你們覺得子女在蘇浙上學愉快嗎？因很多朋友也說很辛苦，後悔入了蘇小，說很多人捱不住要轉校，你們的子女如 ...
我女而家係小六，小一時，班上有三分一同學係外國人。其實，佢地讀蘇浙既唯一目的係為左學普通話。呢批同學，基本上係唔會升本地(直資，官津)中學，所以佢地最多就係讀完四年班，就會轉返去國際學校。咁點解係四年班轉走咧？原因係唔想考呈分試，因為既然唔升本地中學，呈分試對佢地來講，就係英雄無用武之地，所以就無謂操練，無謂考。 佢地既父母認為，四年班既中文程度，雖然唔可以話係好好，但基本上已經可以應付聽講讀寫，所以覺得足夠。(佢地多數由N班就開始讀，所以到小四，已經學左8年普通話，對外國人來講，已經足夠)。至於覺得係蘇浙讀書開唔開心，我二個女都係讀蘇浙，一個已經畢業，一個今年畢業，我覺得佢地讀得好開心，同學、家長都唔錯，好好相處。如果問我，可以重新選擇，會點揀？我覺得我都係會揀返蘇浙！我二個女，而家二文三語都非常好(流利既英文，流利既普通話，雖然未去到北京口音，但又聽唔出係香港人，廣東話就更加不在話下)。我覺得呢二樣野，係一般學校比較難同時做到。再加埋蘇浙喜出望外既升中派位，我只可以講3600學費真係物超所值。
