有無愉城方方家長？

帖子列表  登錄   
meta | 2007-09-04 02:11
學校咁多活動，實有機會見:-) 您們小朋友相可以比我地睇下嘛，到時，我認住小朋友個樣咪記得您們囉！:victory:
Quote:原文章由 cacamummy 於 07-9-4 01:51 AM 硐表
好多謝你地咁多位mummy同我分析呀! 其實唔開心. 只係一早已經plan好晒好有野. 因為我係在職媽咪, 可以自己幫bb換衫同送佢上校車. 會sweet好多...嘻嘻...不過, 而家就要假手於人. 不過, 我先生好喜歡個位班主任, 所以 ...
lsw0316 | 2007-09-04 14:42
薳然媽媽,睛睛媽咪,

睇完妳哋講先知原來除咗橙之外,仲有朱古力及維他奶, 嗰日要帶囝囝學游水, 所以遲咗少少返屋企, 見到背囊仔得個橙都有 d 其怪 , 諗落都好嘅, 派生果,健康 d 嘛, 誰不知是家晞急不及待食晒!!

昨天梁老師打俾我, 問家晞在家的情況, 我把家晞在家換校服時大喊的情況話佢聽, 佢都話估唔到, 因為家晞在學校時好乖, 但是很多時唔出聲, 其他小朋友一齊讀字的時候她也不出聲, 但當老師拿教材逐個到小朋友面前要她們讀的時候, 她就會讀, 她算時一個慢熱的小朋友; 不過, 過去兩天她已開始跟她小朋友溝通, 會主動叫小朋友坐在她旁邊一起坐, 希望她可以儘快跟其他小朋友熟落 d, 唔會咁怕醜 la.


Quote:原文章由 薳然媽媽 於 07-9-3 10:12 硐表
Thanks for your information, Meta.

學校仲有司葛脫朱古力糖. 不過我覺得派呢d小食(除左個橙&維他奶)唔係好有益:sick: .

opheliay | 2007-09-04 15:47
晴晴媽媽,

無錯.....我個仔讀k3, 中.英文要開始要做句子....
之前, k2中段都開始默中.英同mentos......家長同小朋友都好辛苦
老師話....小朋友好容易習慣唔需要擔心, 到小一佢地就無咁辛苦啦
:lol:

Quote:原文章由 meta 於 07-9-3 14:54 硐表
首先,要考慮你住既地方距離九龍塘車程有幾遠!
其實方方教授K1課程就等餘其他幼稚園K2教學.即是K3就等餘小1教學.唔一定去九龍塘口者!


薳然媽媽 | 2007-09-04 17:08
家晞媽咪,

家晞這幾天換校服時仲有無喊呀 ? 搵姐姐工人換係唔係好d ?

家晞好乖呀, 只係怕羞小小o者, 老師叫家晞讀, 家晞肯跟著讀, 真係好乖呀:-D :-D .

無收到梁老師電話一個星期, 以為薳然好左d, 點知昨日梁老師打來, 話薳然周身郁, 坐唔定, 好多時好容易比其他聲音物件吸引到佢, 要經常提住佢坐定定, 有時佢又引到其他本來乖乖坐下來既小朋友都一齊四圍行, 我真係覺得唔好意思, 搞壞班房既秩序:Q , 放學時一聽到mic叫搭校車既小朋友出去, 佢就開始緊張起來, 扭要老師比書包佢, 又要老師立即幫佢揹書包, 好心急, 一邊想喊, 又一邊同自己講"未到您呀, 唔好喊啦", 老師都話佢怪怪地, 我就明阿囡咁講係想理性d同自己講未到自己, 又想安慰自己唔好喊, 但佢又控制唔到自己d情緒, 真係好矛盾呢?! 我都好r頭?-( , 尋晚同今早猛同阿囡講慢慢黎, 等一陣就有得放學啦, 唔好咁心急, 但頭先聽工人講阿囡今日都仲係扭, 我都唔知佢要幾時放學先ok:( .

您放心啦, 梁老師話成班同學都好好, 好定, 好乖:-D :-D , 除左薳然麻煩d之外. 不過好彩, 梁老師話薳然學野就無問題, 都學得好快, 算係我安慰之一, 阿囡上星期開始除左識唱太陽伯伯比我聽之後, 仲唱我有一個好媽媽, 唱哂成首呀, 另外仲有好多英文歌, d英文歌我唔知佢係學校學返來, 定係以前係playgroup樹學, 但中文歌就一定係學校教, 真係呢個兩個星期既大收獲.

您地做左體格檢查未呀 ? 上星期六我地帶左阿囡去校醫度做左啦, hk$100比出面醫生平.
lsw0316 | 2007-09-04 17:55
薳然媽媽,

睇見妳話薳然放學咁心急同埋開口自己安慰自己, 覺得薳然好可愛啊! 我都係啱啱先交體檢表, 我仲以為我最遲 tim, 我上星期四趁住家晞有少少咳同流鼻水順便做埋體檢, 諗住起碼可以慳 d 醫生費嘛, 誰不知個醫生完全無收額外費用喎, 只係收普通診金 $190, 所以我都有少少喜出望外的感覺, 可能醫生見家晞係熟客仔, 之前又喺佢度打咗流感針同埋肺炎鍊球菌針, 每種針都要分兩次打, 肺炎鍊球菌針尤其貴 $650 x 2, 可能因為咁, 當回饋熟客仔啩!


Quote:原文章由 薳然媽媽 於 07-9-4 17:08 硐表
家晞媽咪,

家晞這幾天換校服時仲有無喊呀 ? 搵姐姐工人換係唔係好d ?

家晞好乖呀, 只係怕羞小小o者, 老師叫家晞讀, 家晞肯跟著讀, 真係好乖呀:-D :-D .

無收到梁老師電話一個星期, 以為薳然好左d, 點知昨日 ...
薳然媽媽 | 2007-09-05 16:46
家晞媽咪,

家晞換校服仲有無扭呀 ?

薳然有時曳又發脾氣, 激到我嬲, 佢冷靜落黎, 會喊咁口同我講: 媽咪angry啦, 媽咪happy呀, 佢講野真係有時笑c我.

前兩日發現阿囡念主禱文, 不過念到一舊舊, 又咩咩天父, 又咩咩食, 又咩咩福福....跟住阿門.

尋日薳然話係學校食麵麵, 問佢係咪macaroni, 佢又話係喎.
lsw0316 | 2007-09-05 17:08
薳然媽媽,

家晞而家換校服唔喊啦, 因為每朝都係同佢二哥一齊換校服, 一齊出門口, 所以佢不知幾開心, 但係因為小學返學時間早 d, 要 8:05 出門口, 8:20 上堂, 所以送完哥哥後再搭車去到愉城, 都未夠鐘, 學校未開門, 要喺商場行兩個圈先夠 8:30, 但係, 如果唔同哥哥出門口, 家晞一定扭計, 前兩日, 哥哥放學後約咗同學喺屋企樓下大家樂食嘢, 家晞要換過件衫, 哥哥又心急落去, 所以我俾哥哥行先一步, 相差只是一轉電梯時間, 佢都喊到 c c 下, 我已不停同佢解釋哥哥只是先落去搵位及幫家晞買嘢食, 佢搭電梯時都係咁 , 直至到咗樓下先慢慢收聲咋.

到而家, 我問家晞在學校吃甚麼, 佢都係話飽飽或蛋糕, 都係講唔到, 其實佢平時都好鍾意食通心粉, 佢都知甚麼是通心粉, 但唔知點解都係講唔到俾我聽嘅



Quote:原文章由 薳然媽媽 於 07-9-5 16:46 硐表
家晞媽咪,

家晞換校服仲有無扭呀 ?

薳然有時曳又發脾氣, 激到我嬲, 佢冷靜落黎, 會喊咁口同我講: 媽咪angry啦, 媽咪happy呀, 佢講野真係有時笑c我.

前兩日發現阿囡念主禱文, 不過念到一舊舊, 又咩咩天父, 又咩 ...
薳然媽媽 | 2007-09-06 09:32
家晞媽咪,

家晞真係好鐘意哥哥啊, 好得意呀. 我都真係覺得哥哥同妹妹呢個組合非常好.

薳然無哥哥囉, 真係有d可惜, 佢只有d大好多既表哥, 不過表哥點都唔同哥哥, 因為唔係一起生活.

您試吓送家晞入校門前同家晞講, 叫佢記住食咩茶點, 然後放學話返比您聽呀, 因為每日茶點時間係9:50am, 我諗佢會記得架, 跟住您接佢放學又問吓佢, 睇吓佢肯唔肯講. 直到尋日, 我問薳然, 家晞係男仔定係女仔, 佢都仲係答我boy, 我即刻好跨張問佢boy? 跟住佢又話girl, 之後我叫佢再確定, 佢又話boy, 所以我諗家晞同薳然都未熟識. 佢叫係識得兩個同學仔一翹 & Elaine, 前晚佢攞左頭cool幫我帶, 話我聽same same Elaine, 我問佢Elaine係咪帶呢個頭cool, 佢話係喎. 佢有時口up up, 講左d同學仔既名, 然後話到, 我都只係聽到佢講得最新楚係一翹同Elaine, 哈哈, 但佢又唔講自己個名.

今朝好驚險, 薳然一起身拿住條芭蕾舞裙喊咁口同我講話Today ballet dance, 我好驚佢今日唔肯返學呀, 好彩我解釋比佢聽今日係Thursday, Saturday先係ballet dance, 佢開頭有d扭架, 話today not go to school呀, 想大喊出來, 我再同佢講Today, Ms. Law (教芭蕾舞老師) is on holiday, can only see her on Saturday, Saturday ballet dance啦,佢諗佢一陣, 就無扭啦, 一額汗, 真係好彩.
opheliay | 2007-09-06 12:46
薳然媽媽 :

應該係.....謝謝主, 賜飲食, 求祝福, 保平安, 多謝老師請食茶點, 唔該嬸嬸, 阿門


Quote:原文章由 於 07-9-5 16:46 硐表
家晞媽咪,

家晞換校服仲有無扭呀 ?

薳然有時曳又發脾氣, 激到我嬲, 佢冷靜落黎, 會喊咁口同我講: 媽咪angry啦, 媽咪happy呀, 佢講野真係有時笑c我.

前兩日發現阿囡念主禱文, 不過念到一舊舊, 又咩咩天父, 又咩 ...
薳然媽媽 | 2007-09-06 15:22
thanks, Opheliay. 咁我可以知道阿囡講錯左邊度嘞.

Quote:原文章由 opheliay 於 07-9-6 12:46 硐表
薳然媽媽 :

應該係.....謝謝主, 賜飲食, 求祝福, 保平安, 多謝老師請食茶點, 唔該嬸嬸, 阿門


7/32
首頁|前頁|下頁|尾頁
.
Powered by Baby Kingdom
立即打開