有沒有讀禧年小學的家長

帖子列表  登錄   
朱古力 | 2007-12-20 10:53
唔該,

我囝囝今年先一年級，暫時都無人退學，我囝囝果班仲由３０加下一個，加下一個，依家加到３２人，其實話想退學都係我担心囝囝讀得辛苦，其實我老公都唔讚成，因為佢話亞仔都無出聲，係我太緊張喎！佢都講得岩，亞仔無話過唔想讀呢間學校。


Quote:原文章由 唔該 於 07-12-19 23:41 發表
朱古力：
有妳咁好回應我地真係好、妳重係好詳細咁同我地分享、真係難得。
係呢咁妳知唔知多唔多人因為頂唔順而轉校？
其實我都好擔心架、一來我個仔係讀活動教學的幼稚園、但點解我會揀禧年呢........係我覺得個仔係活 ...
朱古力 | 2007-12-20 11:10
囡囡媽，

你好呀！香港地讀書就係咁，想揀間好學校，又唔想讀得咁辛苦，但事實係無可能，通常好既學校，多人揀既學校都係因為佢地出品既學生學術成績好，但試問要學術成績好但又唔要辛苦既，點有可能呢？所以最緊要係小朋友接受程度喎！我覺得最初最大困難係全普通話教中文，可能因為我唔叻啦！所以好難幫到囝囝，每次默書我會上網查好晒發音，再同囝囝默，因為老師係抽默，如果佢唔識聽，識寫個字都無用，英文雖然默句子，但囝囝都ｏｋ，唔需要我浪費太多時間，測驗（評估）我會拎住本書，同囝囝默下生字，出些句子考考佢，考試時，學校會派回一些工作紙和測驗卷，到時我會用電腦改一些問題考考囝囝，雖然辛苦，但囝囝真係識左好多字。

我囝囝係最唔習慣有人洩，有人嘈，老師都會成班一齊罰，一齊鬧，唔同以前幼稚園，老師會個別處理，所以要解釋比佢知，我都有同老師傾，雖然都知無乜用，但現在囝囝都無咁堅持啦！可能已經明白左小學既生活模式，禧年都好多活動，囝囝都好踴躍參加，老師會比好多責任小朋友，如：你負責收中文功課，你負責呢樣，你負責果樣，唔係淨係得２個班長，可能多些小朋友參考班務等，傾住咁多先啦！

Quote:原文章由 囡囡媽 於 07-12-19 23:48 發表
朱古力,

真係好多謝你肯回應我及提供你寶貴的意見(我知你一定是很忙於為囝囝溫習功課)，我們這班未來的禧年媽媽真係好想知道禧年小學的運作，以便幫小朋友盡快適應新的學生生活。

其實我都好擔心囡囡是否能夠適應默書 ...
唔該 | 2007-12-21 00:15
朱古力：
這有妳同我哋分享真好、起碼我地真係可以了解更多內部ge嘢、聽到妳提到一罰就要罰全部人、我好擔心、因我仔自制能力差、比較活躍、駁咀又多、我怕佢會被同學仔排擠。
校長同我講過、學校有兩個好活躍ge學生、請問妳又知唔知？老師會點處理？
朱古力 | 2007-12-21 10:28
唔該,

我聽仔仔講，邊個好百厭，但佢地又唔會杯葛佢喎！不過會知道某幾個特別百厭咯！同埋你唔洗咁担心住，如果有咩問題，隨時都可以在每朝早會時去找老師傾。

不過小學既生活真係唔同幼稚園呀！小學生活比個急速，老師會爭取每分每秒，雖然某幾個嘈就要分班一齊罰，小朋友要時間適應，但老師都好賞勵小朋友架，比喻：默書成績好會送小禮物給他們，所以囝囝經常都好開心帶ｄ小禮物回家給我看。

Quote:原文章由 唔該 於 07-12-21 00:15 發表
朱古力：
這有妳同我哋分享真好、起碼我地真係可以了解更多內部ge嘢、聽到妳提到一罰就要罰全部人、我好擔心、因我仔自制能力差、比較活躍、駁咀又多、我怕佢會被同學仔排擠。
校長同我講過、學校有兩個好活躍ge學生 ...
唔該 | 2007-12-21 15:57
朱古力：
多謝妳的回應、真好.......妳能講出一個重點、就係唔見佢哋有排擠問題出現。
如妳所說、學校係獎罰分明同時顧及某程上有行為差異的學生、大家諗吓......如果學校冇顧及一d經常受罰的學生、我諗會有排擠問題、相信禧年校風都可由此可見。
咁我都冇咁擔心、我記得同校長傾計ge時候提過、我有為此問題擔心、校長話係會有學生和某一d家長會唔鍾意、因為佢哋唔明白、但學校都要它們明白更多包容更大。

係呢..........我都想知道、如果小朋友平日少接觸普通話、如一開學就用普通話教中文、大多數小朋友要幾耐才適應？英文方面會唔會每日都有外籍老師堂？
朱古力 | 2007-12-22 16:43
唔該,

幾耐先適應好難講，因為個個小朋友唔同，我囝囝以前間幼稚園都有普通話班，但唔係每日都有堂，叫做有接觸下啦！同埋好睇小朋友夠唔夠胆講，始終肯講唔怕錯先學得快，我囝囝都好少機會接觸普通話架，但近排佢成日會用普通話同我講野，發音正唔正我都唔係好識，但我好鼓勵佢講既。

我問左囝囝啦！禧年小學有一個本地人既英文老師，一個外籍英文老師，另外再有一個外籍英文老師（係外聘既），囝囝話每個星期有三堂係外籍老師教的，係小組形式上課。

Quote:原文章由 唔該 於 07-12-21 15:57 發表
朱古力：
多謝妳的回應、真好.......妳能講出一個重點、就係唔見佢哋有排擠問題出現。
如妳所說、學校係獎罰分明同時顧及某程上有行為差異的學生、大家諗吓......如果學校冇顧及一d經常受罰的學生、我諗會有排擠問題、 ...
唔該 | 2007-12-22 17:18
Quote:原文章由 朱古力 於 07-12-22 16:43 發表
唔該,

幾耐先適應好難講，因為個個小朋友唔同，我囝囝以前間幼稚園都有普通話班，但唔係每日都有堂，叫做有接觸下啦！同埋好睇小朋友夠唔夠胆講，始終肯講唔怕錯先學得快，我囝囝都好少機會接觸普通話架，但近排佢成日會用普通話同 ...




朱古力：
妳真係好幫到手;-) 想知ge嘢妳都可好快咁回應到、唔該晒。其實禧年都好放資原、真不錯、我想問禧年老師方面、妳覺得算唔算有經驗呢？妳覺得老師處理學生問題正面嗎？會唔會好惡呢？
我見過好幾次禧年學生上pe、回校/小息、給我感覺.......學生好定、唔會嘈、好似連細細聲都冇.....真係好有紀律。
唔該 | 2007-12-25 10:51
聖誕快樂........
Yammiwan2004 | 2007-12-27 12:11
Quote:原文章由 朱古力 於 07-12-22 16:43 發表
唔該,

幾耐先適應好難講，因為個個小朋友唔同，我囝囝以前間幼稚園都有普通話班，但唔係每日都有堂，叫做有接觸下啦！同埋好睇小朋友夠唔夠胆講，始終肯講唔怕錯先學得快，我囝囝都好少機會接觸普通話架，但近排佢成日會用普通話同 ...


你好,我個仔都是讀禧年小一,你個小朋友讀邊班呀?
qkhui | 2007-12-28 09:08
HI，　我想問一問, 開學之前, 學校會唔會有分班試考, 及一些認識學校的參觀ka ?

Quote:原文章由 Yammiwan2004 於 07-12-27 12:11 發表


你好,我個仔都是讀禧年小一,你個小朋友讀邊班呀?
5/125
首頁|前頁|下頁|尾頁
.
Powered by Baby Kingdom
立即打開