有無愉城方方家長？

帖子列表  登錄   
子俊寶寶 | 2007-10-23 21:22
我今日問子俊, 佢話家睎有返學喎:-o . 不過Ms. Karen就無返, 由另一個老師負責同佢地講故仔(我唔記個名).

如果由我接子俊放學, 我每次一定叫佢介紹同學仔比我識, 每日識一個都幾好喎, 尋日識左一個女同學, 好似叫Bell Wong.

子俊由細到大都唔食手指, 呢幾日經常放兩隻手指公落口, 我話dirty, 佢話may may係咁 (我諗may may係佢同學, 佢扮 may may). 攪到呢幾日成日都要提住佢唔好學.




Quote:原文章由 lsw0316 於 07-10-23 00:08 硐表
薳然媽媽, 子俊媽咪,

今日到家晞打敗仗啦! 家晞上兩個星期病完, 醫生話仲有少少咳同痰可以唔駛覆診, 等佢咳清就 ok, 過咗一個星期係好咗, 少咗咳, 久不久有兩聲, 我已經成日煲湯等佢潤吓, 不過始終未斷尾, 跟住星 ...
子俊寶寶 | 2007-10-23 21:26
我聽中醫師講過咳有分熱同寒咳, 川貝燉雪梨係比熱定寒咳飲架??? 因為佢話如果比錯仲咳得犀利. 我都唔多識:-? , 想請教下你:handshake .


Quote:原文章由 薳然媽媽 於 07-10-23 09:03 硐表
家晞媽咪,

家晞有d痰清唔哂, 您有無試過川貝燉雪梨(一個去哂皮&心既雪梨, 加一匙磨粹左既川貝, 加一碗水, 燉一個半鐘)呀 ? 上回薳然又係有d痰清唔哂, 食左兩日化痰粉都唔清得哂, 咁薳然跳芭蕾舞既同學仔媽咪教我川 ...
薳然媽媽 | 2007-10-23 22:56
子俊媽咪,

無問題, 我聽日問agent, 之後覆返您啦. 唔駛客氣:cheeze:

Quote:原文章由 子俊寶寶 於 07-10-23 21:10 硐表
薳然媽咪,

我工人係11月尾走, 12月中返. 大概日期係22/11走, 13/12返(可以改任何曰字). Fm HK to Surabaya. 可以接受轉機(2-3hrs), 但不要係機場overnight.

真係唔該哂.


...
薳然媽媽 | 2007-10-23 23:05
子俊媽咪 & 家晞媽咪,

可能我尋日聽家晞媽咪講話等家晞休息多一日, 所以今日問薳然家晞係咪無返學, 佢話係. 但係因為今朝早薳然醒左有dd咳, 之後扭計唔多肯換校服返學, daddy氹佢話梁老師&家晞響學校等緊佢, 佢先至肯換校服, 所以頭先問完薳然家晞係咪無返學之後, 佢轉就話家晞等緊佢:-o .

您話個同學仔 bell wong, 我之前都好似聽過薳然提過, 但聽得唔係好清楚, 薳然可能講得唔清楚, 聽日再問吓佢先. 係呢, 同小朋友講吓d同學仔既名呢, 佢地會對返學有歸屬感:-) .

您地知唔知道今個月邊日開生日會呀 ? 係26/10/07 定2/11/07 ?

我會提早兩日放產假, 即係由1/11/07開始, 我想早dd同您地d囝囝囡囡見面呀, 您地1/11/07 食lunch okay嗎 ?



Quote:原文章由 子俊寶寶 於 07-10-23 21:22 硐表
我今日問子俊, 佢話家睎有返學喎:-o . 不過Ms. Karen就無返, 由另一個老師負責同佢地講故仔(我唔記個名).

如果由我接子俊放學, 我每次一定叫佢介紹同學仔比我識, 每日識一個都幾好喎, 尋日識左一個女同學, 好似叫Be ...
薳然媽媽 | 2007-10-23 23:28
子俊媽咪,

川貝係化痰架, 所以若果知道小朋友有咳出有痰, 就可以比.
若果熱咳就係乾咳, 聽唔到痰聲.

係呀, 比錯左, 就會咳得仲犀利, 上次薳然就係咁囉, 搞到氣管炎. 以往我見薳然有小小痰咳既時侯, 我地會比佢食保嬰丹 或 猴棗末 或煮餸比薳然食時加片薑, 就會化左d痰, 但乾咳呢, 我地就會比雪梨茶佢飲, 每次無問題, 都駛得. 但係上一次, 薳然有好輕微既咳, 我打電話返去問工人, 薳然咳出有無痰, 佢話有, 咁我就叫佢加片薑煮午餐比薳然, 因為唔想佢食咁多保嬰丹猴棗末, 點知放工返屋企後見到薳然咳到不似人形, 係乾咳, 我就問工人點解佢話薳然咳出有痰, 佢話見佢瞓晏覺時覺得有痰, 再問真d詳細d, 查實佢聽唔出薳然咳出有痰, 佢o個d只係鼻寒聲, 跟住第2朝早就有d發燒, o個次仲搞到薳然要照肺, 好彩只係氣管炎咋, 唔係肺炎.

尋日朝, 我又比個工人激c, 我叫佢沖定杯化痰粉, 等我老公放左佢同薳然落車後 on the way入學校時, 比薳然飲, 與此同時我又叫佢買定d雪梨茶返屋企看門口, 點知佢又無聽我既意思, 佢送薳然返學時無沖化痰粉, 當然就比唔到薳然返學前飲啦, 跟住佢自把自為放學就比薳然飲, 跟住返左屋企, 同薳然沖完涼食完午餐之後, 又開支雪梨茶薳然飲, 搞到亂哂大籠. 尋日同梁老師傾開電話時, 我問梁老師薳然返學有無咳, 梁老師都話無, 之後我打返屋企, 工人又話有, 我再問清楚, 佢就話我聽佢咁樣比薳然飲, 我就黎比佢激c, 佢越做越蠢, 之後我索性叫佢咩都唔好再比薳然飲啦. 真係想快d送走佢.




Quote:原文章由 子俊寶寶 於 07-10-23 21:26 硐表
我聽中醫師講過咳有分熱同寒咳, 川貝燉雪梨係比熱定寒咳飲架??? 因為佢話如果比錯仲咳得犀利. 我都唔多識:-? , 想請教下你:handshake .


lsw0316 | 2007-10-24 00:51
子俊媽咪,

係咪子俊又玩妳呀? 聽妳講過子俊好鍾意蝦妳唔知道學校啲嘢, 專登講相反嘅嘢喎

家晞今日都無返, 因為噚晚把聲都係沙沙哋, 同有很多痰, 不過, 今朝佢把聲清咗好多, 而且都無再發燒. 但係, 我都無俾家晞返學, 唔想佢將啲菌傳俾其他小朋友. 今朝覆診, 醫生話家晞喉嚨有少少紅, 醫生話家晞已經大個, 應該可以自己打低啲菌, 唔駛食抗生素/消炎藥, 醫生問我想唔想俾佢食, 我都贊成唔食消炎藥, 不過, 醫生話可能會慢啲先好番. 而家晞因為喉嚨紅紅哋, 覺得唔舒服, 所以都係唔想食嘢, 瘦咗呀

講開我都覺得啱啱嗰幾日都有食手指, 家晞都好似子俊咁自細都無食手指嘅習慣, 我見家晞食手指只係叫佢唔好, 因為手指好污糟同埋會肚仔痛, 見佢佢隔一陣就無再食, 之後都唔見佢有咁做, 希望佢唔記得啦. 下次如果佢再食手指, 等我都問吓佢點解咁先得!

家晞聽日會返學o架啦, 妳再試吓問吓子俊吖!


Quote:原文章由 子俊寶寶 於 07-10-23 21:22 硐表
我今日問子俊, 佢話家睎有返學喎:-o . 不過Ms. Karen就無返, 由另一個老師負責同佢地講故仔(我唔記個名).

如果由我接子俊放學, 我每次一定叫佢介紹同學仔比我識, 每日識一個都幾好喎, 尋日識左一個女同學, 好似叫Be ...
lsw0316 | 2007-10-24 01:11
薳然媽媽,

我以前都有燉俾兩個囝囝食, 家晞就未試過, 只係有時會食猴棗散, 我諗住等家晞食完西藥會試吓燉俾佢飲.

家晞聽日返學o架啦, 我問家晞有無 miss 啲同學仔, 佢話有, 不過唔講 miss 邊個, 有啲心不在焉, 因為掛住睇 DWE dvd.

改 11/1 食 lunch 我都 ok, 到時再約時間吖.


Quote:原文章由 薳然媽媽 於 07-10-23 23:05 硐表
子俊媽咪 & 家晞媽咪,

可能我尋日聽家晞媽咪講話等家晞休息多一日, 所以今日問薳然家晞係咪無返學, 佢話係. 但係因為今朝早薳然醒左有dd咳, 之後扭計唔多肯換校服返學, daddy氹佢話梁老師&家晞響學校等緊佢, 佢先 ...
薳然媽媽 | 2007-10-24 09:03
家晞媽咪 & 子俊媽咪,

係呀, 講開咬手指, 薳然開頭開學都有咬手指, 應該係開學時面對新環境, 佢地有所焦慮所致, 薳然咬左一個月左右先至無咬. 薳然由細都有食手指架, 之前有好多frustration唔知好唔好比佢食, 但係我睇書, 親子班姑娘, 同事&問過醫生, 都講話做咩唔比話bb食手指, bb食手指無問題架, 會聰明d (因為通常佢地食手指時, 個腦仔會思考) & 有安全感d, 至重要係勤d清潔手指仔, 到一歲後, 佢地會自己戒唔食, 薳然真係大約一歲左右日間唔食手指, 只係瞓覺時食, 到佢兩歲我地至幫佢戒埋瞓覺唔食手指, 佢o個時都大個左, 佢自己都好想戒, 所以一戒就ok. 不過依家佢隻手指隻都有個枕.

睇埋子俊媽咪11月1日得唔得閒, 我地就約埋地點啦, 去鴻星飲茶好唔好呀 ? 定係您地有其他食肆提議 ?


Quote:原文章由 lsw0316 於 07-10-24 00:51 硐表
子俊媽咪,

係咪子俊又玩妳呀? 聽妳講過子俊好鍾意蝦妳唔知道學校啲嘢, 專登講相反嘅嘢喎

家晞今日都無返, 因為噚晚把聲都係沙沙哋, 同有很多痰, 不過, 今 ...
子俊寶寶 | 2007-10-24 23:36
家睎媽咪 & 薳然媽咪,

我叫Carman呀, 你地叫咩名呀??? 我地唔駛成日叫邊個邊個媽咪ma.:-)

係呀, 之前套冬天運動褲有爆線, 咪同梁老師講, 佢話要成套換(衫連褲). 今日收到套新的, 但係發現d料靚好多, 之前係好差既毛巾料, 而家係好似絨的物料, 我覺得保暖好多. 你地個套係咩質地架?? 仲有件校樓d金色鈕好似生绣咁, 有無辦法清除d生绣漬?:-?

今日子俊又擺手指落口, 又話扮may may係咁, 我一時聽到may may, 一時聽到ming ming, 都唔知係may may or ming ming.:-o

頭先同子俊傾計, 問佢係學校同邊個最friend, 佢話係子文喎.;P

生日會呀係26/10/07, coming friday.

1/11 我都無問題呀. [ 本文章最後由 子俊寶寶 於 07-10-24 23:40 編輯 ]
lsw0316 | 2007-10-25 00:02
Hi Carman,

我叫 Vanessa 呀, 大家叫名親切啲呀!

我啱啱去完街返嚟, 工人瞓咗啦, 等聽日攞出來睇睇先. 我都發現啲金鈕有啲氧化, 不過, 我又求求其其咁諗住著完一季都係咁o架啦, 無點理佢. 等我聽日問吓人睇吓可唔可以省 "呤"佢.

家晞都成日有提子文, 話同子文一齊坐. 我都試過問家晞, 但係佢揀唔到邊個係 best friend, 我諗佢鍾意一齊玩, 聽梁老師講, 家晞好鍾意同小朋友一齊玩, 有時仲笑得好大聲添呀


Quote:原文章由 子俊寶寶 於 07-10-24 23:36 硐表
家睎媽咪 & 薳然媽咪,

我叫Carman呀, 你地叫咩名呀??? 我地唔駛成日叫邊個邊個媽咪ma.:-)

係呀, 之前套冬天運動褲有爆線, 咪同梁老師講, 佢話要成套換(衫連褲). 今日收到套新的, 但係發現d料靚好多, 之前係好差既 ...
23/32
首頁|前頁|下頁|尾頁
.
Powered by Baby Kingdom
立即打開