出面課程,睇下課外書,呢d都好容易做...

反而靈糧教o既野,例如德育及品格,表達力,夠主動,創意,識感恩,比學術上教好多深字仲難教,呢d響學校開展"請聽我讀"閱讀計劃同埋我幫囡囡響出面報公文數後,好有體會...

講真報公文數係因為學校全年冇功課,但見出面d學校平均一星期一份,有d係日日都有,做家長,當然會有少少壓力,於是我地覺得為左幫佢銜接小學,等佢容易過渡,每日習慣做少少功課係需要的,同埋女仔響數學方面會弱d,所以幫佢報

結果發現叫囡囡做公文數係易過叫佢講故仔俾人聽,因為小囡比較內向同靜,叫佢講故仔,係要威逼利誘架,但係做公文數,佢只需每日花五至十分鐘自己坐響度數數,唔駛佢面對群眾,亦好有滿足感...

之不過,閱讀計劃對囡囡o既訓練同得著係大好多同全面...
起初我同老公都有唔同意見,老公覺得如果囡囡唔肯搵人講,就由得佢成本記錄簿冇簽名,等佢汲取下教訓,但我見囡囡識講又講得到,就搵方法推動佢,包括獎貼紙及小食,結果佢每次都有d進步,起碼由初頭只肯同屋企熟人,即爸媽+麻麻+爺爺+妹妹+姨姨叔叔+教會相熟教友等講,進而跟同班同學及家長,甚至同校素未謀面的高年級同學+家長,甚至唔太相熟o既親友...

至於學術程度,我知道K1靈糧閱讀計劃某d英文故仔書係某d小學o既低年級讀物黎添,咁你話淺定唔淺?

同埋囡囡講完英文故仔,講完英文,會解中文俾人聽,之後佢又學識靈活運用,自己會作句,我就唔覺得淺,而且要佢兩星期內搵24個人講故仔,查實係有一定難度,高年級家長係過來人,就話小朋友初頭都係咁,過左一年後習慣左成個計劃,就會自動波架o勒,而家囡囡見到d得意佢又鍾意o既圖書就會自動波話講俾我聽...

我舊年都好似你咁,不停上bk網問靈糧家長,亦驚靈糧程度淺,因為有同事話有小朋友唔受得活動教學,成日玩,吸收唔到,到第日上小學只會過渡得好辛苦,成績徘徊響中游位置,我可以搵番以前靈糧家長d post俾你睇,我當時睇左o既感覺係好感動,到囡囡正式入學甚至我地出席家長會,都好感恩囡囡能夠成靈糧人

希望我o既分享幫到你啦...


Quote:原文章由 夏安 於 07-12-30 15:27 發表
HI wingtsang:wave:

多謝你的回應:-P
你小朋友讀上午班?
朝早坐港鐵咪好迫人:-o
不過係自己接送係上學返家途中
就可同小朋友分享返學趣事係好開心的
希望我到時都可以做到;-)

我都好欣賞佢地的閱讀計劃
我覺得這方 ...

fostermak | 2007-12-31 14:39
呢d係舊年我響BK網睇到部分靈糧家長o既回應 BK家長1.
囡囡讀 DHLLC. LLC 功課不多, 但訓練出來的小朋友大部分都善於表達、自信、快樂及觀察力強. 學校的宗教教育也令小朋友有感恩和謙和的心.

由於決定入讀偏於傳統教學的小學, 所以 K3 開始, 替囡囡報讀了加強英語能力的興趣班 (以加強 Conversation 為主, 因平時家裡以講中文為主), 另外, 每天都和她一起看些英文書, 現在囡囡的
英文能力也算可以吧, 中文和數學則沒有特別的安排, 據一般畢業生家長表示, LLC 的中文程度沒問題, 以我自己的經驗, 由於 LLC 沒測驗和考試, 家長平時最好還是抽一點點時間和小朋友複習學過的字較好

囡囡讀的英文興趣班, 有半數的學生來自你標題中的另一間學校, 坊間喜歡說讀某間 KG, 某科程度就特別高, 我認為家長的努力和配合反而比較重要.
選擇那間幼稚園, 其實很主觀, 當初選 LLC, 純粹是因 Buy 其教學模式 (LLC 的教與學曾獲教署獎項) 和喜歡學校師生相處的氣氛, 此外, 校長也給我十分好的印象.
bk家長2.
靈糧主要係透過遊戲及活動來讓小朋友主動學習.
1.全校分開不同區域,美勞區,識數區,語文區,科學區等等,老師安時間表讓孩子區不同區域學習(當然每一區由不同老師來負責),老師從旁邊觀測make assessment
2.英語和普通話:由native speaker老師教授,但是始終不是傳統教學,跟九龍塘那些不能比.
3.學校學習的單元,歌曲以及學生學習情況的照片可以在內連網上看/download
4.鼓勵學生讀書,有讀書計畫
5.9點開始morning assembly,小朋友可以在8:30至9點內在學校里玩玩
6.每個學期末可訂購學生學習情況的VCD或DVD
7.親子活動如參觀(課堂時間)
8.每個學期末派發學生assessment, not 成績表
bk家長3
與童同樂日
每班一日, 在學校派給各位家長的行事歷中應可看到, 屆時學校會再出通告提醒家長. (學校內聯網中也可看到當月的活動及茶點內容哦)
去年的 "與童同樂" 主要是 1)介紹 "與童同樂" 的時間安排及目的 2)說明學校教學模式及指導家長如何在這天充當一天的 "老師" --- 活動的設計、如何問問題及談話才能啟發孩子、靈糧的老師們如何做觀察記錄等等 3)各位家長的寶貝出來表演 4)分組活動及學習--- 就如每天上課一樣, 10人一組, 而此時家長的角色便是平時老師的角色 5)分享及提問時間
記得去年參加之後, 感覺既感動又放心
bk家長4
我仔在銅鑼灣靈糧讀k2, 最近他們學習關於頭髮的project, 除了要去尋找關於頭髮的圖書外, 學校還在一角設了髮型屋給小朋友在遊戲中"實習", 老師還教他們用尺在毛巾上摩擦然後產生靜電使頭髮豎起. 小朋友還要戴假頭髮, 設計髮型,家長還要和小朋友一起作一首頭髮兒歌及寫關於一根頭髮的故事. 更令我驚喜的是小朋友戴上自己設計的帽行cat walk. 我個人覺得這project一點都不淺, 但是小朋友卻在不知不覺中學到不少東西.
bk家長5
我女兒還沒上小一, 很難回答你這個問題, 而且以我所知, 每間學校的小一功課和默書量不見得很多.靈糧在 K1 是完全沒有功課的, 只有在學校的畫線練習吧, 但從今年起有較完整及有要求的 phonics 課程直至 K3, K1 已有閱讀計劃, 學校也有教學主題教認中英文字. K2 開始有少量家課, 從最簡單的一橫一劃、大小寫abc開始, 循序漸進增加, 這時雖然不見有加減數的功課, 但囡囡不知為何會加法 當然, 閱讀和認字的要求也會隨之提高大概要開始考慮銜接小學, K3 的功課量和寫字要求會明顯增加和加快, 初時囡囡也有點不慣, 但現在已習以為常, 中文除了生字、詞語也有短的句子寫, 英文除了單字, 昨天開始有句子的練習, 數學目前為止只見加法, 但她已會減法 (我沒讓她上外面的數學班), 每天大概都是一版中文, 有時外加英文或數學的工作紙, 週末量較多, 中英一定有, 有時有數, 還有要做 "新聞分享", 此外, 每兩周會有從報章雜誌找某個部首的字的功作紙...雖然功課量增加, 但小朋友適應得很快, 從剛開始的少少不開心, 到現在回家會教我如何寫字, 實在不能不佩服學校 我看到囡囡的學習是十分愉快的, 每天她都是自己做功課, 我回家只要檢查並要她默一遍給我看是否真的會寫便可 (這不是學校要求的 )
這樣, 你認為能否習慣小一呢
fostermak | 2007-12-31 14:45
仲有呢d都係舊年響網上睇到o既靈糧家長回應

BK家長1
靈糧堂不著重抄寫,但鼓勵多認生字。我容許小兒看適量的電視,他看電視時,會同時看字幕,效果跟看flash card有異曲同工,電視有聲、有畫、有劇情,比硬崩崩的flash card可能更有趣呢!透過這方法,他們認了大量的生字。
至於書寫,我兩個仔成世人都未試過默書。靈糧堂到了K3會有一樣功課叫「新聞簿」,會鼓勵學生剪下報紙新聞貼在簿上,然後加上自己的意見。我們極為重視這項功課,由最初是我做,到後來我講佢抄,循序漸進到最後完全由他自己創作和做句。在這個過程中,他無須機械式的重覆抄寫,只是很自然地在不知不覺間就學會寫很多字,而且寫過的都不易忘記。不過你要好有耐性,這樣去做這個功課,要花很多很多的時間,比較純粹重覆抄寫其實是難好多。 同時,靈糧堂K3會教用部首去認字和造字,然後再教學生查字典,並要他們做一本「我的字典」,學校鼓勵學生有字唔識的時候要自己去查字典。這個習慣我兒子維持而今,每當他有字唔識,他就會立刻去查字典,現在他的寫作能力已經超越了學校的要求,真的要多謝靈糧堂的「新聞簿」和「我的字典」。還有很多很多,總之,讀靈糧堂唔只係嘻嘻哈哈咁簡單。 想請問吓靈糧堂有無課本,和家長手冊等,讓家長知道孩子在校的學習近況和學習範圍?
教學有校本教材. 有家長手冊, 手冊主要是小朋友該星期在一些方面的評估及做為老師、家長間的通訊用, 每星期的評估頁上面會告知教學主題, 後面則會附學習進度及要求
另外,我估唔會有考試,但有無一些定期的評估呢?
無考試, 除每星期的評估外(主要是德育方面), 學校也會透過各種教學活動在每學期末給予總評估(平時已觀察及記錄)
其次,老師或者班主任會唔會耐不耐打電話比家長傾吓小朋友的情況,還是小朋友有問題才會找家長呢?
我自己沒試過因小朋友有什麼問題而接到老師電話, 老師打電話給我或是我致電老師, 通常都是普通的連絡, 比如請假、確認事項等 此外, 學校有內聯網, 校園相簿有大量的照片供家長了解小朋友的學習生活 (每週一定更新, 也可讓我們自行 Download, 十分珍貴!), 各科老師也會把教授內容 Upload 上網, 學校會再把學習進度及要求放上網, 校園電台亦會提供部分含影象的教學影片 (當然還有其他) BK家長2
靈糧在教學的設計上雖活潑創新, 卻不表示學習時可以沒紀律, 小朋友只是凡事都好奇、喜歡探索, 但絕對清楚要遵守規矩, 從校園相簿中可見到小朋友學習時多全神貫注, 發問也必定先舉手, 叫到名字才回答 (有次見女兒舉了手, 問她有沒有叫到她, 她說太多人舉手了, 她又坐在後面, 所以沒叫到, 我開玩笑說, 妳下次可一舉手就說 "老師, 我", 她回答我 "唔得架, 要等老師叫名先可以答架" )
學校平時亦最重視品德教育及培養小朋友的自理性, 所以我是不擔心小朋友的態度和禮儀的, 也不會送她去上面試班. 但當然, 一些日常需知我會教她, 比如 K1 時, 她已知如何打電話找到我 (這很重要, 我認為)、知道自己家住那裡, 配合學校的走火警, 我會告訴她在家裡應怎麼做, 走失了怎麼辦 (學校教的)等等.....
至於你問的入讀小一學生分佈問題, 我回答不了你, 但一般家長對 "結果" 應都尚算滿意吧
補充一點:
這次觀課, 心裡其實受到一點震盪, 沒想到靈糧只是一間幼稚園, 竟也可傳授那麼多的知識給孩子---
科學角配合環保主題, 用家庭廢棄物砌出一些實驗道具, 其中一個是兩頭綁了注滿水的藥水樽 "天平", 在老師的指導下, 孩子們可觀察到, 原本平衡的天平, 若移了一桶水置於其中一個藥水樽之下, 便可見這個樽明顯被"托高" 了, 另一個則是設置了一個 "斜坡", 一輛空車滑下時, 會走較遠的距離才停下, 隨著逐漸增加負重 (彈珠), 這輛車滑下斜坡停下的距離便越來越短... 相信各位家長都知道這些是什麼實驗, 以往我們讀書時又是什麼時候才開始學習這些?!
但這些在靈糧的學習生活中, 卻是不經意又隨處可讓孩子去接觸、觀察和思考的, 老師不是一個單向的知識傳授者角色, 而只是一個引導及指導的角色, 而這許許多多又怎能透過一本或一些固定的教科書做得到呢!
bk家長3
其實家長替子女選校前就要想清楚和打聽清楚心儀學校的一切, 然後在 K3 甚至 K2 時慢慢做好銜接準備. 我見周遭朋友, 不管入讀功課量多還是少, 課程內容深還是淺的幼稚園, 只要是想入 "傳統學校" 的, 每個都是額外大量 "加工加料"的, 要說入讀某一類型幼稚園就沒有小一銜接問題, 在我看來是好笑的. 在靈糧, 學到的東西並不少, 如果個個家長都好像其他 "名幼稚園" (其實我覺得靈糧也很 "名", 尤其在教育界 ) 家長般那麼 "努力", 升那一類的小學又會有什麼問題呢?
我的看法是, 幼稚園是個重要的啟蒙階段, 這時候最重要的是人格、品德修養、自理能力的建立, 同時, 千萬不要令孩子在此時養成默背少思考的學習模式. 家長如果心儀傳統名校, 不妨加強孩子語言的聽說能力, 平時多和孩子一起閱讀, 派回的工作紙儘量只站在協助角色, 讓孩子自行完成, 如果孩子升小一時都仍能記住在靈糧學到的一切 (家長不妨時時和孩子複習), 那麼, 我相信升小一不會有什麼問題的.
至於功課和寫字的問題, 靈糧 K1 時沒功課, K2 剛開始也只是簡單的書寫, 最好在此時讓孩子養成 "做完功課才玩" 的習慣, 剛開始字寫得不夠漂亮, 也不需全部擦掉重寫, 只要筆劃正確就好, 到了高班, 才慢慢要求字寫得好一點也未遲. 女兒現在一定在我回家前完成功課, 我回到家只需看看是否正確即可, 而且我發現升高班後, 可能由於小肌肉發展得更好了, 字寫得有進步.
昨天高班已收新聞剪報的本子了, 逢星期一交, 我正幻想, 每次不僅可從中學到表達力, 加上我打算讓女兒自行加上文字, 那麼, 她又可額外學寫不少字, 一學年後, "武功\\\" 應該會精進不少吧.
bk家長4--靈糧定創價好?
其實無論係靈幼或者創價, 我覺得係兩間好好嘅幼稚園, 單單係去面試咁短嘅時間已經見到學校入面老師花嘅心血同埋時間. 好似喺兩間幼稚園每個課室嘅門口都有好多個老師自製的信箱, 有啲用pizza盒做, 有啲則用其他癈料做, 但卻非常精美, 而信箱裏面真係裝咗好多紙條, 甚至糖果, 我問老師點會咁嘅, 老師話啲信箱原來係用嚟俾小朋友之間, 甚至同老師互相通信, 或者互表心意的. 此外, 還有一樣東西令我印象十分深刻的, 就係靈幼個洗手間啲洗手用嘅水龍頭原來個個樣都唔一樣的, 有啲係圓碌碌的, 有些是向上推的, 有些係要"拎"的, 總之個個開水嘅方法都唔一樣, 我個囡洗手洗得好鬼開心, 因為對佢嚟講, 真係好特別同好新鮮. 我又問啲職員點解會咁, 佢地話係校長的主意, 希望啲小朋友明白解決問題可以用好多唔同嘅方法. 可能呢啲嘢他人看來可能好微不足道, 甚或有啲無聊, 但對小朋友嚟講就非常唔同, 佢地就非常鍾意同開心. 唉! 呢兩間其實都係好好嘅幼稚園, 但我又擔心將來讀小學會否有很大適應嘅問題, 同埋其他小學會唔會唔係咁鍾意呢類幼稚園畢業嘅小朋友呢? 各位媽咪, 麻煩你地有時間可否指教一下?
fostermak | 2007-12-31 14:46
仲有呢d
bk家長5 Anli
chuchumui:
我想傲雪指的應該是一些之前在網上批評靈糧堂的家長吧.
我本來也像妳一樣, 有些話想不吐不快, 但想一想還是算了, 不回應了.
今年的新生會見日安排得較往年遲, 我覺得很好, 因為很多幼稚園可能已放榜, 但家長如將靈糧列為 "正選" 的, 不會因其他幼稚園已收而不來面試, 這樣, 無形中已先作了層篩選.
而校長在面試中強調靈糧 K1 沒功課, 其實也讓另一些不同教育理念的家長明白, 免得大家日後才發現 "性情不同, 志趣不合"
我十分感謝靈糧這短短一年多來給女兒的一切, 每次我上校園相簿看到女兒的學習生活, 都很感動---- 你們的小朋友現在是 K1, 可能還沒太大的感受, 但 K2 的課堂上, 已可常看到小朋友們分組討論及在各式活動前參與規劃及安排了呢. 能想像嗎? 那麼小的豆丁! 但他們個個是那麼地專注及興味盎然啊!
學校的老師的確是十分地盡責、充滿愛心及熱情, 每次學校一換教學主題, 就可見老師們星期六都留在學校換課室佈置, 但他們沒有因為工作辛勞就笑容欠奉, 在校園裡見到的永遠是老師和孩子們的笑臉...
不用為一些無謂的言論而不開心, 因為只有真正的靈糧家長, 才知道自己得到了什麼.
charlene:
歡迎加入
之前沒回應你, 原因是一間幼稚園好不好並非是絕對的, 主要還是家長接不接受其教育理念、教學模式及側重孩子那方面的所得
和女兒申請幼稚園的那年, 她也獲得全部申請學校的取錄, 但由於靈糧是我的首志願, 所以, 最後也放棄其他幼稚園的學位, 我至今也沒後悔呢
鑽石山靈糧的英語是外籍老師教授, 每週有兩堂各半小時的英文課, 想加強小朋友的英文能力, 可時時重溫學校派回的字母卡、Phonics VCD、透過閱讀計劃學習等...
個人意見--- 學習語言在這階段, 肯講、會講、有興趣學, 比會默寫單字重要得多
AnLi, 計起上來,我道行最差
其實我女都畢業多年,但我好多時仍是抵唔住頸。
尤其當好多人很武斷咁講llc畢業生很難銜接小學課程....
Hi, Ms.ChanChan:
可能兩年後我也和妳一樣呢, 有些事現在我想駁也比較沒立場, 畢竟我女兒還沒畢業... 雖然我看到有入讀傳統小學的畢業生, 在考獲全級第一名或名列前茅時寫感謝信給學校.
其實妳出來講講話很好啊, 讓上 BK "收風" 的家長有比較正確的風可收嘛, 始終我們才是正宗的靈糧家長
夏安 | 2007-12-31 15:09
感激 fostermak咁詳盡的分享
亦感激你明白我呢個問這問那的K1準媽咪
:L

:handshake有如斯願意分享 願意互相鼓勵的家長
小朋友們的家教一定好
現在的我們真係好期待來年的新生活:loveliness:

我要再編修這回應
:-(因為實在太感謝你 fostermak [ 本文章最後由 夏安 於 07-12-31 16:37 編輯 ]
wingtsang | 2008-01-01 01:53
:-D :-D :-D Foster:-D :-D :-D ,

一個字 "勁" 呀!:-o
fostermak | 2008-01-01 11:30
查實我舊年同囡囡報左幾間唔同類型o既k1,全部都收佢,我都考慮左好耐,研究左好耐,問左好多BK家長同親朋,好想知道每間o既情況同教學理念,邊間較適合囡囡,因為讀唔同學校,對佢日後條路同發展都會好唔同...

所以身為過來人,真係好體會到你而家o既心情,好樂意解答你o既疑問,尤其係當我而家再睇多次舊年靈糧家長post,由期待成為靈糧人到真係成為靈糧人,見到囡囡返學返得開心,就已經好開心...

wingtsang :
你都好好呀,一齊解答其他媽咪o既疑問,大家努力呀..

Quote:原文章由 wingtsang 於 08-1-1 01:53 發表
:-D :-D :-D Foster:-D :-D :-D ,

一個字 "勁" 呀!:-o

15/48
首頁|前頁|下頁|尾頁
.
Powered by Baby Kingdom
立即打開