有無愉城方方家長？

帖子列表  登錄   
cacamummy | 2007-11-18 22:02
係呀. 係miss kissie, 我都係因為學校話老師教下晝, 我先覺得小朋友讀下晝國際班都好. 不過我小朋友番左1個月都係廣東話進步左. 英文就唔覺.............

我就係因為小朋友番屋企剩係提過中文老師. 都無提過ms. kissie, 所以就問下學校. 先知上星期五係ms.kissie既last day.

咁ms.kissie唔做都有失望. 而且老師話會有外籍老師follow.


Quote:原文章由 yansy 於 07-11-17 01:47 硐表



yes, I haven't seen Miss Kissie for a long time (i don't know if you are talking about her) . She is a very very very nice and response teacher. She only taught my son phonics since he joined the p ...
[ 本文章最後由 cacamummy 於 07-11-18 22:04 編輯 ]
子俊寶寶 | 2007-11-18 22:47
即係參加香港一天遊囉.:-)


Quote:原文章由 cacamummy 於 07-11-16 21:16 硐表
HELLO,

無錯! 當日真係各有各玩. 本來以為係小朋友一齊去郊外玩, 大人就認識下, 交流下.

一去到, 大家都各有各玩, 感覺似跟旅行團.....

最覺得唔舒服就係, 食飯個陣, 大家都發揮港人本色.
對住碟炸子雞係咁搶 ...
子俊寶寶 | 2007-11-18 22:48
我個仔係讀nursery, 當初無需交留位費, 不過k1就唔知道喇.

Quote:原文章由 heratang 於 07-11-18 07:57 硐表
各位方方的mami, 請問記唔記得當初要比多少留位費, 有冇得refund?
cacamummy | 2007-11-19 01:47
去放風箏個度都好值得回憶既. 話晒都親親大自然嘛. 不過, 我見到有部份家長食完飯走先....
到最後大部份家長都坐係近門口等走. 小朋友就係度玩..都幾似平時落公園玩咁..可能我自己想得太美好...^^ 其實, 我諗咁係正常啩...

Quote:原文章由 子俊寶寶 於 07-11-18 22:47 硐表
即係參加香港一天遊囉.:-)


lsw0316 | 2007-11-19 14:34
Hi Carmen,

唔好意思, 幾日無上嚟, 今日先覆妳. 頭先打咗一大篇, 按完發表回覆之後無晒, 俾佢激死, 而且唔只一次, 次次都係打得長嗰啲就死嗰啲

家晞隻眼同手其實唔係整親, 工人唔識講, 係俾蚊針, 旅行完嗰晚完全唔覺隻眼有俾蚊針過嘅痕跡, 手仔嗰啲就見, 點知等朝瞓醒, 眼肚腫晒, 見佢有啲咳同鼻水, 所以帶咗去睇醫生, 搽咗幾日藥膏, 等佢慢慢消腫, 妳真係有心啦! 妳見到家晞好似唔開心咁, 我估係因為佢食咗藥, 放學時好攰, 所以無乜心機. 我最近都覺好攰開始眼瞓時佢會好野蠻, 同佢講乜都唔聽話, 好似嗰日回程喺營地等緊車, 太陽好晒, 家晞仲著住兩件長袖衫, 叫佢除咗件面衫, 佢點都唔肯, 要用最後一件武器 -- 食糖, 佢先肯除衫.

學校旅行咁安排, 對於我哋家長期望互相認識呢方面絕對係滿足唔到, 只係方便學校安非他命同控制場面, 同埋老師帶隊會唔駛咁辛苦. 我以前跟囝囝啲幼稚園去旅行, 係同班一齊搭車, 到咗目的地會同成班玩一陣集體遊戲, 到午餐時間或午餐後先解散, 我覺得咁先照顧到兩方面嘅需要 -- 親子及同學聯誼. 以前囝囝幼稚園旅行規模一樣咁大, 都係幾間分校一齊去, 都搞得掂, 所以, 只係為與不為啫!

Quote:原文章由 子俊寶寶 於 07-11-15 16:52 硐表
hi Vanessa,

我無同佢去旅行呀, 尋日同子俊去disney玩補返數:cheeze: . 聽你講方方無編排同一班家長一齊, 學生同家長咪好難認識, 即係各有各玩, 失去左個意義喎?-( . 你覺得學校安排得如何? 好唔好玩??

今日接子俊 ...
子俊寶寶 | 2007-11-19 16:25
我都係呀, 所以而家打長篇的, 都會係word打左, 然後copy & paste, 免得又打一次. 希望家睎快d好返.

係呢? 家睎手冊內, 梁老師係咪全部都比"剔"架?? 因為子俊開學到而家, 次次都係"剔". 想睇下梁老師係咪人人都比剔.

和希可能星期五及星期一都無返學, 子俊話佢病左無返學, 佢話好掛住和希.


Quote:原文章由 lsw0316 於 07-11-19 14:34 硐表
Hi Carmen,

唔好意思, 幾日無上嚟, 今日先覆妳. 頭先打咗一大篇, 按完發表回覆之後無晒, 俾佢激死, 而且唔只一次, 次次都係打得長嗰啲就死嗰啲 http ...
lsw0316 | 2007-11-20 12:31
Hi Carmen,

我以前都有試過用 word 打完先 cut & paste, 好多時都貪方便就咁打, 有時越打越多, 想 copy 出來 save 落 word 又唔得, 惟有博一博, 前一排都 ok, 近來個網頁唔穩定啲內容就好容易無晒.

係呀, 梁老師由開學到宣家都係全部俾 "剔" o架, 都唔出奇嘅, 其實喺老師/學校標準, 小朋友表現 "o-o-k-k" 都算達到要求, 有時係我哋家長要求小朋友要絕對聽話係無可能嘅. 最近我報讀嘅幼兒教育遙距課程開咗學, 先知道根據小朋友嘅發展, 喺呢個歲數小朋友嘅思想/反應, 如果想佢哋做到大人嘅期望, 想佢哋一叫就要聽話先叫做乖, (我老公尤其係呢種諗法), 大部分都唔得, 而且, 呢一代嘅教法係唔贊成咁做o忝, 因為蹋有可能會阻礙佢哋嘅心理發展, 大個會怕事, "耐"弱 (唔記得"耐"字點寫), 要懂得用方法引導佢哋做到我哋嘅要求. 唉, 教小朋友真係有排學同要好有耐性先得!


Quote:原文章由 子俊寶寶 於 07-11-19 16:25 硐表
我都係呀, 所以而家打長篇的, 都會係word打左, 然後copy & paste, 免得又打一次. 希望家睎快d好返.

係呢? 家睎手冊內, 梁老師係咪全部都比"剔"架?? 因為子俊開學到而家, 次次都係"剔". 想睇下梁老師係咪人人都比剔. ...
lsw0316 | 2007-11-20 12:46
Hi cacamummy,

原來之前妳囝囝班主任係 miss kissie, 唔怪得妳話妳同妳老公都好鍾意個班主任, 所以唔介意讀下晝班啦, 我對呢個老師都有印象, 喺開學家長陪返嗰幾日, 佢有份領唱英文歌仔, 而且佢個樣同把聲都好 sweet, 感覺好有 passion, 跟方方其他老師嘅感覺好唔同. 希望轉過第二個老師會穩定啲, 如果唔係, 成日轉老師對小朋友都唔好. 妳有無同囝囝考其他幼稚園讀 k1 呀? 我仲未決定係咪喺方方讀 k1, 如果繼續讀, 我想轉國際班, 因為, 第日小學都想讀國際學校. 我兩個囝囝都係讀傳統小學, 親身經歷教改改來改去仲衰過我哋以前, 讀到小朋友同家長一樣咁大壓力, 真係怕怕.


Quote:原文章由 cacamummy 於 07-11-18 22:02 硐表
係呀. 係miss kissie, 我都係因為學校話老師教下晝, 我先覺得小朋友讀下晝國際班都好. 不過我小朋友番左1個月都係廣東話進步左. 英文就唔覺.............

我就係因為小朋友番屋企剩係提過中文老師. 都無提過ms. ki ...
子俊寶寶 | 2007-11-21 08:35
hi Vanessa,

好耐無見Tracy上黎喇, 可能佢已經生左, 希望Tracy 同bb都身體健康. 我上次接子俊放學都見到佢呀.

我都好鍾意miss kissie, 我無同佢傾過計, 只係開學時見佢領唱, 但比我感覺同你一樣好sweet & nice. 我諗小朋友都會同我地一樣有同一感覺(佢有d似卡通片裹面d cutie人物). 真係可惜, 希望佢有一份更加好既工啦.

Quote:原文章由 lsw0316 於 07-11-20 12:31 硐表
Hi Carmen,

我以前都有試過用 word 打完先 cut & paste, 好多時都貪方便就咁打, 有時越打越多, 想 copy 出來 save 落 word 又唔得, 惟有博一博, 前一排都 ok, 近來個網頁唔穩定啲內容就好容易無晒.

係呀, 梁老師 ...
Sai-Lo | 2007-11-21 10:33
Hello 各位BB讀愉景AM Nursery 嘅媽咪,

我阿仔都係讀緊愉景AM Truth II 嘅, 好"善"慕妳吔呀! 因BB每天放学都告訴妳吔好多学校慨情況,而且又唱歌又玩角色扮演:-)

我阿仔唔係太識講嘢, 所以都唔係好知佢係学校嘅情形。只係老師打過幾次Tel.俾我 law話阿仔專注力比較差,成鬼日坐唔定, 上singing lesson, 個個好投入,佢就"灘"响地上好relax 咁打下拍子?-( 唉! 真係俾阿仔搞到頭都大埋。

Hi! 子俊寶寶,
响第2个topic 見到妳會選擇荃浸PM class wor, 我都應該一樣呀!

多多指教呀各位;-)

Sai-Lo
27/32
首頁|前頁|下頁|尾頁
.
Powered by Baby Kingdom
立即打開