2005年出世或~宏福幼稚園媽咪~~~入黎一齊傾計丫。 (PART 2)

帖子列表  登錄   
wendyugar | 2008-10-09 10:10
Snoopyhk,

你預約之時必需講明是見驗光師或是醫生,大人因為會檢查眼底所以最好見醫生,但小朋友你就可以自行決定,但我聽取過專業人士的意見,小朋友若在中心應先看驗光師,因為驗光師是駐中心的,而醫生均是在外有醫務所,他們都是義務性質,而驗光師發現有嚴重問題都會提議你再見醫生,因為我有位朋友的囡囡經過驗光師發現有斜視及小小鬥雞,便安排約醫生作進一步檢查及安排做手術,所以小朋友不妨先看驗光師,因為驗光師檢查眼晴都幾細心,當然就我記得除了有一個四眼哥哥check眼無其他驗光師好之外,其他驗光師都幾好,好似今次幫Jasper check眼仔呢位高高地嘅哥哥就幾好。
另如果你唔book weekend平日book會唔會好D,可能依家好full呀！
wendyugar | 2008-10-09 10:32
ElainAiolia,

因為有好多家長都好反對小朋友咁細個戴眼鏡及眼仔真係正在發育當中，所以驗光師通常唔會話明一定要你同小朋友戴,而佢寫張度數紙畀你係除了做record外另一是讓家長你自己決定畀唔畀佢配眼鏡,因為有好多小朋友都抗拒戴眼鏡,因為真係好麻煩又唔舒服,但只要刻服得到當佢地習慣了就無事,好似Jasper第一日戴貪新鮮, 第二日有小小抗拒,同佢話嚴重性係乜,依家會好主動戴,就上星期五取眼鏡至今，幾日時間佢己習慣晒暫時都ok。
至於幫子聰檢查眼仔的驗光師係咪無乜頭髮及四眼哥哥,若係佢就係會無咁細心及欠小小耐性果個,其實其他驗光師一般都幾好如果係女驗光師仲會更溫柔, 好似今次幫Jasper check眼仔呢位高高地嘅哥哥就幾好,有耐性及細心仲會認得笑。


不過咁你都無需咁擔心，等你今日見埋醫生先,希望子聰眼仔無事,等你好消息。
棉花糖媽媽 | 2008-10-09 10:33
各位宏福媽媽~
我想問吓宏福有分本地&國際課程, 咁除咗學卷&教學語言既分別之外.... 課程內容有冇分別架?? 本地課程係咪k2就開始寫字架喇?? 國際課程會唔會冇咁多功課or一樣既呢??
thanks all mum~
snoopyhk | 2008-10-09 12:20
ElainAiolia,

多謝你報料, 我都覺得我地冇時間傾計, 因為我還有好多問題想問你地呢。:ayawn:

希望子聰對眼冇事啦, 唔使太擔 心。

wendyugar,

唔該晒你的回覆。


Quote:原帖由 ElainAiolia 於 08-10-9 00:06 發表
Dear all mami,
好緊張:omouth:mouth:" />，希望子聰聽日驗完眼話無事就好o羅:sigh:。

wendyugar,
其實我都有D “R” 頭，無理由Jasper哥哥98度散光，醫生都叫佢戴眼鏡，但子聰就100度及150度都唔使，而且驗眼期間有時又好似好趕時間咁 ...
ANNELPS | 2008-10-09 14:13
Quote:原帖由 626mama 於 08-9-30 10:33 發表
ANNELPS

N1都喺去西貢北譚涌渡假營, 我會去。
睇吓妳認唔認到我地，再唔係就電聯囉。

青衣玩具開倉，我次次都係知到祺料，
到時就冇去，我今天放半日，有可能
去得到，如果真去到，我反黎話比妳
地聽有咩買同值唔值得去啦。
我 ...


626mama

近排很忙, 所以都無時間上來吹水, 好呀, 到時電聯, 你可唔可以send e-mail話比我知你個tel no. , 因為我唔識用BK pm, 使過有人send pm 比我, 但我都收唔到 ?

知道你就快搬去美景住, 我細細個已經喺美景對面長青邨 住, 宜家住喺青華苑, 你會唔會買萬寧個Buppxxx發聲水煲, 我有好多印花, 如果你有需要, 我可以比你.
626mama | 2008-10-09 15:39
EalinAiolia,

多謝妳講得那麼詳細比我地知，我都好想知。
子聰驗到散光，左眼150度，右眼100度醫生
有冇話算深定淺，妳姐家叫妳帶子聰去表哥、
表姐個眼科醫生度做放大瞳孔，check多次都好。
睇下妳今日帶子聰成點啦。同洗唔洗帶眼鏡。

哈哈...我真係有得搬屋開心到儍o左。多謝妳提我呀。

好明顯，青怡宏福同宏福這邊行政好唔同，定今年好左呢。

唔該晒妳呀，好在妳提提我，(8/10) 有生日會，唔係2位小朋友連生日卡都冇，
626mama | 2008-10-09 15:39
希望05,

係，而家小朋友新聞的觸角真係好好，又愛國，仲有呀，
仲好環保添呀，軒軒一見我買野要膠袋就話我唔環保。


rplyan,

你搬回青衣就PERFECT啦, 紅假我重可約下你們TEA TEA!

原來而家矯視新一代連散光都ok，我幾年我朋友整，都仲未得。
626mama | 2008-10-09 15:40
wendyugar,

話時話，BOOK驗眼沒有問我要醫生定唔要，我幫自已BOOK就有問。


棉花糖媽媽

宏福有分中英文部及國際部。
課程內容有冇分別架?? 我就唔知喇。
626mama | 2008-10-09 15:40
ANNELPS

我唔知妳個電郵，妳比我丫。

原來妳細個住長青，第時我都成日要行去果邊買野都唔定，
青華苑幾好，又靜，唔多閒雜人。
萬寧個Buppxxx發聲水煲，我真係睇中左佢個煮，不過仲想緊買大定細。
一陣放工行去萬寧睇下至十得。我睇完再話妳知要唔要妳D印花，
多謝晒妳呀。
ElainAiolia | 2008-10-10 01:19
Dear all mami,
今日子聰check完眼:surprised:，証實 ………………. 要做四眼雞丁 / 哈里波特:naughty:，今日驗眼問子聰D o野詳細o左，連我同聰爸有無近視都問埋，驗眼情况同盲人輔導會差不多，但好有耐性，無「摧」佢亦比好多時間佢諗，個女醫生仲成日讚佢o力仔:good:，所以子聰都好合作，check完之後就同我講話子聰散光左眼200度、右眼75度，差距好大，仲話check過佢個眼球呢D散光係屬於天生。之後同佢滴眼藥水放大瞳孔再檢查，檢查後發現度數一樣，但個醫生話都唔知子聰好彩定唔好彩，只係得散光而無近視 / 遠視，所以要佢一定要戴眼鏡，keep住唔好比佢加深，同避免佢靠右眼睇o野，而令左眼加深，形成惰眼 / 捨厘眼。醫生仲強調因子聰有鼻敏感，好容易令到對眼痕，盡量唔好比佢成日捽眼，因成日捽眼會令眼球變長形成近視，醫生話唔想佢下次檢查時會有近視o咼，所以比o左D眼藥水佢滴。今次醫生費 $760-，好貴:money$$:，仲係佢o地果度配埋眼鏡，真係窮C人。
29/74
首頁|前頁|下頁|尾頁
.
Powered by Baby Kingdom
立即打開