Quote:原帖由 fostermak 於 10-1-27 01:10 發表
GB14:
其實我地都唔係住響學校附近,都要專登搭地鐵過去,
但因為以前俾過家姐出去王仁曼學暑期畫班,老師成日轉,每次都見唔到老師,唔會有機會問下小朋友進度或情況,加上小朋友k1至k3擺埋同一班, 一個月四堂先完成一個 ...
| True | 2010-01-27 09:43 |
| dodonalds | 2010-01-27 11:09 |
| GB14 我仔都係讀下午班架,唔知會唔會係同一班呢 |
| dodonalds | 2010-01-27 11:14 |
| fostermak 您好! 之前有個媽咪講鑽石山靈糧既學生叩門小學比較困難, 攪到我非常擔心靈糧真係乜都學唔到 好彩多得你比返d信心我 |
| GB14 | 2010-01-27 13:12 |
| fostermak | 2010-01-27 13:51 |
| Onchai: 英文堂係net teacher教,每星期2堂,今個月開始,學校由原本一位net,再請多一位,總共兩位,同埋有教phonics,新老師o岩o岩到任,都要睇下學校有乜野新安排... 至於駛唔駛到外面再報phonic course,咁就睇個別家長要求... True: 興趣班應該係俾靈糧學生或畢業校友報讀架... 如果係waiting,或者你寫下信俾校長表示誠意,希望等遲d做校服果陣,有人騰出學位,到時咪有機會由候補變正取生,一日未到開學,都仲有機會架,因為有d家長會同時hold住幾個位慢慢揀,未到最後一刻都唔放番d位出黎... Dodoalds: 你話叩門，係叩官津定私校直資呀? 叩門一定係難過登天,因為淨番o既位少之又少,同埋叩親都係一d口碑好,多人想入o既學校,呢個時候,官津學校先有權親自揀學生,除左面試學生+家長外,有d仲可以用筆試精挑細選學生,呢個時間,除左考學生面試表達能力之外,仲可以考埋學術水平... 如果你有留意呢度以前o既post，喧嘩舊年咪同囡囡走左去某傳統著名津校叩門，佢話考筆試一個鐘，考ｏ既係小一下學期ｏ既野，真係好有難度,好在後尾都有一間好好o既私校收左佢囡囡... 其實見到每年d家長響六月第二輪大抽獎同叩門o既心情,所以我同老公都寧願同囡囡考多幾間直資+私小,希望佢憑自己o既表現獲得取錄,而唔係抽獎靠運氣,咁我地o既目標係希望響十一月第一輪官津派位得到私校/直資offer,盡量唔想六月叩門,咁終於響十一月陸續收到offer,可以好安心慢慢揀學校... 其實我見我識o既上午班家長,有部分完全冇考私校+直資做backup,咁佢地拿住15分考地區名校暫時未有offer,要等六月第二輪大抽獎;咁有考直資+私校o既,有d考好多間,有d考一兩間,聽親都至少有一間取錄... 今年我地好多人考音小,咁好似考親都入,暫時聽到一個入唔到... 至於播道,隔離班係大半班十幾人去考,我地果班都有人考,但人數就唔清楚,聽聞都有5個考到,聽落好似好少,但真係唔差,以我地上午班60人黎計,同人地st catherine高班有二百幾人,如果人地大半班一百幾十人去考,睇落人地命中率都比我地高,同埋播道每年有過千人去爭一百幾十個位,要入圍好難架... 就算係陳守仁,今年網上報名人數係三千幾,聽番我地都有一個學生入左第二輪面試,最尾都收左,但會唔會入讀就唔知,因為到六月大抽獎同九月開學,仲有好多變數同大執位... |
| fostermak | 2010-01-27 14:24 |
| bulubee | 2010-01-27 14:43 |
| 唔好意思~ 我咩都唔識 我想問下 我住觀塘區 如果小朋友入到鑽石山靈糧堂幼稚園的話 小一派位是跟家庭地址 (觀塘區) 還是 鑽石山靈糧堂 (黃大仙區) 呢? 謝謝指教. |
| 大眼仔咪咪 | 2010-01-27 14:56 |
| 我都想知呀.... |
| onchai | 2010-01-28 12:07 |
| 小一派位應該係跟屋企地址架喎~ |
| fostermak | 2010-01-28 13:45 |
| bulubee & 大眼仔咪咪: 小一派位(即官津大抽獎)邊間其實跟讀邊間幼稚園冇乜關係,係跟住址有關,第一輪抽獎即十一月係鬥多分,首名初生子女+適齡入學兒童必有15分,呢個分數人人都有,再睇如果爸媽係校友/學校職員,父母或小朋友同一宗教又多d分... 到六月大抽獎,大部分學位俾優先派俾本區兒童,所以好多家長先至響十一月或更早時間搬定去心儀校網搏抽中... 你住觀塘區,今年年初教育局先宣布46+48校網合併,因為官塘區學位不足,要將坪石+彩虹同啟業的七八間小學撥埋一齊,平衡一下,而藍田o既循道/兩間兆強,或油塘基顯好多人揀... 詳情你可以去教育局網頁小一派位到睇下,或者睇下d小一入學指南,或遲d聽下明報星島搞o既小一講座... |
更多選校、升學及教育心得討論內容
