天富苑媽咪入「黎」chat

帖子列表  登錄   
Kubi | 2007-11-21 11:08
Quote:原文章由 veroshea 於 07-11-20 15:46 發表


原來係咁, 不過都麻煩你幫我問下, 最多都係十零日, 睇下得唔得, thanks


veroshea，

收ｐｍ;-)
莎莎莉莉 | 2007-11-21 14:54
我卒之幫阿仔報左英藝呀
出年年頭就可以返學了!
珈如媽媽 | 2007-11-22 08:48
Quote:原文章由 wendy_ho 於 07-11-21 10:31 發表

居然大比數勝出.....真係唔明
我係投no.3, 但之後睇返 tinfu.org, 原來佢都有將唔關自己事的偉績, 作大同自己有關, 真可恥


唔知係咪因呢件事少左票呢?!
NO. 3 同佢呀頭, 張 X 登都一齊輸左, 在 TV 見張 X 登冇晒心機.
莎莎莉莉 | 2007-11-22 09:25
張賢登都輸, 有點意外
民建聯的地區工作真係做得咁好????


Quote:原文章由 珈如媽媽 於 07-11-22 08:48 發表


唔知係咪因呢件事少左票呢?!
NO. 3 同佢呀頭, 張 X 登都一齊輸左, 在 TV 見張 X 登冇晒心機.
veroshea | 2007-11-22 10:17
Quote:原文章由 莎莎莉莉 於 07-11-22 09:25 發表
張賢登都輸, 有點意外
民建聯的地區工作真係做得咁好????




kubi,
唔該晒;-)


莎莉
英藝全日定半日呀?

早兩日坐輕鐡見到仔仔以前學校既老師, 佢話佢都幫女女搵緊學校, 佢話佢教果間, 自己小朋友唔可以讀, 佢大仔之前讀激活, 而家讀李宗德, 咁我好自然咁講, 揀返激活啦, 佢e e 呀呀咁話唔想, 我見佢都係鍾意私校, 就話英藝都好似話唔錯, 佢"寧"晒頭咁話, 佢有朋友之前係果樹教過, 話好差, 叫佢唔好諗, 咁我問佢有咩心水, 佢又係話佳寶.

屬粹分享其他人既意見, 別無他意...

wendy, josephine,
係囉, 兩個加埋都好似唔夠佢多, 真係無天理呀...你話佢上次win左之後, 做過d咩呀, 剩係參選前先露下面, tum下d小朋友同c9, 都唔明點會win咁多.?-( ?-(
莎莎莉莉 | 2007-11-22 10:26
英藝我揀左半日班呀
其實呢間阿仔應該只會讀年半左右
所以都無乜所謂了, 我只想佢有個地方可以同小朋友玩下, 適應群體生活, 為轉校做好準備. 我既要求唔高呢! 總之學校企企理理, 有地方就得了.

初初想讀天恩間幼兒學校添, 可惜只得全日, 我唔想, 先唔讀咋....

佳寶我都聽人講話好, 如果我決定俾仔仔在天水圍繼續讀幼稚園, 我都會考慮下. 到時再算... 我諗住俾阿仔做大仔, 幼稚園方面話, 出年佢可以試升讀k1(做細仔), 睇下佢ok唔ok, 唔得既可以repeat k1, 咁我咪諗住, 如果真係repeat k1, 就直情轉去第二間度讀囉...或者俾佢試下考九龍塘果啲幼稚園睇下啦....到時咪真係出番市區住囉...但我又唔係好捨得呢度....我鍾意住呢個屋苑....

唉, 一切都好似未決定咁, 都係睇阿仔讀成點啦....



Quote:原文章由 veroshea 於 07-11-22 10:17 發表


kubi,
唔該晒;-)


莎莉
英藝全日定半日呀?

早兩日坐輕鐡見到仔仔以前學校既老師, 佢話佢都幫女女搵緊學校, 佢話佢教果間, 自己小朋友唔可以讀, 佢大仔之前讀激活, 而家讀李宗德, 咁我好自然咁講, 揀返激活啦, ...
veroshea | 2007-11-22 11:48
Quote:原文章由 莎莎莉莉 於 07-11-22 10:26 發表
英藝我揀左半日班呀
其實呢間阿仔應該只會讀年半左右
所以都無乜所謂了, 我只想佢有個地方可以同小朋友玩下, 適應群體生活, 為轉校做好準備. 我既要求唔高呢! 總之學校企企理理, 有地方就得了.

初初想讀天恩間幼兒 ...


哈哈, 記得舊年我女女揀小學時打算過搬, 而家到你地啦..
諗返轉頭, 都好慶幸自己無選擇搬出市區, 我相信搬左出去, 會多好多好多既壓力, 小朋友既學業啦, 生活質素啦, 小朋友既健康(空氣)等, 都唔知自己可唔可以接受到.

反而而家會覺得如果個小朋友係讀到書既, 只要係校風好, 搵啱小朋友既學校, 其實我諗間間都差不多既, 一樣會有好老師, 唔好既老師, 一樣會有優異既學生同壞學生. 唔同既可能名校生, 家長俾小朋友多好多物質, 支援(課外活動) , 小朋友之間會不自覺多左d比較同鬥爭, 相對壓力也大左, 到時家長既壓力也會不小..

唔搬, 最大既問題係時間, 浪費係交通上既時間同金錢, 俾晒小朋友都唔錯...
stella727ng | 2007-11-22 13:42
Quote:原文章由 veroshea 於 07-11-22 11:48 發表


哈哈, 記得舊年我女女揀小學時打算過搬, 而家到你地啦..
諗返轉頭, 都好慶幸自己無選擇搬出市區, 我相信搬左出去, 會多好多好多既壓力, 小朋友既學業啦, 生活質素啦, 小朋友既健康(空氣)等, 都唔知自己可唔可以接 ...

versoshea
好開心有人同我既想法一樣.公司啲人個個望囝囡成龍鳳.覺得住天水圍對小朋友唔好.我就成日不願置評. 小朋友識啲朋友係好重要.名校個啲好多係$唔係問題.變成佢哋好多野不懂珍惜,有工人個啲仲要係霸道. [ 本文章最後由 stella727ng 於 07-11-22 13:44 編輯 ]
莎莎莉莉 | 2007-11-22 13:47
咁你地的老公認同你們的想法嗎?

我老公係想搬番出去果種...
我覺得好難說服佢留番係呢度讀書....
當然, 最尾決定都係我手上, 因為佢係乜都唔理的人
特別係小朋友的教育, 佢無心去理
乜都係我決定晒

佢啲妹, 又個個都係啲追名校的人
我話幫個仔搵幼稚園, 佢地唔理三七廿一就叫我報根德園...



Quote:原文章由 stella727ng 於 07-11-22 13:42 發表

versoshea
好開心有人同我既想法一樣.公司啲人個個望囝囡成龍鳳.覺得住天水圍有問題.我就成日不願置評. 小朋友識啲朋友係好重要.名校個啲好多係$唔係問題.變成佢哋好多野不懂珍惜,有工人個啲仲要係霸道.
其實不嬲都 ...
veroshea | 2007-11-22 14:39
我老公由細到大都係住港島區, 係周圍都名校既港島區長大, 當然佢絕對認同名牌學校既效應, 但他慢慢巳接受普通學校不一定唔好呢個道理. 到呢一刻, 仍然覺得, 以女女性格, 我地係無揀錯.

而且而家巳經唔同以前, 以前小學可以自行收生(政府學校), 質素比較有保証. 但而家, 全部政府學校都係計分制(宗教, 親人有無讀過or做過, or 運氣), 收生無而前分得咁開. 加所以每間學校都會有一半係相等質素既學生(統一派位). 而學校本身, 間間都想做得好, 唔想殺校, 所以一定同以前做成點都無人理, 政府一定資助既年代唔同. 所以我覺得一般有十年廿年以上, 而沒有縮班既學校, 相信一定有佢可取既地方既.

根德園, 我記我曾經係度post過, 係新北江識左一個年青未婚既老闆娘, 佢未開舖之前係根德園教過2年, 佢話佢有小朋友都一定唔會俾佢係果度讀, 雖然有優先入學, 佢話因為學校對學生唔好, 佢指係學校既policy, 好多野都唔會係為小朋友, 如果汁會用d好平既開水果汁啦. 家長有錢既子女, 又特別對待, 如表演就當主角之類好唔公平. 決定揀佢之前, 一定要諗清楚你願意接受嗎?

而家睇返, 幼稚園真係唔一定要咩名校, 除非你個心巳經揀定左邊間小學, 而果間幼稚園同小學係有直接關係, 或者你係一定會讀直資小學, 因為直資小學要面試, 或多或小都會睇下你係邊間幼稚園, 否則幼稚園都係揀方便, clean, 教材有啟發性, 老師錫小朋友為大前提會比較好.

死勒, 又口水多過茶, 意見多多tim~ :mrgreen: :mrgreen: [ 本文章最後由 veroshea 於 07-11-22 15:30 編輯 ]
25/143
首頁|前頁|下頁|尾頁
.
Powered by Baby Kingdom
立即打開