有無愉城方方家長？

帖子列表  登錄   
lsw0316 | 2007-10-15 17:10
薳然媽媽,

原來佢哋呢個年紀嘅表現都係差不多, 而家教小朋友真係比以前父母教我哋嗰陣難好多, 又唔鬧得但係又唔可以縱容, 真係好難攞平衡o架 :(, 有時都會俾佢哋激到好忟o架 .

11月5號一齊湊放學同食 lunch 應該無問題呀, 我 pm 定個電話俾妳, 如果有咩變動可以電聯.

我問過親子芭蕾舞班除咗 10:00 am, 就只有早一班 9:00 am, 但係我無信心趕到呀, 以前家晞返 playgroup 都係返 9:00 am, 雖然佢已經起咗身, 但係未醒得哂, 吽吽哋, 要 warm up 好耐先得o架, 所以要再諗吓, 或者等下期 kindermusik playgroup 啲時間就唔就到啦.


Quote:原文章由 薳然媽媽 於 07-10-15 09:52 硐表
家晞媽咪,

薳然早陣子同家晞一樣呀, 唔happy時, 就粒聲唔出, 走去我個房攤響我張床度, 咁我地跟住佢睇佢做咩時, 佢會話唔出去呀, 發皮氣呀, 有時又話: I'm not happy 呀, I want to cry, 真係又好嬲又好笑, 不過最 ...
薳然媽媽 | 2007-10-16 11:59
家晞媽咪,

唔知點解尋晚到今朝都回覆唔到添.
我收到您pm電話啦, 多謝哂.
係呀, 依家d小朋友好厲害架, 唔知係咪d奶粉 & 其他剌激多左, 佢地真係難教過以前好多.
薳然呢期睇到m&m廣告, 成日好想要m&m, 早多日我地買左一筒, 就比左幾粒佢食, 咁我老公問薳然好唔好請daddy食一粒, 薳然唔想請, 即刻話: daddy咳咳, 唔食得呀, 真係笑c人;P , 呢排又成日叫daddy唔好睇電視啦, 食飯先啦, 好老積呀.

家晞kindermusik 係咪係小冬冬返架 ? 我之前都帶過薳然去試堂, 小冬冬環境真係幾好, 不過好貴呀, 所以我最終都無比薳然返.

薳然都係之前上9:00am芭蕾舞架, 不過真係早得濟, 後尾我地轉左10:00 am咋. 遲d睇吓家晞可唔可以10:00am一齊上啦.


Quote:原文章由 lsw0316 於 07-10-15 17:10 硐表
薳然媽媽,

原來佢哋呢個年紀嘅表現都係差不多, 而家教小朋友真係比以前父母教我哋嗰陣難好多, 又唔鬧得但係又唔可以縱容, 真係好難攞平衡o架 :(, 有時都會俾佢哋激到好忟o架 [url]http://forum.baby-kingdom.com/images/ ...
薳然媽媽 | 2007-10-16 12:03
子俊媽咪,

尋日子俊係咪無返學呀? 我一放工返屋企就問薳然, 子俊有無返學, 薳然話無呀, 子俊fever呀 (學我星期日同佢講), 我再問幾個同學, 其中薳然又話一翹無返學, 一翹唔舒服, 唔知係唔係梁老師話佢地聽呢?
lsw0316 | 2007-10-16 14:53
薳然媽媽，

我都收到妳 pm 啦, 多謝 !

家晞都無講錯, 子俊無返學, 好多時都聽到家晞自己同我講話一翹無返, 呢排又無撞見佢媽咪, 我仲以為佢無讀添呀! 不過, 久不久又聽見家晞提一翹個名, 所以估佢病咗, 如果見到佢媽咪真係要問候下佢先得.

家晞係喺 Littleton 上 kindermusik, 係幾貴o架, 不過, 就近都無呢類 playgroup, 同埋佢每堂上一個半鐘, 出面嗰啲係 45 分鐘到 一個鐘, 每堂平啲, 但時間短, 所以都唔係貴好多. 最初未返學前返佢哋個 prep program, 一星期返三日, 每日兩個鐘, 學費同方方一樣, 仲要一次俾兩個月, 好喇脷o架, 不過, 上咗之後, 真係覺得家晞 pick up 得好好, 妳都聽過家晞幾怕生保啦, 不過, 佢好鍾意, 又學到嘢, 而且, 佢一班都唔會太多人, (我估因為貴 -- 如果無上過佢啲堂, 真係未必有信心一次俾咁多錢o架!) 因為人少, 老師又跟得好, 家晞咪跟得上囉. 我嗰時仲返緊工, 忙到 c, 揾到咁近有啱佢年紀嘅 playgroup, 就即刻俾佢去玩, 等佢返學無咁驚. 話時話, 我嗰時喺愉景新城其他有興趣班嘅都無啱兩歲嘅 playgroup, 最細都要三歲先有, 薳然之前喺邊度上 playgroup 呀?

Quote:原文章由 薳然媽媽 於 07-10-16 11:59 硐表
家晞媽咪,

唔知點解尋晚到今朝都回覆唔到添.
我收到您pm電話啦, 多謝哂.
係呀, 依家d小朋友好厲害架, 唔知係咪d奶粉 & 其他剌激多左, 佢地真係難教過以前好多.
薳然呢期睇到m&m廣告, 成日好想要m&m, 早多日我地買左 ...
子俊寶寶 | 2007-10-16 22:48
薳然媽咪,

收到您pm喇.

子俊好返喇, 醫生話子俊有感冒菌而導致喉嚨發炎喎.

我都想幫子俊打流感針, 但係每次剛剛好番幾日又病, 根本無機會打.

好多謝你既意見呀. 我會再努力架喇.

11月5日無問題, 時間再約啦.


Quote:原文章由 薳然媽媽 於 07-10-15 09:42 硐表
子俊媽咪,

收到您pm電話啦, 多謝哂:lol . 下次薳然話打比子俊時, 我打比您啦, 係呀, 睇吓佢地會講咩野都好. 我等一陣都pm我電話比您呀.

子俊好返哂未呀? 退哂燒就好啦, 醫生話子俊咩野呀 ?
係呢, 學家晞媽咪話齋 ...
子俊寶寶 | 2007-10-16 23:15
薳然 & 家睎媽咪,

今日接子俊放學時, 佢見到個同學仔, 跟住介紹比我識, 原來係志樂. 佢高過子俊大半個頭, 生得好高呀. 我同志樂個工人姐姐講左幾句, 原來佢仲細個子俊1個月:-o . 唉.....子俊又真係細粒d既.

我工人下個月放大假返印尼, 你地知唔知邊度有平機票訂呀??

我上個月打電話問過Garuda Indonesia airline, 佢地話要$2561已包稅, 由jakarta轉機去SURABAYA. 但係system顯示要係機場stay一晚, 第2朝5點幾才轉機. 但其實只需即日轉機(within 1.5-2hrs), 只是system未update. 今日再打去問, 佢依然話未update. 佢叫我先留左名hold住個位, 到end of oct 再confirm ticket.

hong thai 平d, 同一airline & same case, 只需$2241. why??? 佢仲平過airline???
薳然媽媽 | 2007-10-16 23:41
子俊媽咪，

若果訂工人機票，試吓搵僱用公司ｄ Agent，平好多架．
另外您都可以試吓　www.zuji.com, ｄ機票好似都平ｄ．

子俊好返就好啦:lol: , 薳然都話子俊今日有返學呀，不過卓琪就無返學．


家晞媽咪　＆　子俊媽咪，
尋日收到ｄ恤衫，紅褸＆冷外套，ｄ質地好似好差咁:( ，今日打左電話去學校問，紅褸最好用手洗，冷外套可以放衣物網，然後放入洗衣機洗，但千其唔好用乾衣ｆｕｎｃｔｉｏｎ．

我地11月初再約定地點同小朋友一齊食lunch啦, 好期待:P .

家晞媽咪，
我地去年９月搬黎荃灣後，薳然就響南豐間jolly clown返playgroup, 返左4個月, 之後轉左去富利達中心間joyful, 其實有得比較, 我就覺得小冬冬乾淨d&認真d, 不過薳然o係joyful都學左好多野, 如monday - sunday, january - december, & 好多英文兒歌等等, 學費就平好多 hk$2,300一個月, 仲係日日有得返, 每日三個鐘, 真係好抵玩.

係呀, 我都好多時聽到薳然話一翹無返學.

呢兩日天氣轉涼, 大家接小朋友放學時最好帶定多年外套仔比小朋友著呀, 我覺得件藍色秋褸好似好單薄咁.

Quote:原文章由 子俊寶寶 於 07-10-16 23:15 硐表
薳然 & 家睎媽咪,

今日接子俊放學時, 佢見到個同學仔, 跟住介紹比我識, 原來係志樂. 佢高過子俊大半個頭, 生得好高呀. 我同志樂個工人姐姐講左幾句, 原來佢仲細個子俊1個月:-o . 唉.....子俊又真係細粒d既.

我工 ...
[ 本文章最後由 薳然媽媽 於 07-10-16 23:46 編輯 ]
lsw0316 | 2007-10-17 01:00
子俊媽咪,

我都成日聽見家晞提志樂同子文, 未見過佢哋, 因為呢排好懶, 掛住 , 又無湊返學又無湊放學. 睇嚟家晞同啲同學仔熟絡咗, 如果我去湊放學, 可能佢都會講吓小朋友啲名俾我識, 好似今朝我湊家晞返學, 佢喺商場離遠見到個同學, 講咗個名以為係同班同學 (但我宜家唔記得個名, 係新o架, 我哋喺呢道未講過.), 行近啲先知認錯

我之前買機票都係俾 agent 搞, 可能貴幾百, 但 agent 搞掂哂, 無麻煩. 我工人今年2月續咗約, 不過, 佢唔返印尼, 上兩個月, 佢自己搞咗次上大陸 visa, 出一次境, 唔駛過夜, 咁就唔駛返去 lu.


Quote:原文章由 子俊寶寶 於 07-10-16 23:15 硐表
薳然 & 家睎媽咪,

今日接子俊放學時, 佢見到個同學仔, 跟住介紹比我識, 原來係志樂. 佢高過子俊大半個頭, 生得好高呀. 我同志樂個工人姐姐講左幾句, 原來佢仲細個子俊1個月:-o . 唉.....子俊又真係細粒d既.

我工 ...
lsw0316 | 2007-10-17 01:30
薳然媽媽,

講開校服, 收到件灰色厚褸, 有啲愕然, 覺得咁厚嘅, 好誇張呀, 對於大人, 宜家香港啲天氣, 真係唔駛著到咁厚, 好似舊年咁, 都好似無乜凍過, 不過, 諗深一層, 細路仔又唔同, 一下子凍一兩日, 都要有件厚褸著. 我覺得啲褸料差都唔及套運動衫差, 啲袖手口同領又唔同色. 可能係我職業病, 我之前係做製衣 merchandiser, 就係用呢類我哋行內叫針織布做衫褲, 不過, 我兩個囝, 讀咗咁多唔同嘅學校, 由幼稚園, 小學到中學, 間間用啲料都差不多"差", 唔會太好, 分別只有賣價貴啲(=賺多啲) 定平啲 (=賺少啲)咋.

Quote:原文章由 薳然媽媽 於 07-10-16 23:41 硐表
子俊媽咪，

若果訂工人機票，試吓搵僱用公司ｄ Agent，平好多架．
另外您都可以試吓　[url]www.zuji.com, ｄ機票好似都平ｄ．

子俊好返就好啦:lol: , 薳然都話子俊今日有返學呀，不過卓琪就無返學．


家晞媽咪　＆　子俊媽咪，
尋日收到ｄ恤衫，紅 ...
薳然媽媽 | 2007-10-17 09:01
家晞媽咪,

我無買到件灰色厚褸呀, 因為諗住讀一年, 實際只係會著得幾個月, 可能又只係著幾次添, 又因daddy&工人會送返學, 工人會湊放學, 若果真係好涷既話, 會比羽絨阿囡著, 之後返學或放學到門日至換紅校褸.

我收唔齊d校服呀, 欠兩條灰裙 & 運動服.

原來您之前係做merchandiser, 呢行真係好忙架喎, 依家您唔做工, 可以抖返吓囉.

家晞係咪束兩條短辮子架 ? 尋晚薳然話要幫我束辮子, 搞左我d頭駛一大輪, 佢咪又係要我自己束, 因為佢唔識"橋"橡根, 我束完之後, 佢話我同陳家晞一樣:) .


Quote:原文章由 lsw0316 於 07-10-17 01:30 硐表
薳然媽媽,

講開校服, 收到件灰色厚褸, 有啲愕然, 覺得咁厚嘅, 好誇張呀, 對於大人, 宜家香港啲天氣, 真係唔駛著到咁厚, 好似舊年咁, 都好似無乜凍過, 不過, 諗深一層, 細路仔又唔同, 一下子凍一兩日, 都要有件厚褸 ...
20/32
首頁|前頁|下頁|尾頁
.
Powered by Baby Kingdom
立即打開