天富苑媽咪入「黎」chat

帖子列表  登錄   
莎莎莉莉 | 2007-07-24 14:30
唉, 老人家有時係咁, 牛皮燈籠
我奶奶鍾意自己食埋啲隔夜野, 又鍾意食醃既菜, 魚, 肉等, 煮野食又偏鹹, ...真係無乜營養. 佢身體一向麻麻, 抵抗力好差, 好易病, 咁佢就鍾意買埋啲靈芝孢子呀, xx丸來吃, 幾百蚊一樽的!!

我成日都叫佢, 食多啲新鮮, 有營養既野就得...但係, 佢都好似唔係好明...

Quote:原文章由 珈如媽媽 於 07-7-24 14:26 發表


如果我地出聲, 我奶奶會話番我地轉頭, 話我地懶緊張.:hammer:
雲妮彭 | 2007-07-24 16:27
我就係覺得因為科技既發展,所以攪到"熱島反應"加劇左.成為惡性循環!
係呢,你個鐘點係邊度請架?幾錢/鐘?

Quote:原文章由 莎莎莉莉 於 07-7-23 14:39 發表
我都有諗過, 日後的人類會唔會唔再適合係呢度居住.
不過, 其實另一方面科技不斷咁發展, 又應該可以改變到不良的居住環境吧...所以, 也不用太擔心...

最近請左個鐘點呀, so far so good啦
奶奶隻手成日見痛 ...
莎莎莉莉 | 2007-07-24 17:37
在家務通搵架, 好快, 我上星期三上網留資料, 周四已覆番我搵到人, then 周六試工, 本周一返工.

$120/3hrs.

不過好笑, 我都預左上一代的老人家係咁...實係對工人好多疑心
話說我留低左一大堆衫叫佢燙, 我放工回來問99個工人點
佢即刻話: 個工人燙衫都燙左個半鐘. 跟住問我係咪計時薪, 我話係, 佢就話: 咁唔怪得.啦...

言下之意, 即係話個工人dum波鐘

but be honest, 果度十幾件衫, 俾我都要燙咁耐....:sick: :sick:

有時老人家都真係....

唔怪之得我姑仔請工人, 叫我奶奶唔駛幫佢睇, 免得佢成日"拮"個工人, 搞個工人唔開心, 發泄係bb身上:-) :-)


Quote:原文章由 雲妮彭 於 07-7-24 16:27 發表
我就係覺得因為科技既發展,所以攪到"熱島反應"加劇左.成為惡性循環!
係呢,你個鐘點係邊度請架?幾錢/鐘?

雲妮彭 | 2007-07-24 17:48
莎莉,
120/3hrs算平喎......

老人家係甘架喇.....如果自己係屋企睇住工人做野,都會有好多地方睇唔順眼架.....:-)
莎莎莉莉 | 2007-07-24 17:52
我都覺得價錢ok架
同埋做開希望佢熟手啲, 好啲, 過年大掃除都可以搵佢麻..

係呢, 你個女快兩歲, 佢講野叻唔叻架?
我想知小朋友的語言發展到兩歲應該係點.
我個仔只係講到幾個單字

Quote:原文章由 雲妮彭 於 07-7-24 17:48 發表
莎莉,
120/3hrs算平喎......

老人家係甘架喇.....如果自己係屋企睇住工人做野,都會有好多地方睇唔順眼架.....:-)
veroshea | 2007-07-25 09:50
莎莉,
語言既指引如果無記錯係兩歲可以講50個單字, 兩歲半可以用名詞加動詞做成簡單句子. 我有一份資料, 你要我e-mail or fax俾你呀.

你個鍾點又真係幾平喎, 不過三個鍾, 可以做到d咩?? 佢一星期黎幾多日呀?
莎莎莉莉 | 2007-07-25 10:34
thanks! 我已pm我的email address俾你了!

都算平, 不過佢唔係算有經驗, 所以新手來講都差唔多了. 我有個fd果個仲抵, 三粒鐘$110咋, 仲要果個讀過陪月課程, 可以幫佢同bb沖涼添!

佢一個星期來五日....三個鐘, 我主要叫佢每日來掃地, 清埋垃圾, 拖地, 預備晚餐的材料, 跟住每個星期就做一次清潔廚房, 廁所, 客飯廳, 燙衫, 按情況再洗下奶樽, 洗下地巾, 玩具, 洗窗, 洗燈......數落都唔少野....

不過尋日奶奶又投訴...話佢唔識清潔程序, 抺窗前走去抹窗下的枱, 又話佢抺窗抹到一達達...有時我都覺得幾煩....咁人地只係做左幾日啫...俾少少時間人地學囉....

仲煩既係, 佢話尋晚隻手痛到佢醒左....跟住無奈又話叫我call個鐘點做埋今日唔駛來, 因為無乜好做...

我咪話: 咁掃地拖地都要做架....佢話: 佢只係右手痛, 左手無事, 可以繼續做....

我心諗: 醫生都叫左你唔好再拖地做粗重野, 否則手尾長, 點解你都唔聽? 真係再做唔到時, 咁我點....唉, 老人家有時真係無乜長遠考慮的意識....

我回到公司, 問公司阿嬸, 如果你新抱叫你湊孫, 請個鐘點俾你, 你歡唔歡迎, 佢話: 真係求之不得!!

我真係苦笑....




Quote:原文章由 veroshea 於 07-7-25 09:50 發表
莎莉,
語言既指引如果無記錯係兩歲可以講50個單字, 兩歲半可以用名詞加動詞做成簡單句子. 我有一份資料, 你要我e-mail or fax俾你呀.

你個鍾點又真係幾平喎, 不過三個鍾, 可以做到d咩?? 佢一星期黎幾多日呀?
雲妮彭 | 2007-07-25 10:53
我覺得佢講野ok,不過就比較怕生保人.平時係屋企會咀jel jel,但同陌生人就唔講...
基本上,佢已經可以完全表達到生活上既野.我無計過佢識講幾多句/字,我舉d例子俾你(但我有d同期bb講唔到10個單字):
-mami抱/瞓/食/坐/拎..........
-奶奶飲啊/奶奶飲呀mami,你啊!
-餓啊,奶奶飲啊!
-飽啊,唔飲!
-你,我.
-叔叔,婆婆,爸爸,姨姨,姐姐,妹妹,哥哥........
-mami急呀(當我話去廁所時佢講)
-無啊,狗!
仲有其他甘上下既野.......

Quote:原文章由 莎莎莉莉 於 07-7-24 17:52 發表
我都覺得價錢ok架
同埋做開希望佢熟手啲, 好啲, 過年大掃除都可以搵佢麻..

係呢, 你個女快兩歲, 佢講野叻唔叻架?
我想知小朋友的語言發展到兩歲應該係點.
我個仔只係講到幾個單字

雲妮彭 | 2007-07-25 10:57
補充:

佢講野未識grammer,次序,所以有時會倒轉,eg,奶奶飲呀mami!

同埋佢好多時只會講尾字,eg, 雪糕,只講糕,落雨,只講雨.
除非分開教,佢先會講到.eg, "雪"(停一兩秒),再講"糕".佢就會跟到.
stella727ng | 2007-07-25 13:48
Quote:原文章由 莎莎莉莉 於 07-7-24 17:52 發表
我都覺得價錢ok架
同埋做開希望佢熟手啲, 好啲, 過年大掃除都可以搵佢麻..

係呢, 你個女快兩歲, 佢講野叻唔叻架?
我想知小朋友的語言發展到兩歲應該係點.
我個仔只係講到幾個單字


我個囡都兩歲, 但講野都唔好叻.成句bb話就識. 不過真係唔逼得.佢自己識喺大人處學到講其它野.希望返咗學會好啲講表達自己既野.
9/143
首頁|前頁|下頁|尾頁
.
Powered by Baby Kingdom
立即打開