yellow,
我都考慮緊 gigiamind o既兩歲班, 所以有 d 問題想請教你!
你囡囡以前o係 gigamind 讀兩歲班, 你覺得佢o既兩歲班 ok 嗎?
另外, 點解囡囡以前o個班會起碼走咗最少半班?
重有, 我囝囝上 playgroup o既 m ...
如果你想囝囝係番d活動教學o既幼稚園,呢間學校唔錯ka,小朋友會好開心,如果係全日班,我囡囡o個時就唔係咁好,因為我囡囡讀o個時全日班o係下午o既時間,係連同高班一齊,所以囡囡同我講有哥哥同姐姐蝦佢(老師都承認有),囡囡唔肯番學,唔止一次,所以我最終轉咗校law,但係而家Gigamind全日班o既下午時間,好似係高年級同低年級分開ka,所以你唔使擔心呢個問題呢!而點解會走咗半班呢,因為走咗最少半班o既家長有d係擔心小學追唔到(英文係幾好ka,但相比起其他幼稚園中文o既程度,就爭少少,同埋想上d小學係傳統o既),同埋之前個外籍老師唔好(而家走咗o勒,唔使擔心),發生咗好多事件令家長好唔滿意(詳情就唔講o勒,呢個老師都走咗)。不過,曳o既學生o係任何一間學校都有,名校都有la,係咪,所以唔使擔心,我都唔覺得Gigamind既學生特別曳:funny:如果你想囝囝上o個間係傳統o既小學,呢間就唔係最理想,睇吓自己個小朋友鍾意d咩law,每間學校都有可取o既地方,最緊要係適唔適合自己個小朋友同埋小朋友讀得開唔開心。
我囡囡而家都好鍾意佢讀緊間學校,雖然日日都有功課,但係佢好樂意做(仲係好心急o個隻),唔使我去提佢ka,今日班主任同我講,我囡囡日日都同佢講 : 我好鍾意你呀,老師!
我聽完都覺得好搞笑,不過我最欣賞間學校係佢可以教到我囡囡由唔鍾意食o既野,而家全部都會食,eg.蕃茄,西芹,蔥......:funny: [ 本文章最後由 yellow 於 08-6-27 00:52 編輯 ]
