其實原本都無為意
跟住係"家傭"果版, 見到d人話工人唔幫手裝湯裝飯, 係無大無細, 唔知規距的表現....
咁我先諗下, 係咪我太過"仁慈"啫...

but anyway, 我都係鍾意自己裝囉....
有時99都會幫我裝, 但其實, 我係想自己裝......

---

我俾工人自巳選擇, 多數都會同桌, 因為唔想佢有hard feeling, 不過有d話自己係kitchen食會開心d, 我都會由得佢~

不過星期一至五其實佢係同小朋友食多, 因為我地兩公婆都成8點先食得飯, 唔想小朋友太夜食, 所以佢地自己食先, 工人會分兩份送, 我地返到去先煮, 好多時有一個半個送小朋友食既同我地食既會唔一樣架

---

呢個辦法都幾好喎
等我諗諗佢
不過要我奶奶唔係度先囉
如果唔係, 又會話做乜工人食先, 無大無細架啦, 怕左佢....:happy:

---

其實大家都係人, 都係打份工啫, 我唔覺一齊食飯會有咩問題, 我自己就無咩所謂, 不過去到朋友屋企就視情況, 佢地都會好醒目既~

有時d人成日話工人有問題, 我覺得都有機會係僱主有問題在先, 我聽過有個工人要瞓kitchen, 仲要係舖報紙瞓, 你話呀, 真係咩人都有...

---

哈, 你咁開通
第二時你個仔請工人服侍你都唔駛咁愁了. :wahaha:

真係, 見到有d人寫野好搞笑, 乜野"絕對唔可以同枱食飯"~~
哈, 我99都唔會咁講啦....

---

咁即係好定唔好呀:nothing: :happy:

我成日都會諗, 自己打工都唔想老闆對自己咁差啦, 自己咪做好dd, 大家都會好過d~ 佢地離鄉背井寄人籬下巳經唔好受..

話事話, 我見過好多話沖涼都唔俾係屋企沖, 要去會所or public toilet, 你又會唔會咁做呢??

---

當然係好啦, 你估成日聽老人家伊伊哦哦好咩....

係啦, 我成日都係我99面前, 話我公司個大老板好好人, 我呢D咁低級的職員, 佢每次見到我, 都會主動笑笑口同我打招呼. 公司個鬼佬總裁一樣....不過我諗我99都唔係好明我講呢番話的用意啦...

叫工人去會所沖, 今日"頭條"都有講. 唔好話歧視工人啦, 對其他住客都唔公平吧? 簡直係濫用囉...請得工人, 又要當正人地係下人, 話就話唔駛對佢地過份仁慈, 但都唔好當人地無感覺囉...

我成日都話將心比己. 你老闆話: 你唔可以同我同枱食飯, 你唔可以同我用同一個toilet, 做唔啱野一定係你問題.....我估, 做員工, 都唔舒服吧...

---