天富苑媽咪入「黎」chat

帖子列表  登錄   
雲妮彭 | 2008-07-03 15:54
我已經整好間房俾佢架喇,有好多pooh tim呀.....但係佢都係要我陪佢先肯瞓呀...真係瞓開好難戒呀...

Quote:原文章由 Web 於 08-7-3 15:30 發表
囡囡以前都要痴住大人瞓，攪到我瞓唔到．後來我執返好間房比佢自己瞓．　

雲妮彭 | 2008-07-03 15:57
咦,甘你老公咪打消搬既念頭囉!哈...哈......
我個囡都好爤瞓架,床頭瞓到床尾,隻腳又成日伸到我心口喎.....又要攬住我.......所以d睡眠質數好差下.......但無計!!

Quote:原文章由 莎莎莉莉 於 08-7-3 15:54 發表


都無法啦
原先我個仔都肯同奶奶訓架
點知依家都唔肯
我老公又醒訓喎, 如果仔仔又痴埋來訓, 好迫之餘, 我仔仔超爛訓~~佢訓左會360度咁轉的~~咁我老公都頂唔住, 唯有分房訓囉
跟住佢又好欣賞呢個單位了, 因為可以仲 ...
veroshea | 2008-07-03 16:01
Quote:原文章由 雲妮彭 於 08-7-3 15:54 發表
我已經整好間房俾佢架喇,有好多pooh tim呀.....但係佢都係要我陪佢先肯瞓呀...真係瞓開好難戒呀...



你整好間房啦, 我都想整呀>_<
莎莎莉莉 | 2008-07-03 16:01
Quote:原文章由 雲妮彭 於 08-7-3 15:16 發表
你奶奶係咪唔同意你地請工人架?其實邊個話請架?
其實有你奶奶睇住個工人,咪仲好.....如果我請,我無親人睇住架.....所以有d擔心.......我請工人係因為打算生第二胎嘛!而且阿囡返黎讀k1.係呀,佢會讀伊幼全日班呀.........我開始好厭倦每日誇區接送既日子喇........希望快d完結.不過原區讀既話,家姐唔可以幫我湊了,太遠喇........不過我打算有左bb先請工人,所以阿囡要延展到6點先可以放學呀.......我仲要拎permit早d放工接佢呀.........又係一場趕趕趕..............!
...



你想幾時生第二個?

雖然都係要趕住接放學, 但都總好過日日來回市區吖...
我之前就係因為唔想個仔有時要寄居婆婆屋企, 先萌起要請工人的想法啫.

請工人, 主要係我話要請, 一來奶奶雖然只係五十幾歲, 但佢身體唔係真係咁好. 同埋佢朝朝六點幾起身做到果晚, 佢話做到啫, 你都唔想佢咁辛苦啦

到我, 我周末周日又成要做家務. 好辛苦啊....哈, 我好懶做家務架.....咁覺得經濟許可, 咪請囉....

其實我奶奶一向都唔鍾意工人架, 我姑仔果個工人都係同佢不能並存的....但我唔理得咁多啦, 始終, 每個家務都要獨立, 我都唔想再勞煩奶奶同自己媽咪咁多囉....好在, 尋晚見99同工人都相處ok, 99仲話個工學野幾快添...希望一切安好啦.....如果唔係, 我每日返工挺接我99的投訴電話都好唔得閒....

有個人睇住當然好. 媽咪知我奶奶可能同工人唔夾, 都話可以到時叫佢入來幫手睇住下.....所以我都話, 我有龐大的家庭後盾....
veroshea | 2008-07-03 16:03
Quote:原文章由 雲妮彭 於 08-7-3 15:19 發表
我屋企每年既春天都有蚊,但到4-5月,熱定左之後就無.....甘伊幼係咪長年都有架?



熱定左會好好多架啦, 無咁多雨就好好多, 凍天都好小會有既~:happy:
veroshea | 2008-07-03 16:05
deleted :wahaha: [ 本文章最後由 veroshea 於 08-7-3 16:07 編輯 ]
Kubi | 2008-07-03 16:06
嘩~真係搞旺咗個場喎:happy:
我個囡都係成4,5歲先肯自己一間房瞓~
到而家都仲成日話要同我瞓....唯有逢星期六晚俾佢過黎瞓一晚咁多囉 :nothing:
veroshea | 2008-07-03 16:11
Quote:原文章由 Web 於 08-7-3 15:32 發表
我會報直資．但都要諗埋大抽獎．　



咁你係咪首選李宗德呀?? 聽聞都唔難入, 如果收左咪唔駛大抽獎囉? 收左你都無得抽咯, 咁咪唔駛諗囉~:happy:
莎莎莉莉 | 2008-07-03 16:12
Quote:原文章由 雲妮彭 於 08-7-3 15:57 發表
咦,甘你老公咪打消搬既念頭囉!哈...哈......
我個囡都好爤瞓架,床頭瞓到床尾,隻腳又成日伸到我心口喎.....又要攬住我.......所以d睡眠質數好差下.......但無計!!

...


全對!
我老公呢輪又話唔想賣啦~~哈, 不過我地都係一時一樣架啦.....veroshea, 啊?~~ 出年再算啦, 因為我諗住幫阿仔轉第二間幼稚園, 諗住漁翁撒網, 睇下到時邊間收佢啦....都係唔係好捨得呢個單位架啦....

阿仔訓覺係咁~~我都習慣左, 我係果種點都訓得著的人, 所以又無所謂囉...我造果張丁字床, 原本係想佢訓既, 睇下到時佢肯唔肯訓啦...張床都未送貨.....初頭我又係想做車仔床俾佢, 但諗落, 佢大大下忽然唔再鍾意咁低b既野咪弊....所以決定做番簡單d的, 跟住買d卡通公仔玻璃貼紙貼上去就算了
莎莎莉莉 | 2008-07-03 16:14
Quote:原文章由 veroshea 於 08-7-3 16:11 發表


咁你係咪首選李宗德呀?? 聽聞都唔難入, 如果收左咪唔駛大抽獎囉? 收左你都無得抽咯, 咁咪唔駛諗囉~:happy:


其實個個都話李宗德, 係咪真係咁好架
45/143
首頁|前頁|下頁|尾頁
.
Powered by Baby Kingdom
立即打開