咁我又唔會真係等阿仔七歲先俾佢學英文, 亦無可能
但起碼佢有有基本表達能力, 我先會中英並行咁教佢囉
講真, 如果佢依家都未明得晒用廣東話的指示, 就要佢上英文pg, 聽英文指示, 根本, 你係想佢聽英文, 定係中文呢?
由聆聽到接收到反應, 係一個思考過程, 我唔想佢因為語文的distract, 而忘記左最重要係要識得自己去諗野.
所以我仍然堅持小朋友在2歲幾前應該係全母語的環境中成長
我本身係做啲同教育有關的工作, 見時下學生好多時的問題都係唔鍾意諗野, 唔鍾意睇書, 唔鍾意諗問題, 所以, 我好concern仔仔應該係要重視思考訓練多啲. 而要有思考力, 首先, 就要佢 build up一套用來"思考"的 語言. 如果佢腦海中沒有"因為, 所以, 點解..."呢啲詞語的概念, 就會限制左佢諗野...而呢個階段, 我就是想主力幫佢建立呢套系統.
英文係重要, 不過, 現在以一個一歲幾小朋友的年紀, 不是學英文的關鍵期, 而係建立思維能力的關鍵期.
有時見到仔仔, 開始明白一啲簡單的因果關係, 例如:
試過佢俾個錢箱我, 我話: "開唔到喎", 跟住, 佢會自己走去櫃桶, 拎把剪刀俾我, 示意要我撬開個錢箱, 咁, 我真係睇到佢開始識得諗野囉. 呢啲就係我覺得佢係呢個階段應該發展出來的能力.
所以, 我同大家係無衝突既, 只係, 起跑點, 我以我個人經驗覺得, 遲一點的問題並不大呢.
Quote:原文章由 Web 於 07-7-12 10:04 發表 
早晨呀!
Kubi,
咁我以後就文雅d:P
莎莎莉莉,
我覺得個專家的話未必適用於香港. 現實係除非你一心諗住大抽獎, 否則, 如果小朋友由七歲才開學外語, 他們於五歲時如何去直資. 私立或官小面試/叩門? 當 ...
[ 本文章最後由 莎莎莉莉 於 07-7-12 10:29 編輯 ]
|
